குழந்தை ஓவியம்

புத்தகத் திருவிழா–கற்கை நன்றே!

2012-01-31T19:12:00.000+05:30

பறந்து செல்லும் பறவையை
நிறுத்திக் கேட்டான்
பறப்பதெப்படி?
அமர்ந்திருக்கையில் சொல்லத்
தெரியாது கூடப்
பறந்து வா சொல்கிறேன் என்றது
கூடப் பறந்து கேட்டான்
எப்படி?
சிரித்து
உன் போலத்தான் என்றது
அட ஆமாம்
எனக் கீழே கிடந்தான்
பறவை
மேலே பறந்து சென்றது

-ஆனந்த்

பறவைகள் மிக அழகானவை, தம்முடைய பாரம்பரீய மரபுகளையும், தெளிவான வாழ்க்கை முறையையும் எந்தவொரு நவீன சூழலுக்கும் நசுக்க விடாமல் காத்து வருபவை. அதன் கூர்மையும், நுணுக்கமான செயல்முறையும் மென்மையும் நம்மிடம் இருந்ததாகக் கருதுகிறேன். நமது வாழ்க்கையை நவீன பற்சக்கரங்களுக்குள் நுழைந்து விட்டபிறகு பறவைகளிடமிருந்தோ விலங்குகளிடமிருந்தோ இருந்துவந்த குணாதிசயங்களை ஒரு சாறினைப் போல வெளியேற்றிவிட்டோம்!! உண்மையில் நாம் ஒரு விலங்குநிலையிலிருந்து வெகுதூரத்திலிருக்கிறோம் என்பதை திருப்பூர் புத்தகத் திருவிழாவில் ஏற்படுத்தப்பட்டிருந்த காணுயிர் புகைப்பட கண்காட்சியின் மூலம் தெரிந்து கொள்ள முடிகிறது. வெறும் புகைப்பட கண்காட்சியாக அல்லாமல் வெறும் பொதுநல நோக்கு அல்லாமல் சூழலியல் சார்ந்த அக்கறையும் சமூகத்தின் முறைகேடான வளர்ச்சியைச் சுட்டியும் ஒரு பசுமை நிறைந்த உலகம் காணும் கனவுடனும் அமைக்கப்பட்டிருப்பது மனிதர்களின் நெஞ்சில் அறையும் விஷயம். Natural History Trust எனும் அமைப்பினர் நமது ஊரில் நாம் துரத்தியடிக்கப்பட்ட, தொலைத்துவிட்ட, கொலை செய்துவிட்ட பல உயிரினங்களைப் பதிவு செய்திருக்கிறார்கள். ஒவ்வொரு புகைப்படத்தையும் பார்க்கும்பொழுதெல்லாம், அதன் இடத்தில் வாழும் நாம் என்றென்றைக்கும் ஒரு குற்றவாளிகளே என்று நினைவுக்கு வருவதைத் தவிர்க்க முடியவில்லை. தன்னை ஒரு மனிதன் என நினைக்கும் ஒவ்வொருவரும் காணவேண்டிய கண்காட்சி அது!!

இரண்டு நாட்கள் ஊரில் இல்லாததால் முறையாக பதிவு செய்யமுடியாமைக்கு வருந்துகிறேன். எனினும் கிடைத்த நேரத்திலெல்லாம் ஊர் சுற்றும் வாலிபனைப் போல திருவிழாவில் சுற்றிக் கொண்டிருந்தேன். எனக்கு ஓவியத்தில் ஈடுபாடு உண்டு. அதனால் அது குறித்த சில புத்தகங்களைத் தேடிப் பார்த்தேன். பெரும்பாலும் ஆங்கிலத்தில் மிகத் தெளிவாகவே ஓவியங்கள் குறித்த புத்தகங்கள் கிடைக்கின்றன. ஆரம்பப் பாடம் படிக்க விரும்புபவர்கள் Drawing and Illustration (by Peter Gray) மற்றும் Sketching Made Easy (by Helen Douglas Cooper) ஆகியன கிடைக்கின்றன. இரண்டுமே முன்னூற்றைம்பதிற்கும் மேல் இருப்பதால் இப்போதைக்குத் தேவையில்லை என்று நகர்ந்து தமிழில் ஏதாவது கிடைக்குமா எனத் தேடிப் பார்த்ததில் “மனித உருவங்களை வரைவது எப்படி?” எனும் புத்தகம் (Prodigy வெளியீடு விலை ரூ.40) எளிய முறையில் சின்னச் சின்ன பாடங்களுடன் துவங்குகிறது. அதைப் போன்றே பறவைகள், விலங்குகள் போன்றவற்றையும் வரைவதைத் தனித்தனி புத்தகங்கள் விளக்குகின்றன.

தியோடர் பாஸ்கரனின் சித்திரம் பேசுதடி (காலச்சுவடு – ரூ.175/-) தமிழ் சினிமாக்கள் குறித்த கட்டுரைகளின் தொகுப்பு. பழமையான சினிமாக்கள் குறித்து இலக்கியவாதிகள் என்ன பார்வை கொண்டிருந்தார்கள் என்பதைப் பற்றிய முழுமையான விமர்சன தொகுப்பைக் காணமுடிகிறது. சினிமா மீதும் அதன் வரலாறு மீதும் ஆர்வமுடையவர்கள், தங்களது ஆதர்ச எழுத்தாளர்களின் பார்வையில் எதிர்வினைகளையும், விமர்சனங்களையும் படிக்கலாம். தஸ்தாவெஸ்கியின் நாவல்கள் தமிழில் மொழிபெயர்க்கப் படுகின்றன. நாவல் பரிட்சயம் உடையவர்கள் தஸ்தாவெஸ்கியைப் படிக்கவேண்டும் என்று பலராலும் சொல்லாமல் சொல்லப்படுவதைக் கேட்கமுடிகிறது. ரா.கிருஷ்ணய்யா மொழிபெயர்த்துள்ள சூதாடி (நியூ சென்சுரி புக் ஹவுஸ், ரூ.110) சிறிய நாவலே.. இன்னும் சில மொழிபெயர்ப்புகளையும் நண்பர்கள் பரிந்துரைக்கிறார்கள். ஜி.குப்புசாமி மொழிபெயர்த்த ஓரான் பாமுக்கின் என் பெயர் சிவப்பு (காலச்சுவடு, ரூ.350/-) விறுவிறுப்பான நாவல். ரா.கி ரங்கராஜன் மொழிபெயர்த்திருக்கும் ஹென்றி ஷாரியரின் பட்டாம்பூச்சி (நர்மதா ரூ.250/-) உண்மைக் கதையை மையப்படுத்தியிருக்கும் விறுவிறுப்பான நாவல். நிறைய நாவல்களின் முன்னுரையை வாசிக்கும்பொழுது “தமிழில் இதுவரை எழுதப்படாத களம்” என்ற அடைமொழியோடுதான் வாசிக்கிறேன்… ஒவ்வொரு நாவலுக்கும் இப்படி எழுதப்படாத களம் இருந்தால் எனில் இதுவரை தமிழில் உருப்படியாக எதுவும் எழுதவில்லையோ என்று சந்தேகிக்கும்படி செய்துவிடுகிறார்கள்!!!

இன்னும் நிறைய புத்தக அங்காடிகளில் ஏறி இறங்கினேன். சாகித்ய அகாடமியில் நிறைய மொழிபெயர்ப்புகள் கிடைக்கின்றன. காவல்கோட்டம் தீர்ந்துவிட்ட சூழலில் அந்த அங்காடியே பிரசவம் முடிந்த பெண்ணைப் போல காட்சியளித்தது. தமிழ்ச் செல்வனின் சிறுகதைகள் (பாரதி புத்தகாலயம், ரூ.140/-) ஜெயமோகன் குறுநாவல்கள் (கிழக்கு, ரூ.200) யுவனின் பகடையாட்டம் (கிழக்கு, ரூ.175/-) போன்றவை கவர்ந்தன. சென்ற புத்தகத் திருவிழாவின் போதே வாங்கவேண்டும் என்று நினைத்திருந்த நாஞ்சில் நாடனின் சூடிய பூ சூடற்க (தமிழினி, ரூ.100/-) மற்றும் ஏழாம் உலகம் (கிழக்கு, ரூ.150/-) போன்றவை மீண்டும் கண்களின் முன் நிழலாடியது… அந்த இடத்தில் ஒரு ஏக்கப்பெருமூச்சு அலைந்து கொண்டிருக்கும்.

கிழக்கில் விசாரித்ததில் சாருவின் எக்ஸைலை (ரூ. 250/-) நிறையபேர் வாங்கிச் செல்கிறார்கள், 300 புத்தகம் ஆர்டர் கொடுத்து அதில் 200 மட்டுமே வந்திருக்கிறது. இப்போது எவ்வளவு இருக்கிறது என்று எண்ணிப் பாருங்கள் என்றார்கள், ஆறு மட்டுமே இருந்தது. இது மூன்றாம் நாள் கணக்கு.. இன்னும் பத்து நாட்கள் இருக்கின்றன…. எனக்குத் தெரிந்து திருவிழாவில் காவல்கோட்டத்திற்கு அடுத்து சாருவின் எக்ஸைல்தான் அதிகம் ஓட்டம் பிடித்திருக்கிறது. சில பக்கங்களைப் புரட்டிப் பார்த்ததில் சாருவின் அதே வசீகர எழுத்து,

கொற்கை எனும் ஒரு நாவல் கிலோ கணக்கில் எழுதப்பட்டிருப்பதைப் பார்த்தேன். அந்த புத்தகத்தைத் தூக்கி படிப்பதற்காகவே நாள்தோறும் உடற்பயிற்சி செய்யவேண்டும், ஜோ.டி.குரூஸ் எழுதிய கொற்கை காலச்சுவடு வெளியீடு (விலை ரூ.800/-) காவல் கோட்டத்தையே மிஞ்சிவிட்டது என்றால் பாருங்களேன்…

திருப்பூர் புத்தகத் திருவிழா–நாள் 3

2012-01-28T18:12:00.001+05:30

அள்ளி
கைப்பள்ளத்தில் தேக்கிய நீர்
நதிக்கு அந்நியமாச்சு
இது நிச்சலனம்
ஆகாயம் அலைபுரளும் அதில்
கை நீரைக் கவிழ்த்தேன்
போகும் நதியில் எது என் நீர்?

- சுகுமாரன்.

அலுவலக வேலைப் பளு காரணமாக வெகு தாமதமாகத்தான் விழாவினுள் நுழைந்தேன். எறும்பு மொய்க்காத பண்டம் போல பல இடங்களில் கூட்டமேயில்லை, ஒருவேளை நான் தாமதமாக வந்ததன் காரணமாகக் கூட இருக்கலாம். சேர்தளம் நண்பர்கள் யாரேனும் இருக்கிறார்களா என்று தேடியவாறே இருந்தவர்களை ஊடுறுவிச் சென்று கொண்டிருக்க, சிவக்குமார் அண்ணனும் திருநாவுக்கரசும் எதிர்பட்டார்கள். இம்முறை சில புத்தக அகங்களில் நுழைந்து பார்க்க அவகாசம் கிடைத்தது!

நகரத் திருவிழாவில் தாவணி அணிந்த பெண்களைத் தேடுவதைப் போன்றதுதான் நல்ல புத்தகங்களைத் தேடுவதும். ஒரு புத்தகம் நல்லதா, அல்லது நமக்குத் தேவையில்லாததா என்று கணிப்பதென்பது ”கடவுள் இருக்கிறாரா இல்லையா” சர்ச்சையைப் போன்றது. பார்த்தவுடனேயும் ஒரு புத்தகத்தை வாங்கிவிட முடியுமா என்ன? ஒரு வாசகர் எப்படி புத்தகத்தைத் தேர்வு செய்கிறார்?

என்னைப் பொறுத்தவரையிலும் ஒரு புத்தகத்தின் ஈர்ப்பு அதன் அட்டைப்பட வடிவமைப்பிலும் புத்தகத் தலைப்பிலுமே இருக்கிறது. சிலசமயம் இது வெறூம் விளம்பரமென பட்டாலும் தலைப்பின் வசீகரம் அப்புத்தகத்திற்கான தர நிர்ணயக் குறியீடாக இருக்கும் என்பது எனது பொதுவான அனுமானம். இருப்பினும் வசீகர தலைப்புள்ளவைகள் அனைத்தும் நன்றாக இருக்கும் என்று பொத்தாம் பொதுவாகச் சொல்லிவிடமுடியாது. நான் தேட விரும்பியது ஒரு கவிதை புத்தகமாக இருந்தால் அதிலிருந்து இரண்டு கவிதைகள் ஒழுங்கற்ற வரிசையில் (Random Order) படித்துப் பார்த்துவிடுவேன். அவையிரண்டும் பிடித்திருந்தாலொழிய அப்புத்தகத்தை வாங்க மாட்டேன். இதுவே கட்டுரையாக இருந்தால் ஒரு பக்கம், சிறுகதைத் தொகுப்பாக இருந்தால் ஒரு கதை. ஆனால் நாவலைத் தேர்ந்தெடுப்பதுதான் பிரச்சனையாக இருக்கிறது. ஏதாவது ஒரு பக்கத்தைப் படித்துவிட்டு நமக்கு ஏற்றது என தேர்ந்தெடுத்துவிட முடியாது. அது பெரிய ஆலமரத்தின் விழுதைப் பற்றிவிட்டு ஆலமரத்தைச் சுற்றிவந்ததாக ஆகிவிடும். சிலசமயம் நமக்கு பரிட்சமயானவர்களுடைய முன்னுரை, பதிப்பகம், அல்லது பரிந்துரையின் காரணமாக கண்ணை மூடிக் கொண்டு தேர்ந்தெடுக்கலாம்.

முதலில் கண்ணில் பட்ட ஒரு புத்தகம் ஜென் வழி (வி.பத்மா - மதி நிலையம் – ரூ.150) ஜென் தத்துவங்களை விளக்கிச் சொல்லமுடியாது என்பார்கள், ஜென்னைப் பற்றித் தெரிந்து கொள்ள நாமும் ஜென் துறவியாக மாறவேண்டும். ஜென் துறவி என்றால் லெளகீக இன்பங்களைத் துறந்துவிட்டு காட்டுக்குச் செல்லுவதல்ல, நமது வாழ்க்கையில் மூடிக் கிடக்கும் வாழ்க்கை மீதான அர்த்தங்களை, உணர்வுகளை திறப்பதே ஜென்னின் வேலை. இப்படிச் சொல்லுவது கூட தவறாக இருக்கலாம். புத்தகத்தில் வாசித்த ஒரு கதை.

வாழ்க்கை சலித்துவிட்டது என்கிறார் நண்பர். ஒரேமாதிரியான வாழ்க்கை, வீடு, அலுவலகம், திரும்பவும் வீடு என அசுவாரசியமாக இருக்கிறது என்கிறார். அதற்கு ஜென் தத்துவம் அறிந்த நண்பர் “ வாழ்க்கை எப்பொழுதும் ஒரே மாதிரியாகச் செல்லுவதில்லை என்கிறது ஜென், ஒரு ஆற்றில் குளித்து முடிந்த பிறகு மறுநாள் அதே ஆற்றில் ”நேற்று குளித்த ஆறு” என்று சொல்லிவிட முடியாது, ஏனெனில் நேற்று பாய்ந்த நீர் இன்று திரும்பவும் கிடைக்காது, இன்றூ வேறொரு புதிய நீரைத்தான் ஆறு நமக்கு வழங்கும்… வாழ்க்கையும் அது போலத்தான் என்கிறார்.

குறுங்கதைகளாக இருந்தாலும் ஓரளவு ஜென் தத்துவங்கள் மீதான ஐயத்தைப் போக்குமென்று நினைக்கிறேன். இதைப் போலவே ஜென் தத்துவக் கதைகள் (குருஜி வாசுதேவ் – சிக்ஸ்த் சென்ஸ் - 130), சூஃபி கதைகள், கன்ஃபூசியஸ் கதைகளும் கிடைக்கின்றன. என்னைக் கேட்டால் சிறுவர்கள் அவசியம் படிக்கவேண்டிய கதைகள் இவை. அன்றாட வாழ்க்கையிலிருந்தே உருவாக்கப்பட்டிருப்பதால் வெகு எளிமையாக இருப்பதை உணர முடிகிறது.

காலச்சுவடு தனியாக புத்தக அகத்தினை அமைக்கவில்லை என்றாலும் சில புத்தகங்கள் கிடைக்கின்றன. அதில் நண்பர் மண்குதிரையின் புதிய அறையின் சித்திரம் (காலச்சுவடு – ரூ 75) கிடைக்கிறது. மண்குதிரையின் வலைப்பக்கத்தில் நிறைய கவிதைகள் வாசித்திருக்கிறேன். மொழியை எளிமையாகவும் அடர்த்தியாகவும் பயன்படுத்தும் இளம் கவிஞர்களில் ஒருவர். சில கவிதைகள் கதை சொல்லல் போலவும், அனுபவங்களைப் போலவும், நெறியுணர்த்துபவை போலவும் பல பரிமாணங்களில் இருப்பவை. அதேபோல கவிஞர் இசையின் சிவாஜி கணேசனின் முத்தங்கள் (காலச்சுவடு – ரூ.70/-) சற்றே விளாசல் கவிதை தொகுப்பு. இவரது உறுமீன்களற்ற நதி ஒரு குறிப்பிட்டுச் சொல்லவேண்டிய கவிதைத் தொகுப்பு. சிவாஜி கணேசனின் முத்தங்கள் அவரது மூன்றாவது தொகுதி என்று நினைக்கிறேன். முன்னுரையில் குறிப்பிட்டிருந்தது போல இவரது கவிதையின் கூர்மை அபாயகரமானதாகவே இருக்கிறது.

மனம் மட்டும் உறுப்பாக இருந்திருந்தால்
இன்னேரம் வெட்டித் தூர
எறிந்திருப்பான் தலைவன்

எனும் வாசித்த ஒரு கவிதையின் வரிகளே மனதை என்னவோ செய்கிறது. மிகச் சாதாரண வரிகள்தான் இவை, சொல்லப்படும் விதத்தில் அதன் வீச்சு உணரமுடிகிறது.

யுவன் சந்திரசேகரின் பயணக்கதை (காலச்சுவடு – ரூ. 290/-) எனும் நாவல் மூன்று நண்பர்களின் பயணத்தைப் பற்றியது, மூன்று சேருமிடத்தில் நாவல் முடிவதாக முன்னுரை இருக்கிறது. ஒருநாவலில் மூன்று கதைகள் என்பதைவிட இம்மாதிரியான வகைகள் எனக்கு மிகவும் பிடிக்கும், ஒரே சினிமாவில் இரண்டு கதைகள் (ஐந்து மொக்கை கதைகள் கூட சினிமா ”வானத்தில்” இருக்கும்) அதன் திரைக்கதைக்காகவே மீண்டும் மீண்டும் பார்க்கத் தூண்டுபவை.

மற்றபடி உயிர்மையில் நிறைய புத்தகங்கள் “பார்த்ததில்”

சுப்ரபாரதி மணியனின் ”நீர்த்துளி”, (இவரது சாயத்திரையும் மிக அருமையான புத்தகம்), கால்கள் – ஆர்.அபிலாஷ், வாமுகோமுவின் எட்ரா வண்டிய, மனுஷ்யபுத்திரனின் பசித்த பொழுது (முன்னட்டை படம் சுமார்தான்) ஆண்பால் பெண்பால் (தமிழ்மகன்) மற்றும் சுஜாதா, ஜெயமோகன், எஸ்ரா, எக்ஸட்ரா….

ஸ்டீவ் ஜாப்ஸின் சரிதம் கிட்டத்தட்ட எல்லா புத்தக அகங்களிலும் கிடைக்கிறது. சில பக்கங்களைப் புரட்டியதில் ஹாலிவுட் பாலாவின் பிக்ஸார் ஸ்டோரி கண்ணில் படர்ந்தது, எனினும் பிக்ஸார் தாண்டி ஸ்டீவ் ஜெயித்த கதையை பிரசுரித்திருக்கிறார்கள். “பாபர் நாமா” புத்தகம் விளம்பரப்படுத்தப் பட்டிருந்தது (மதி நிலையம் என்று நினைக்கிறேன்) கேட்டதற்கு இன்னும் புத்தகம் வரவில்லையாம். நீயா நானா கோபிநாத்தின் “ப்ளீஸ் இந்த புத்தகத்தை வாங்காதீங்க” என்ற புத்தகத்தில் அப்படி என்னதான் இருக்கிறது என சில பக்கங்களைப் புரட்டியதில் அவர் சந்தித்த மனிதர்களைப் பற்றியும் பயணம் பற்றியும் எழுதியிருப்பதைப் பார்த்த பொழுது, எஸ்ரா ஜெயமோகன் போன்றோர் செல்லாத பயணங்களா, சந்திக்காத மனிதர்களா, அவர்களுடையதெல்லாம் ஏன் லட்சம் பிரதிகளைத் தொடவில்லை என்று தோணிற்று!!! பிரபலமாக இருப்பதன் வரம் போலும்!!!

திருப்பூர் புத்தகத் திருவிழா–நாள் 2

2012-01-27T09:27:00.000+05:30

திருப்பூர் டைமண்ட் திரையரங்கின் எதிர்புறமுள்ள கே.ஆர்.சி வளாகத்தில் நடைபெற்றுக் கொண்டிருக்கும் 9வது திருப்பூர் புத்தகத் திருவிழாவின் இரண்டாம் நாள்

நீ இருக்கும்
திசைக்கு முகம் காட்டி
உன் சதுரமான
எதிர்பார்ப்பின் மேல்
பூக்காது
தொட்டிப் பூ
பூப்பூத்தல் அது இஷ்டம்
போய்ப்பார்த்தல் உன் இஷ்டம்

- கல்யாண்ஜி

புத்தகங்கள் கனவின் புறவெளிப்பாடு. புத்தகத் திருவிழாக்கள் கனவின் சங்கமம்…. அடுத்தவர் கனவினுள் ஊடுறுவும் அனுமதியை ஒவ்வொரு புத்தகங்களும் தருகின்றன. கனவுள்ளிருந்து மீண்டு நாமும் இன்னொரு கனவைப் படைக்கவும் ஒரு வழிகாட்டியைப் போல நிற்கின்றன. நான் சந்திக்கும் ஒவ்வொரு படைப்பாளியும் சொல்வது “நிறைய புத்தகங்களைப் படியுங்கள்” என்பதுதான். புத்தகம் படிக்கும் படைப்பாளிகள் தங்களுக்குள்ளான மாற்றங்களை, வேறுபாடுகளை, தரத்தினை தமது படைப்பின் வாயிலாக அறிந்து கொள்ள முடியும். புத்தகங்கள் நம்மை வெறும் கதைகளால் நிரப்புவதில்லை, அது உண்மையின் ஒரு பங்கினை லாவகமாகத் திணிக்கிறது. முடங்கிக் கிடக்கும் மனதின் ஒரு துளி நெருப்பை தூண்டி பற்ற வைக்கிறது. காலத்தின் ஒவ்வொரு துளியிலும் நம்மை இருத்தி வைக்கிறது…

இரண்டாம் நாளான நேற்று சங்கமத்தில் கலந்து கொள்ள வந்திருந்த வாசகர்களைக் காணும் போது உண்மையான திருவிழா எப்படியிருக்கும் என்று காண்பிப்பதாக இருந்தது. குடியரசு தின விடுமுறை என்பதால் ஒவ்வொரு புத்தக அரங்கினுள்ளும் நிற்க முடியாத அளவிற்கு நெருக்கமான கூட்டம் காண முடிந்தது. புத்தகத்தின் வாசனை முகர பின்னலாடை நகரம் இந்த அளவிற்கு ஆர்வம் கொள்ளுகிறதா என்று உள்ளுக்குள் பெருமிதம். நேற்று முழுவதும் மகிழ்ச்சியின் கடல் விழாவின் இண்டு இடுக்கு முழுவதும் பரவியிருந்தது. நிறைய பெற்றோர்கள் தத்தம் மனைவி பிள்ளைகளுடன் இனிதே கலந்து கொள்வதைக் காண முடிந்தது. முதிர்வின் பெருமூச்சென இருந்த களத்தை மணத்தின் களிப்பாக மாற்றிவிட்டது நேற்று!

சேர்தளம் சார்பில் நாங்கள் வரவேற்புக் குழு அமைத்திருந்தோம். வாசகர்களின் புத்தக அனுபவங்களை பகிர்ந்து கொள்வதற்கெனவே இரவிக்குமாரும் முரளிக்குமாரும் கேமராவும் கையுமாக விழாவிற்குள் நிறையபேரைச் சந்தித்தார்கள். புத்தக அகத்தின் வாயிலில் அமர்ந்திருந்தவர்களிடம் இன்றைய நாளைப் பற்றிய விசாரணைகள், வாசகர்களின் ஆர்வம், புத்தக விற்பனை குறித்தான பல கேள்விகளும் கேட்கப்பட்டன. வெளியே நாங்கள் யூடான்ஸ் நடத்தும் புற்றுநோய் விழிப்புணர்வு போட்டிக்கான விளம்பர காகிதத்தை புத்தக திருவிழா களித்துத் திரும்பும் வாசகர்களுக்கு வழங்கிக் கொண்டிருந்தோம். மேலும் ஒரு வலைமனை திறப்பது எப்படி? தமிழில் தட்டச்சுவது எப்படி? ஃபேஸ்புக் போன்ற சமூக வலைத்தளங்களை பயன்படுத்துவது எப்படி போன்ற வகுப்புகளும் நடைபெற்றன. ஒரு வாசகர் மிகுந்த ஆர்வமாக கேட்டறிந்து கொண்டார்.

திருவிழாவின் இன்னொரு பக்கம் திருப்பூர் தமிழ்ச்சங்கம் வழங்கும் “இலக்கிய விருதுகள்” விழா மேடையில் நடைபெற்றது. நீதியரசர் ராமசுப்பிரமணியம் உரையாற்றிக் கொண்டிருந்தார். புத்தகம் வாங்கித் திரும்பும் வாசகர்கள், ஆர்வலர்கள் பலருக்கும் சான்றிதழ்கள் வழங்கப்பட்டன. முதல் நாளைவிடவும் இரண்டாம்நாள் விழா நேரம் அதிகம் நீட்டிக்கப்பட்டிருக்கக் கூடும். கோவில் திருவிழாக்களின் போது எப்படி நேரம் போவதே தெரியாதோ அப்படித்தான் இருந்தது எங்களுக்குமே, அப்பொழுதுதான் வந்தது போல இருந்தது, சீக்கிரமே இரவின் இருளைத் தொட்டுவிட்டதாகத் தோணிற்று. உண்மையில் இறைவன் என்றொருவன் இருப்பானேயானால் விழாக்களின் மாலையை நீட்டச் செய்யட்டும்!!

கூட்டம் அதிகமாக இருந்ததால் ஒரேயொரு பதிப்பகத்திற்கு மட்டுமே நுழைந்தேன். அஜயன் பாலாவின் மர்லன் பிராண்டோ – (ரூ. 250/- எதிர் வெளியீடு) புத்தகத்தை சற்று நேரம் புரட்டிக் கொண்டிருந்தேன். பிராண்டோவின் சுயசரிதையை மொழிபெயர்த்திருக்கிறார் அஜயன். தனது பிறப்பு முதலான வாழ்க்கை, நடிப்பு, நடித்த படங்களில் அனுபவங்களென புத்தகம் விவரிக்கிறது. தமிழ் திரையுலக நடிகர்களின் பல்வேறு சரிதைகள் எழுதப்பட்டிருந்தாலும் மர்லன் பிராண்டோ போன்ற சிறப்பான உலக நடிகர்களின் சரிதை தெரிந்து கொள்வது அவசியமாகும். பெருமாள் முருகன் எழுதிய கெட்ட வார்த்தை பேசுவோம் (ரூ 100/- கலப்பை வெளியீடு) எனும் கட்டுரை கவனத்திற்கு ஈர்த்தது. எந்தவொரு வார்த்தையும் கெட்டுப்போவதில்லை என்று சொல்லும் பெருமாள் முருகன் காமம் சார்ந்த பழமொழிகளையும், பாடல்களையும் அதன் புழக்கத்தையும் பற்றி பேசுகிறார். வன் சொற்கள் என அறியப்பட்டதை மென்சொற்களால் படிக்க முடியும் பொழுது நாம் உருவாக்கிய வார்த்தைகளை அதற்கான மதிப்பை நாம் எவ்வாறான நிலையில் வைத்திருக்கிறோம் என்பதை உணரமுடிகிறது. கெட்டவார்த்தையோ அல்லது காமமோ இன்று நேற்று புழங்குவதல்ல, ஆயிரம் வருடங்களுக்கு முந்தைய இரட்டைப் புலவர்கள், கம்பர் முதலான பெரும் கவிகளும் புழங்கியவை என்பதை பாடல்களுடனே விவரிக்கிறார்.

இரண்டாம் நாளான நேற்றைய கூட்டம் இனி தொடரும் அனைத்து நாட்களிலும் இருக்கவேண்டும் என்பது புத்தகம் வாசிக்கும் ஒவ்வொருவரது ஆசையாகவும் இருக்கும்!!

பிகு : நேற்று ”கொழந்த”யிடம் மொத்தமே 60 சொச்சம் ஸ்டால்கள்தான் என்று சொல்லியிருந்தேன். ஆனால் எனது எண் தவறானது. நூறுக்கும் மேற்பட்ட ஸ்டால்கள் இருந்தன.

பிபிகு : மூன்றாவது நாளான இன்று சார்லி சாப்ளினின் “The Kid” திரைப்படம் ஒளிபரப்பப் படவிருக்கிறது!

வலைப்பதிவு பற்றிய குறுவகுப்பு எடுக்கும் சேர்தளம் நண்பர் செல்வம்,

ரூபாய் 250க்கும் மேல் புத்தகம் வாங்கும் வாசகர்களுக்கு சான்றிதழ்!!

உடனுக்குடன் திருப்பூர் புத்தகத் திருவிழா தகவல்கள் பெற

http://www.facebook.com/groups/tupbf/

திருப்பூர் புத்தகத் திருவிழா–நாள் 1

2012-01-26T09:33:00.001+05:30

முட்டை ஓட்டின் விரிசல் வழி
நீளும்
பிஞ்சு அலகுக்கு
முதல் உணவாய் கிடைக்கும்
ஒரு துளி ஆகாயம்

- யுவன்.

புத்தகங்கள் ரகசிய உலகை ஒவ்வொரு பக்கத்திலும் ஒளித்து வைத்திருக்கின்றன. அவற்றை முகரும் பொழுதெல்லாம் அவிழ்ந்து பரந்து விரிகிறது ஒரு புறவெளிப்பாட்டு கனவைப் போலவே. இந்த புத்தக இரகசியம் அறிந்த எவரும் வெவ்வேறு உலகினுள் பயணிக்கவே விரும்பி புத்தக அடிமைகளாகிவிடுகிறார்கள். என்னைப் பொறுத்தவரையிலும் நானொரு புத்தக அடிமை என்று சொல்லவே மாட்டேன். வீட்டிலே எண்ணிப் பார்த்தால் ஐம்பது புத்தகங்கள் கூட தேறாத சூழ்நிலையில் என்னைவிடவும் என் வீட்டு எலிகளே அதிகம் அந்த உலகினும் சஞ்சரித்திருக்கக் கூடும். புத்தக வாசிப்பவர்கள் தன் மேலே ஒரு உலகை எழுப்பி போர்த்திக் கொள்கிறார்கள் அதினின்று மீண்டு உலகின் மேற்கூட்டைக் கிழித்து மீண்டுமொரு உலகினுள் பொருத்திக் கொள்வது எவ்வளவு தீராத விளையாட்டு?

எந்த புத்தகத் திருவிழாவை விடவும் இந்த முறை திருப்பூரில் நிகழும் 9 வது புத்தகத் திருவிழா, எனக்கு மிகுந்த களிப்பையும் வனப்பையும் தருவது எனக்கே சுவாரசியமான விஷயம். இரவெல்லாம் புத்தகங்கள் கனவுகளை அடுக்கிச் சென்றன. வெளிப்படுத்த முடியாத ஆசுவாசம் பனிக்காற்றைப் போல தாக்கிற்று. எல்லாம் புத்தகம் புத்தகம் புத்தகம்…..

சென்னை புத்தகத் திருவிழா குறித்து ஒவ்வொரு நாளும் நம் வலைப்பதிவர்கள் எழுதியவற்றைப் படிக்கும் பொழுதெல்லாம் நாமும் நமது ஊரில் நிகழவிருக்கும் திருவிழாவை இம்மாதிரி ஏன் கொண்டாடாமல் இருக்கிறோம் எனும் கேள்வி எழுந்தது. ஆனால் அது ஒன்றும் அவ்வளவு சாதாரணமான விஷயமல்ல. போர்களத்தில் நின்று கத்தியைச் சுழற்றுவதுகூட எளிதாக இருக்கலாம் ஆனால் புத்தகத் திருவிழாவைப் பற்றி நாளொன்றும் எழுதுவது கடினம் என்று இக்கட்டுரையை எழுதும் பொழுதே உணர்ந்தேன். முடியும் வரையிலும் என்னுடையை அனுபவங்களைப் பகிர்ந்து கொள்ளலாம் என்றே இதை எழுதுகிறேன்.

நமது சேர்தளம் நண்பர்களுடன் மாலை ஆறு மணிக்கு விழாவினுள் கூடுவதாகத் திட்டமிட்டோம். முன்னதாக ஒரு ”ரவுண்ட்” அடிப்போம் என்று புத்தக விற்பனையகங்களைப் பார்வையிட்டபடியே சென்றேன். பெரியதாகவும் அல்லாமல் சிறியதாகவும் அல்லாமல் திருப்பூருக்கு ஏற்றவாறே இருந்தது. வழக்கம்போல கூடும் பதிப்பகங்கள், தமிழ், ஆங்கில புத்தக அகங்கள், மழலையர் புத்தக மற்றும் அறிவியல் தொழில்நுட்பம் சார்ந்த அங்காடிகள் ஆகியவையே நிரம்பியிருந்தன. ஆச்சரியமளிக்கத்தக்கவகையில் ”காலச்சுவடு” பதிப்பகம் அங்கே காணமுடியவில்லை. எதிர்பார்த்திருந்த “காமிக்ஸ்”களும் அங்கே இல்லை.

ஆறுமணிக்கெல்லாம் பரபரப்பாகி, திருப்பூர் மேயரும் (பாதி)மாநகரின் தலைவரும் திறப்பு விழாவிற்கு வந்திருந்தார்கள். அதற்குள் தல, முரளி, செல்வம், சிந்தன், இரவிக்குமார் மற்றும் அவர்களது நண்பர்களுடன் சந்தித்து புகைப்படம் எடுத்துக் கொண்டோம். வழக்கமான சந்திப்பு விசாரணைகளுடன் தேநீரால் தொண்டையை ஈரப்படுத்திக் கொண்டு வந்திருக்கையில் சிவக்குமாரும் திருநாவுக்கரசும் வந்து சேர்ந்திருந்தார்கள். அண்ணன் சிவக்குமார் அப்பொழுதுதான் சாளுக்கிய தேசப் பயணத்தை முடித்துக் கொண்டு சென்று வந்த ஊர், கண்டுணர்ந்த கோவில்கள், அனுபவங்கள் ஆகியவற்றை இயல்பாக பகிர்ந்து கொண்டிருந்தார். சேர்தளம் நண்பர்கள் அனைவரும் வெளியே சின்ன இடத்தை ஆக்கிரமித்து அமர்ந்து நிறைய பேசினோம். வழக்கம்போல எழுத்துக்களில் ஆரம்பித்து எழுத்தாளர் வழி வந்து சினிமாவில் முடிந்தது. திருநாவுக்கரசும் சிவக்குமார் அண்ணனும் உள்ளே சென்று

முதல் நாளில் அவ்வளவாக புத்தகத் திருவிழாவில் தொலைந்து போகவில்லையெனினும் எப்போழ்தும் சென்றிராத ஆங்கிலப் புத்தகப் பெண்களைத் தழுவச் செல்லலாமே என்று ஸ்டால் எண் மூன்றில் உள்ள ஓம் சக்தி புத்தக நிலையத்தைப் பார்வையிட்டேன். மேசை முழுவதும் குழந்தைகளுக்கான ஆங்கில புத்தகங்கள், மிக எளிதாக குழந்தைகள் புரியும்படியான, எளிமையான புத்தகங்கள், குறிப்பாக சாப்பிடுவது எப்படி? கைகழுவுவது எப்படி போன்றவற்றை படவிளக்கங்களுடன் கொடுத்திருக்கிறார்கள். ஒருவேளை சாப்பிடவே தெரியாதவர்களுக்கான புத்தகம் போலும்! மேலும் அங்கே இளைஞர்களுக்கான புத்தகங்கள் நிறையவே இருக்கின்றன. நல்ல தரமான போட்டோ பேப்பரில் அச்சிடப்பட்ட பல புத்தகங்கள் மலிவான விலையில் கிடைக்கின்றன. இரண்டாம் உலக யுத்தம் குறித்த ஒரு புத்தகம் The Illustrated Second World War, யுத்தத்தை அக்குவேறு ஆணிவேறாகப் பிரித்து மேய்கிறது. நேரில் அமர்ந்து யுத்தத்தை “ரசிப்பதைப்” போல காணக்கிடைக்காத புகைப்படங்களுடனும் விளக்கப்படங்களுடனும் இருப்பதைக் காணும் பொழுது ஆங்கிலம் அறியாமை அறிவுக்குள் அறைந்தது! மொத்தம் நான்கு தொகுதிகள்; தொகுதியொன்றின் விலை 350 ரூபாய், கிட்டத்தட்ட 500 பக்கங்களாவது இருக்கும். கொஞ்சம் அப்படியே மேய்ந்ததில் ஆச்சரியமாக Van Gogh and Gauguin எனும் புகைப்பட புத்தகம் கிடைத்தது. வில்லியம் வான்கா மற்றும் அவரது தற்காலிக நண்பர் பால் காகினது ஓவியங்கள் குறித்தான பார்வைகள் ஓவியங்களுடன்… வான்காவின் முக்கிய ஓவியங்களை எடுத்து அதைப் பற்றி எழுதியிருக்கிறார்கள். பின்பக்கத்தில் விலை ரூ. 175.00 என்றிருந்ததும் வாங்கிக் கொள்ளலாம் என நினைத்தேன், ஆனால் விற்பனையாளர் அதைத் திருத்திவிட்டு 350 என்று சொன்னதால் புத்தகம் பழைய இடத்திற்கே பரிதாபத்துடன் அமர்ந்து விட்டது! இதைப் போன்றே Impressionism (ரூ.450) Claude Monet (250) மற்றும் Mastering the art of Oils Acrylic and Gouache (ரூ.450) போன்றவை அதனதன் புத்தக அளவிலும் தரத்திலும் மலிவானவையே!! விற்பனையாளரிடம் கொஞ்சம் பேசினால் இன்னும் மலிவாகக் கிடைக்கும் என்பது என் எண்ணம். Vangogh, Impress.., Mastering the art ஆகிய மூன்று புத்தகங்களையும் 500 ரூபாய்க்கு கேட்கலாம் என்றிருக்கிறேன்!

இன்னும் ஒரு புத்தக அகத்தையே முடிக்காத சூழ்நிலையில் மீதமிருக்கும் நாட்களில் அறுபதிற்கும் மேற்பட்ட அகங்களை எப்படி களித்துணர்வது?

Transformers 3 : Dark of the Moon - விமர்சனம்

2011-06-30T13:06:00.000+05:30

Direction	Michael Bay
Starring	Shia LaBeouf, Josh Duhamel, John Turturro, Tyrese Gibson, Rosie Huntington-Whiteley, Patrick Dempsey, Kevin Dunn, Julie White, John Malkovich, Frances McDormand
Cinematography	Amir Mokri
Year	2011
Language	English
Genre	Action, Sci-fi

சில தமிழ் படங்களைப் பார்த்துவிட்டு திரையரங்கை விட்டு வெளியேறும்பொழுது சிலர் “நல்லா கதை விடறானுங்க” என்று உச்சுவார்கள். அந்த படத்தில் பல ஓட்டைகளும், விபரங்களில்லாத மேலோட்டமான சங்கதிகளும் நிறையவே இருக்கும். ஆனால் அதே சமயம் அந்த சிலர் “இங்கிலிஷ் காரனுங்க எப்படி எடுக்கிறானுங்க பாருங்க… நம்மளாலெல்லாம் முடியாதுப்பா” என்று சலித்துவிடுவார்கள். ஆனால் ஹாலிவுட்டில் வெறும் பணம் மட்டுமே படமல்ல. கூடுமானவரையிலும் லாஜிக் ஓட்டைகள் தவிர்த்து, கொஞ்சம் விவரங்கள் சேகரித்து ஒரு புனைகதையை உண்மையாகவே நடந்தது போன்ற தோற்றத்தைத் தந்துவிடுகிறார்கள். ஆகமொத்தம் நமக்கும் அவர்களுக்கும் உள்ள ஒரே வித்தியாசம், நாம் ஏனோதானோவென கதை விடுகிறோம், அவர்கள் கொஞ்சம் நம்பும்படியாக கதை விடுகிறார்கள் அவ்வளவே.. அமெரிக்கர்கள் வாழ்வியல் நிலைநிறுத்தத்தையும், இனப்போராட்டத்தையும் மையமாகக் கொண்டு படங்கள் எடுக்கிறார்கள். ஹாரிபாட்டர், எக்ஸ் மென் போன்றவைகள் தமக்குள் ஏற்படும் இனத்தை நிலைநிறுத்தும் பொருட்டு கதைகள் உருவாக்கப்படுகிறது. ஒவ்வொரு இனப்போராட்டத்திற்கும் நேரடியாகவோ மறைமுகமாகவோ அமெரிக்கர்கள் சம்பந்தப்படுகிறார்கள். அவர்கள் உலகையும் ஒரு இனத்தையும் காப்பாற்ற வந்தவர்களாகவே சித்தரிக்கப்படுகிறார்கள்.

ட்ரான்ஸ்ஃபார்மர்ஸ் எனும் உருமாறிகள் சைபர்ட்ரான் எனும் வெளிகிரகத்தைச் சார்ந்தவர்கள். அவர்களில் டிசெப்டிகான், பிரைம் என இரண்டு இனத்தவர்கள் இருக்கிறார்கள். டிசெப்டிகானைச் சார்ந்தவர்களின் தலைவன் மெகட்ரான், பிரைம் இனத்தைச் சார்ந்தவர்களின் தலைவன் ஆப்டிமஸ் பிரைம். இவர்களுக்குள் நிகழும் போரினாலும் விளைவுகளினாலும் பூமி சம்பந்தப்படுவதாக அல்லது பாதுகாப்பிடமாக முந்தைய படங்கள் காட்டுகின்றன. மற்ற படங்களைப் பார்த்தவர்களுக்கு ஒரு விஷயம் புரிந்திருக்கும். டிசெப்டிகான்கள் தங்களுக்காக ஒரு உலகை நிர்மாணித்து அதில் வாழ நினைக்கிறார்கள். ப்ரைம்களோ உயிர் வாழத் தகுதியுள்ள கிரகத்தை பாதுகாக்க அல்லது அழிக்காமலிருக்க நினைப்பவர்கள்.

1961ல் சைபர்ட்ரானில் போர் நிகழ்கிறது. விண்வெளிப்பாலம் அமைக்கும் தூண்களை ஒரு விண்வெளிக்கப்பலில் சுமந்துகொண்டு அக்கிரகத்தை விட்டு வெளியேறுகிறது செண்டினல் பிரைம் எனும் உருமாறி. ஆனால் டிசெப்டிகான்களின் குண்டுகளால் தாக்குதலுற்று சேதமடைய அந்த விண்வெளிக்கப்பல் நிலவில் வந்து விழுகிறது. நிலவின் மறுபக்கம் பூமியிலிருந்து பார்க்கமுடியாத ஒரு இருண்ட பக்கமாகவே இருந்து வருகிறது. ஏதோ ஒரு வெளிக்கிரக கப்பலொன்று நிலவில் விழுந்துவிட்டதாக உணர்ந்த அமெரிக்க விண்வெளித்துறையான நாசா அங்கே முதன்முறையாக மனிதனை அனுப்பி சோதனையிட முயலுகிறது. நிலவில் முதன்முதலாகப் பயணித்த நீல் ஆம்ஸ்ட்ராங்கும் அந்த கப்பலை சோதனையிடுகிறார்கள். ஆனால் அளவில் மிகப்பெரியதாக இருப்பதாலும் தேவையான ஆக்ஸிஜன் குறைவாக இருப்பதாலும் சோதனையிடாமல் வெறும் பார்வையை மட்டும் பதித்துவிட்டு திரும்பிவிடுகிறார்கள்.

இந்நிகழ்வு நிகழ்ந்து ஐம்பது வருடங்களுக்குப் பிறகு ஆப்டிமஸ் பிரைமும் அவனது கூட்டாளிகளும் ரஷ்யாவிலுள்ள செர்நோபில் எனும் அணு உலை விபத்து ஏற்பட்ட இடத்திற்கு சோதனையிட அழைக்கப்படுகிறார்கள். அங்கே நிலவின் மறுபக்கத்தில் விழுந்த விண்வெளிக்கப்பலிலிருந்து எடுக்கப்பட்ட கருவியொன்றின் மூலம் ஆற்றல் பெறப்பட்டதையும் அதனால் உலை வெடித்துப் போனதையும் தெரிந்து கொள்கிறார்கள். நிலவில் விண்வெளிக்கப்பல் விழுந்த ரகசியம் ஒருசிலருக்கு மட்டுமே தெரியும் என்பதாலும் அமெரிக்கா ரகசியத்தைக் கசியவிடாமல் வைத்திருந்ததாலும் ஆப்டிமஸ் பிரைம் அந்த விண்வெளிக்கப்பலையும் அதிலிருக்கும் தூண்களையும் ஓட்டிவந்த உருமாறி செண்டினல் பிரைமையும் மீட்க செல்கிறார்கள். செண்டினல் பிரைமுடன் ஒரு முக்கிய தூணுடன் சேர்ந்து ஐந்து தூண்களையும் எடுத்து வருகிறார்கள். நாசா ஆராய்ச்சி மையத்தில் வைத்து செண்டினல் பிரைமுக்கு உயிர் கொடுக்கிறது ஆப்டிமஸ் பிரைம்.

வேலை தேடிக் கொண்டிருக்கும் கதாநாயகன் சாமுக்கு நிலவில் கப்பல் விழுந்த ரகசியம் தெரியவருகிறது. அதனுடன் விண்வெளிப் பாலம் அமைக்கப் போகும் தூண் பற்றியும், அதனால் மனித குலத்திற்கு ஏற்படப்போகும் பிரச்சனை பற்றியும் தெரிந்து கொள்கிறான். தவிர செண்டினல் பிரைம் டிசெப்டிகானின் தலைவனான மெகட்ரானின் உதவியுடன் அவர்களது கிரகமான சைபர்ட்ரானை பூமியிலேயே அமைப்பது குறித்தும் தெரியவர, இந்த விஷயத்தை நாசா ஆராய்வளர்களிடம் கூற முற்படுகையில் செண்டினலும் மெகட்ரானும் இணைந்து இல்லினாய்ஸ் நகரை அழித்து வேலி போட ஆரம்பிக்கிறார்கள். இதற்குத் துணையாக சாமின் காதலியின் முதலாளி டைலன் இருக்கிறார். ஒருகட்டத்தில் சாமின் காதலியைக் கடத்திச் செல்ல, சாம் தனது காதலியைக் காப்பாற்ற இல்லினாய்ஸ் செல்லுகிறார். இன்னொரு பக்கம் மெகட்ரான் அமெரிக்க அரசிடம் பிரைம்களான ஆட்டோபாட்களை வெளியேற்ற மிரட்டுகிறது. அதன்படி ஆட்டோபாட்கள் ஒரு ராக்கெட்டில் வைத்து அனுப்பப் படுகின்றனர். டிசெப்டிகானின் திட்டப்படி அந்த ராக்கெட் அழிக்கப்பட்டு ஆட்டோபாட்கள் அனைத்தும் ஆப்டிமஸ் பிரைம் உட்பட அழிகிறார்கள்.

மெகட்ரானும் செண்டினல் பிரைமும் விண்வெளிப் பாலம் அமைக்க பூமியெங்கும் தூண்களை நிறுவுகிறார்கள். அவர்களின் முயற்சி வெற்றியானதா? ஆப்டிமஸ் பிரைம் போன்ற உருமாறிகள் இல்லாத நிலையில் சாம் எப்படி சமாளித்து தன் காதலியையும் உலகையும் காப்பாற்றப் போகிறார் என்பது மீதிக் கதை!!

யப்பா… டைப் அடிக்கவே எனக்குக் குழப்பமாக இருக்கும் பொழுது சத்தியமாக இந்நேரம் இந்த வரிகளை நீங்கள் படிப்பீர்களா என்பதே சந்தேகமாகத்தான் இருக்கிறது. முந்தைய இரண்டு படங்கள் பார்க்காதவர்கள் இப்படத்தைப் பார்க்க நேர்ந்தால் யார் வில்லன், யார் ஹீரோ என்றே தெரியாமல் ஙே என்று முழித்துக் கொண்டுதான் பார்க்கவேண்டியிருக்கும். இந்த கோஷ்டிகளுக்கு அடையாளம் தெரிய ஆட்டோபாட்கள் பல நிறங்களிலும் டிசெப்டிகான்கள் பழுப்பு நிறத்திலும் வடிவமைக்கப்பட்டிருப்பதால் கொஞ்சமேனும் யாருடன் யார் சண்டையிடுகிறார்கள் என்று புரிந்து கொள்ள முடிகிறது. படம் முழுக்க எதாவது ஒன்று உருமாறிக் கொண்டேயிருப்பதாலும் பழகிய திரைக்கதை என்பதாலும் ஒரு சலிப்பு வருவதைத் தவிர்க்க முடியவில்லை. ஒரு பிரம்மாண்டத்தின் ஆச்சரியம் துளியுமில்லாதது இப்படத்தில் பெரிய குறையாகக் கருதுகிறேன். தவிர ஹாலிவுட் கிளிஷேக்கலான கதாநாயகனுக்கு எந்த காயமுமில்லாமல் தப்பிப்பது, காதலியைக் காப்பாற்ற எந்த சூழ்நிலையிலும் தைரியமாக கதாநாயகன் முடிவெடுப்பது, மனித இனத்துரோகியாக வில்லன், இறுதியில் மனித இனம் காப்பாற்றப்படுவது போன்றவைகள் இப்படத்திலும் உண்டு. இனப்போராட்டத்தை மறைமுகமாக சொல்லும் படமாக இதை சேர்க்க முடியாவிட்டாலும் மேலோட்டமாக அமெரிக்க இனம் மற்ற இனத்தைக் காட்டிலும் உயர்ந்தது போன்றோ அல்லது அதுவே ஆள்வது போன்றோதான் படம் காண்பிப்பதாகத் தெரிகிறது.

ஆட்டோபாட்கள் காரிலிருந்து உருமாறுவதும், செர்நோபில் மற்றும் இல்லினாய்ஸ் சண்டை காட்சிகள் குறிப்பிடத்தகுந்தவை. சைபர்ட்ரான் கிரகத்தின் உட்பகுதியில் நிகழும் போரும் அதன் வடிவமைப்பும் கற்பனையின் உச்சம். பொதுவாகவே இம்மாதிரியான படங்களில் ஒளிப்பதிவும் ஒலிக்கலவையும் மிக அருமையாகவே இருக்கும். தவிர கணிணியில் வரையப்படவேண்டியவற்றை மனதில் நினைத்து ஒளிப்பதிவு செய்வது ஒரு சவாலான விஷயமும் கூட.. எனினும் படத்தின் இசை என்னை சுத்தமாகக் கவரவேயில்லை. ஒரு சராசரி இந்திய மசாலா திரைப்படத்தின் இசையை ஒத்திருந்தது. படம் முழுக்க சப்தங்கள் இரைந்து கிடப்பதால் இசைக்கான உண்மையான வேலை இல்லவே இல்லை!

சாமின் காதலியாக முந்தைய படத்தில் வந்த மெகன் ஃபாக்ஸை நீக்கியது பெரிய ஏமாற்றத்தைத் தந்தது. நம் ஊர் சீரியலில் இவருக்குப் பதில் இவர் வருவார் என்று காண்பிப்பது போல ஒரு ஃப்ளாஷ்பேக் வைத்து காண்பித்தது படத்துடன் ஒட்டாமலும் முந்தைய படங்களில் மெகன் கொடுத்த அழுத்தம் இதில் பதியாமலும் இவர்களிருவரின் காதல் சுத்தமாக எடுபடவேயில்லை. ஒரு மொன்னைத்தனமான காதலால் சாம் இவரைக் காப்பாற்றும் மையக் கதை தவிடுபொடியாகிவிடுகிறது. வெறும் எலக்ட்ரானிக் யுத்தங்களை ரசிப்பதற்காக வேண்டுமானால் ஓகே/// ஆனால் ஒரு அழுத்தமில்லாமல் சலிப்புத்தான் மிகுதியாகிறது.

சமீப காலங்களில் வரலாற்று நிகழ்வுடன் புனைகதையை இணைத்து (பொன்னியின் செல்வனைப் போல) படமெடுப்பது சகஜமாகி வருகிறது. நிலவில் அமெரிக்காவின் முதல் மனிதப் பயணமான அப்போலோ 11 ஐயும், செர்நோபில் அணு உலைக்குக் காரணம் எது என்பதையும் இணைத்து திரைக்கதை உருவாக்கியிருக்கிறார்கள். பார்ப்பவர்கள் நம்புப்படியாக அமைந்திருக்கிறது.

ஒரு எலக்ட்ரானிக்ஸ் மனிதர்களின் இனப்போராட்டம் அது வடிவமைக்கப்பட்டிருக்கும் கிராஃபிக்ஸுக்காகவும், மற்றும் முப்பரிமாண பார்வைக்காவும் ஒருமுறை பார்க்கலாம்…

(கார்ஸ் 2 முன்னோட்டம் திரையிடுவார்கள் என்று நினைத்து ஏமாந்தேன்… அநேகமாக அடுத்தவாரம் பார்த்துவிடுவேனென்று நினைக்கிறேன்!!)

இறந்து போகாத கலைஞன்

2011-06-25T18:24:00.000+05:30

இசை!!

மடல்களின் வழியே பறைகளின் மீது மோதி உட்புகுந்து தெறித்து நரம்புகளின் நுண் துளைகளில் நிரம்பி நம்மை மறக்கச் செய்யும் வித்தையை இசையன்றி வேறெந்த கலையாலும் செய்யமுடியாது. Without music, life would be an error. என்றார் நீட்ஷே. இசைக்கு இனம், மொழி, தேசம், வயது என்று எந்த வட்டமும் கிடையாது. ஆனால் இசைக்கு பல பரிமாணங்கள் உண்டு!! அதனால் நம்மை அழவைக்கவும் முடியும், நம்மை சந்தோஷப்படுத்தவும் முடியும்... “இசை, தேவதைகள் பேசும் மொழி” என்கிறார்கள் அறிஞர்கள்!! அவர்களில் ஒருத்தி நம் காதில் தேனைப் போல பாய்கிறாள்! இன்னொருத்தி கண்களின் வழியே நீராய் வழிகிறாள்!!

இதென்ன திடீரென்று இசையைப் பற்றி பேசுகிறேன் என்று பார்க்கிறீர்களா? இன்று இசைச் சக்கரவர்த்தி மைக்கேல் ஜாக்ஸனின் இரண்டாம் ஆண்டு நினைவு தினம். இசையுலகில் ஒரு பிரளயத்தையே ஏற்படுத்திச் சென்ற கடவுள் என்றே சொல்லலாம். எனக்கு மட்டுமல்ல, எல்லா ஆங்கில இசை விரும்பிகளுக்கும் இவரே நுழைவாயிலாக இருந்தார் என்றால் அது மிகையல்ல. கிட்டத்தட்ட பத்து வருடங்களுக்கு முன்னர் எனக்கு மைக்கேலின் இசைத் தொகுப்பு கிடைத்தது. அதுதான் முதல் அறிமுகம் என்று சொல்லலாம் என்றாலும் மைக்கேல் ஜாக்ஸனைப் பற்றி எத்தனையாவது வயதில் அறிந்து கொண்டேன் என்பது தெரியாது. ஆங்கில இசைப்பாடல்கள் கேட்கும் வழக்கம் இல்லையென்றாலும் மைக்கேல் ஜாக்ஸன் எனும் பெயர்தான் கேட்கும்படி உந்தியது. ஆங்கில இசையை எல்லோராலும் விரும்பி அனுபவிக்க முதலில் முடியாது. அதற்குப் பழகவேண்டும். மாற்று இசை விரும்பிகள் எளிதில் நுழைந்துவிடுவார்கள் என்றாலும் சிறிதும் பழக்கமில்லாத ஒருவரும் மைக்கேல் ஜாக்ஸனின் இசையில் அவர் குரலில் மயங்கிப் போவது எப்படி என்று யாராலும் சொல்லிவிடமுடியாது. இத்தனைக்கும் மைக்கேலின் பாடலைக் கேட்டறியாதவர்கள் கூட அவரது ரசிகர்களாக இருப்பதையெல்லாம் பார்த்திருக்கிறேன். அப்படியென்ன அவரது பாடல்களிலும் குரலிலும் இருந்தது?? மைக்கேலின் குரல்வளத்தை விமர்சிக்கும் அளவுக்கு நான் ஒன்றும் பெரிய இசை விமர்சகன் கிடையாது. இசை விமர்சனமும் செய்தது கிடையாது. இருப்பினும் அவரது குரலில் ஒரு துள்ளல் இருக்கும். இருபாலரின் குரல் சேர்ந்த கவர்ச்சி இருக்கும். ஆனால் நம் மக்கள் மைக்கேலின் குரலைவிடவும் அவரது நடனத்தில்தான் விழுந்தார்கள் என்பதுதான் உண்மை!

திரில்லர் வந்த சமயத்தில் அது இசைப்பிரியர்களின் தேசியகீதமாக இருந்தது. அப்பொழுதெல்லாம் நான் பிறக்கவேயில்லை (என் பெற்றோருக்கே திருமணம் நிச்சயிக்கவில்லை) எம்.டிவி வளர்ந்ததே ஜாக்ஸனின் திரில்லர் ஆல்பம் மூலம்தான் என்று சொல்வார்கள். திரில்லர் ஆல்பத்தில் அவரது மாஸ்டர் பீஸான திரில்லர் பாடலைப் பார்க்காதவர்களே இன்று இருக்கமாட்டார்கள். மிக வித்தியாசமான கதைசொல்லியாக அப்பாடல் இருக்கும். ஒரு சுருள்வடிவ வட்டத்தில் (ஸ்பைரல்) திரைக்கதை சுற்றிக் கொண்டிருக்கும். மைக்கேலும் அவரது காதலியும் ஒரு திரையரங்கில் சினிமா பார்த்துக் கொண்டிருப்பார்கள். அந்த சினிமாவில் காதலனாக மைக்கேல் ஜாக்ஸன் வருவார். இருவரும் காதலித்துக் கொண்டிருக்கும் ஒரு இரவில் முழுநிலவின் ஒளியில் திடீரென நரிபோல மாறிவிடுவார். காதலியைக் கொல்வதாக காட்சி இருக்கும். அதைக் கண்டு பயப்படும் மைக்கேலின் காதலி சினிமா அரங்கை விட்டு வெளியேறுவாள். அவளை மகிழ்விக்க ஜாக்ஸன் பாடுவார்... எனக்குப் பிடித்ததே அப்பாடலில் ஜாக்ஸன் காதலோடு பாடிவரும் இடங்கள்தான். அந்த நீக்ரோ பெண்ணிடம் காதல் நிரம்பி வழியும். ஆனால் திடீரென சுடுகாட்டிலிருந்து பிணங்கள் எழுந்து காதலியைச் சுற்றிவர, திடீரென மைக்கேலும் பேயாக மாறி ஆட்டம் போடுவார்... அச்சமயத்தில் இரண்டு நிமிடம் நடனம் தான்... அந்த இரண்டு நிமிட நடனமே மைக்கேலின் முழுத்திறமையையும் கொட்டி எடுத்ததைப் போல இருக்கும். பேய்கள் அவரோடு ஒத்துழைத்து ஆடும். பயந்து போய் காதலி அவளது வீட்டுக்குப் போனால் அங்கேயும் பேய்கள் வீட்டை இடித்துக்கொண்டு வந்து தலையில் கையை வைக்கும் பொழுது திடீரென விழித்தால் மைக்கேல் ஜாக்ஸன் எப்பொழுதும்போல நின்றுகொண்டிருப்பார்.. ”பயந்துட்டியா” என்று கேட்டுக் கொண்டே நம்மைப் பார்ப்பார்... அவரது கண்கள் பேயுருவத்திற்கு மாறும்!!

இதில் சுருள்வட்ட திரைக்கதை என்று ஏன் சொன்னேனெனில் உண்மையில் மைக்கேல் ஜாக்ஸன் பேயாக இருக்கிறாரா அல்லது கனவா என்றே இறுதிவரைக்கும் தெரியாது. திரில்லர் பாடல் கேட்கும் ஒவ்வொரு முறையும் மயிர்கூச்செறியும். தானாகவே மனம் துள்ளிடும்... பாடல் அப்படி!!

என்றாலும் மைக்கேலின் திரில்லரை விட எனக்கு மிகவும் பிடித்தது Earth song, சுற்றுச்சூழல் மாசுகேட்டையும், மனிதனின் வக்கிரங்கள், போர்குற்றம் போன்றவற்றையும் எதிர்த்து பாடும் பாடல்... மிக அற்புதமான பாடல் அது.. மெலடி போல ஆரம்பித்து ராக் இசைபோல ஹைபிட்சில் பாடுவார். பாடலின் ஆரம்பத்தில் வெட்டி விழும் மரங்கள், தந்தம் இழந்த யானை, போரில் மரித்த மக்கள் என உலக அரசியலின் வக்கிரங்களைக் காண்பித்துவிட்டு மெல்ல மெல்ல அதனை பழைய நிலைக்குக் கொண்டுவருவதாக முடியும்!! அப்பாடலில் பார்த்த ஒவ்வொருவருக்கும் ஆச்சரியம் மிகுந்திருக்கும், ஒரு காட்சியில் மரத்தின் இடையே காமராவை வைத்து ரிவர்ஸில், விழுந்த மரம் மீண்டும் இணைவதாகக் காட்டியிருப்பார்கள், அதேபோல யானையின் தந்தம் முளைத்து யானை பிழைப்பது போல.... இன்று அதெல்லாம் பெரிய விஷயமில்லை என்றாலும் பதினைந்து வருடங்களுக்கு முன்பு பெரிய விசயம்தான்!! ஒரு பாடலுக்காக அவர் எவ்வளவு மெனக்கெடுகிறார் என்பதை இப்பாடலில் தெரிந்து கொள்ளலாம்!!

ஜாக்ஸன் என்றாலே நடனம் தான்.. அதிலும் Toe top, Moon walk போன்றவை, குறிப்பாக மூன் வாக்கை ஜாக்ஸனுக்கு முன்பே அறிமுகப்படுத்தியிருந்தாலும் ஜாக்ஸனின் பில்லி ஜீனில் (Billie Jean) அது மிகவும் பிரபலமானது. பில்லி ஜீன் மேடைப் பாடலாகத்தான் முதலில் பார்த்தேன்.. அப்பொழுதெல்லாம் மூன் வாக்கும் தெரியாது, சன் வாக்கும் தெரியாது, ஆனால் நடப்பதைப் போலவே பின்னே கால்களை இழுத்துச் செல்வது ஒரு பெரிய ஆச்சரியத்தை உண்டுபண்ணியது. குறிப்பிட்ட அக்காட்சியை மட்டும் பலமுறை ஒளிபரப்பி ரசித்தேன்.. என்னைப் போல எத்தனைபேர் ரசித்தார்களோ?

Beat it, பாடலின் காட்சிகள் இன்னமும் மனதில் இருக்கிறது. மற்றும் The way you make me feel. தமிழ் சினிமாவில் நிறையமுறை காப்பியடித்த பாடல்!! இவரது பாடலில் வெறும் நடனம் மட்டும் இருப்பதில்லை. ஆரம்பம் முடிவு முதற்கொண்டு ஒரு மினி சினிமாவே காணலாம். Beat it இல் எதிரெதிர் கோஷ்டிகள் இருவரின் அறிமுகத்தோடு தொடங்கும் பாடல் அவர்களது சண்டை வரை நீளும், பாடல் பாடிக் கொண்டே ஒரு விடுதியிலிருந்து வரும் மைக்கேல் இருவரையும் பிரித்து சேர்த்துவைப்பார்... அதைப் போலவே The way you make me feel ஒரு பெண்ணை சமாதானப்படுத்திச் செல்லும் தெருப்பாடகன், Remember the time (எட்டி முர்ஃபியுடன்) ஒரு அருமையான மினிசினிமா... பண்டைய எகிப்திய அரசிக்கு பொழுதுபோக்கு எதுவுமில்லாததால் அரசன் பொழுதுபோக்கிகளை (entertainer) அழைத்து வித்தை காட்டச் சொல்லுவான். ஒவ்வொருவராகக் காட்ட மைக்கேலின் வித்தையில் மயங்கும் அரசி மைக்கேலை முத்தமிட, அரசனுக்குக் கோபம் வந்து கொல்லச் சொல்லுவான். அவர்களிடமிருந்து தப்பி அரசியைக் கைப்பிடிப்பதே அப்பாடலின் கதை! பாடலின் வரிகள் அரசியை மயக்குவதாக இருக்கும் (Do you remember the time, when we fall in love...) Black or White மார்ஃபிங் என்றால் என்ன என்பவர்களுக்கு இப்பாடலைப் போட்டு காண்பிக்கலாம்.. (ரோஜாப்பாக்கு விளம்பரம் இதை வைத்தே எடுக்கப்பட்டது)

They don't care about us பாடலை கேட்காதவர்கள் இருக்க முடியாது. ஒரு கிங் ஆஃப் பாப், மக்கள் மத்தியில் பாடினால் எப்படியிருக்கும்?? ஒரு டாகுமெண்ட்ரி + டான்ஸ் ஆல்பம் போல இருக்கும். அதில் ஜாக்ஸனின் நடனம் மட்டுமல்ல, ஜாக்ஸன் அணிந்திருக்கும் பனியன் டிசைன் முதற்கொண்டு தேடியலைந்தவன் நான். You are not alone, ஒரு சுகமான மெலடி.... தவிர இப்பாடல் ஒரு கின்னஸ் சாதனையும் கூட. பில்போர்ட் 100 கேள்விப்பட்டிருப்பீர்கள், டாப் டென் போல இசைக்கு வரிசைப்படுத்தும் நிறுவனம் அது. அதில் எந்த இடமும் பிடிக்காமல் நேரடியாக முதலிடம் பிடித்த ஒரே பாடல் இதுதான்!!! மைக்கேலும் ஒரு பெண்ணும் ஆடையின்றி வருவார்கள், எங்கள் வீட்டில் பார்க்க அனுமதிக்கப்பட்டது... அதன் இசைக்காகவே! இன்னும் சொல்லிக் கொண்டே போகலாம், தங்கை ஜேனட்டுடன் ஸ்க்ரீம்... (ஒருமாதிரி விண்வெளிக்கூடம் போன்ற செட்டிங்..) மிக அருமையான கிளப் சாங்கான Smooth Criminal, மிக அழகான மெல்லிய, வேகம் குறைந்த காட்சிகளுடனான Stranger in moscow, ஆங்... மறந்துவிட்டேன்.. Man in the mirror ஒரு குறிப்பிட்டு சொல்லவேண்டிய பாடல்!!

ஜாக்ஸனைப் பற்றி சிலாகிப்பதென்றால் பேசிக் கொண்டேயிருக்கலாம்... இசைக்கடவுள் என்று வர்ணிப்பதில் மிகையில்லை என்றே தோணுகிறது. தமது வாழ்நாளில் வெள்ளையராக இருக்கவேண்டுமென்ற பேராசையும் ஆடம்பர செலவுகளும் அவரை மன,பொருளாதார ரீதியாக இறக்கினாலும் அவரது ரசிகர்கள் கூட்டம் மட்டும் குறையவேயில்லை என்பது ஆச்சரியம்!! இத்தனைக்கும் ஜாக்ஸனின் Dangerous க்குப் பிறகு குறிப்பிட்டு சொல்லும்படியான ஆல்பம் எதுவும் வரவில்லை, (invinsible வந்ததாகக் கேள்விப்பட்டிருக்கிறேன். அதில் cry என்ற பாடலை மட்டுமே கேட்டிருக்கிறேன்) பாலியல் புகார்கள், ஒருசமயம் தனது குழந்தையை ஜன்னலிலிருந்து கீழே போடுவது போல செய்தது, போதை மருந்து உபயோகித்தது போன்ற தனிமனித ஒழுக்கம் அவரிடம் குறைவாகவே இருந்தது. ஜாக்ஸன் இறந்தபிறகும் சர்ச்சைகள் தீர்ந்தபாடில்லை... ஜாக்ஸனைப் பற்றி அவதூறு பேசிய, பாலியல் வன்முறைக்கு ஆளானவரிடம் கேட்டபொழுது “ பணத்திற்காக ஜாக்ஸன் மீது பழியைப் போடச்சொன்னார்கள்” என்றார்... ஒரு உயர்ந்த கலைஞனை நாம் இவ்வளவுதூரம் செருப்பால் அடித்திருக்கவேண்டாம்!!

கலைஞர்கள் இறப்பதுண்டு.. அவன் விட்டுச் சென்ற தடங்கள் என்றும் இறப்பதேயில்லை.. ஜாக்ஸன் ஒரு நூற்றாண்டுச் சின்னம் போன்றவர்.. இன்றுள்ளவர்கள் நாளை இருப்பார்களா, தெரியாது. ஆனால் என்றும் ஜாக்ஸனின் ரசிகர்கள் இருந்துகொண்டே இருப்பார்கள் . இசை என்ற வஸ்து உலகில் நீங்கும் பொழுது ஜாக்ஸனின் பெயரை உச்சரித்துவிட்டுதான் நீங்கும்... அவரது இரண்டாம் ஆண்டு நினைவுதினமான இன்று இக்கட்டுரை எழுதுவதில் பெருமகிழ்ச்சியடைவதோடு அவரது இசையை ரசித்த நான் அவருக்குச் செலுத்தும் மரியாதையாக நினைக்கிறேன். மேலும் நினைவூட்டி எழுதத் தூண்டிய தக்ஸ் aka ரங்கராஜன் அவர்களுக்கும் என் மனமாழ்ந்த நன்றி!!

ஆரண்ய காண்டம் - விமர்சனம்

2011-06-15T11:50:00.000+05:30

Directed & Written	Thiagarajan Kumararaja
Starring	Jackie Shroff, Ravi Krishna, Sampath Raj, Yasmin Ponnappa, Somasundaram
Music	Yuvan Shankar Raja
Cinematography	P. S. Vinod
Year	2011
Language	Tamil
Genre	Neo Noir, Crime, Drama

வன்முறை, கெட்டவார்த்தை – குழந்தைகள் பார்ப்பதற்கு ஏற்றதல்ல

இராமாயணத்தில் வாலியையும் சுக்ரீவனையும் சண்டையிடச் சொல்லிவிட்டு மரத்திற்குப் பின் மறைந்திருந்து தாக்குவான் இராமன். இறக்கும் தருவாயில் இராமனிடம் “இது தர்மமா?” என்று கேட்கும் வாலிக்கு, “யுத்த தர்மப்படி தவறுதான், ஆனால் மனுதர்மப்படி சரியானது” என்று விளக்கம் கொடுப்பான் இராமன். எந்த சூழ்நிலையில் எது தேவையானதோ அதுதான் தர்மம்… இராமாயணத்தின் ஒரு பகுதியைத் தலைப்பாக வைத்திருக்கும் ஆரண்ய காண்டம் திரைப்படத்தின் கருவும் அதுவே. Reservoir Dogs போன்ற மோனோகிராம் போஸ்டரைஸ்டு போஸ்டர்கள், அதில் முகம் தெரியாத நடிகர்கள், அதிக விளம்பரங்களும் ஆர்ப்பாட்டங்களுமில்லாமல், சர்வதேச விருதைப் பெற்றுவந்த சத்தமில்லாமல் அமைதியாக படம் வெளிவந்திருக்கிறது. சர்வதேச படங்களுக்கிணையான முயற்சிகள் தமிழ்சூழலில் அவ்வப்போது இருந்து வந்தாலும் முயற்சிகளைத் தாண்டி வென்றிருக்கிறது “ஆரண்ய காண்டம்”. விக்கிபீடியாவில், தமிழில் நியோ நாய்ர் ஜெனரில் வந்திருக்கும் முதல் திரைப்படம் என்கிறார்கள். பெருமையாகவும், வெட்கமாகவும் இருக்கிறது! இதற்கு முன்னர் புதுப்பேட்டையில் நியோ நாய்ரின் கூறுகளான, கறுப்பு நகைச்சுவையும், ஒளிகுறைந்த ஒளிப்பதிவும் யதார்த்தமான கேங்க்ஸ்டர் கதையும் இருந்தாலும் மிகைப்படுத்தப்பட்ட திரைக்கதை, பாத்திரம் காரணமாக பெரிதாக எடுபடவில்லை என்றே நினைக்கிறேன் என்றாலும் சில அறிவுஜீவிகள் City of God லிருந்து பெறப்பட்டதாக குற்றச்சாட்டுகள் வைத்தாலும் புதுப்பேட்டை என்னளவில் ஒரு முக்கியமான படமும் கூட. ”ஆரண்ய காண்டம்” படத்தின் இயக்குனர் தியாகராஜன் குமாரராஜா, குவாண்டின் டாரண்டினோவின் தமிழ் வெர்சன் என்று சொல்லலாம். அந்தளவுக்கு படத்தின் துல்லியம் மிகப்பிரமாதமாக இருக்கிறது. குவாண்டினின் பல்ப் ஃபிக்‌ஷனுக்கும் புதுப்பேட்டையின் மேம்பட்ட கேங்க்ஸ்டர் வாழ்க்கைக்கும் பொருத்திப் பார்க்கலாம். பல்ப் ஃபிக்‌ஷன் நான் லீனியர் திரைக்கதை சார்ந்து வேறுபட்டுவிடுகிறது.

இப்படத்திலும் நான் லீனியரின் கூறுகள் சில இடங்களில் எட்டிப்பார்த்தாலும் முழுமையாக இல்லை என்று சொல்லிவிடலாம். ஆனால், தமிழ்சினிமாவின் எண்பதாண்டுகால திரைக்கதையமைப்பின் மிக முக்கியமான லீனியர் இப்படத்திலுண்டு. கிட்டத்தட்ட வானம் படம் போன்ற ஐந்து கதைகளின் ஒருங்கிணைப்பு என்றாலும் ஒவ்வொரு கதைக்குள்ளும் உள்ள வேறுபாடு, அது முடியும் தருவாயில் ஒரு தொடர்பு என்பதாக நீளுகிறது.

“ஒங்களால முடியலைன்னா என்னை ஏன் அடிக்கிறீங்க?” என்று தீர்ந்து போன தனது காமத்தை விமர்சிக்கும் ஒரு பெண்ணின் கோபத்தின் மூலம் வன்மத்தின் விதை விதைக்கப்படுகிறது. இளமையும் அதிகாரமும் தக்கவைத்துக் கொள்ள நினைக்கும் சிங்கம்பெருமாள் ”ஆடுகளம்” பேட்டைக்காரனைப் போன்ற வன்மத்தை தனது கூட்டாளியான பசுபதியின் ஒற்றைச் சொல்லிலிருந்து தொடர்கிறார். எதிர் கூட்டத்தைச் சேர்ந்த கஜேந்திரனுக்குச் சேரவேண்டிய கொகைன் எனும் போதை மருந்தை பசுபதி கைப்பற்ற நினைக்கிறார். இது சிங்கம்பெருமாளுக்குப் பிடிப்பதில்லை. தனது ஆட்களை வைத்தே பசுபதியைப் போட்டுத்தள்ளச் சொல்லுகிறார். இது பசுபதிக்குத் தெரிந்து தப்பிச் செல்லுகையில் சிங்கம்பெருமாளின் ஆட்கள் பசுபதியின் மனைவியைக் கடத்துகிறார்கள். இன்னொரு பக்கம் தனக்கு சேரவேண்டிய சரக்கை சிங்கம்பெருமாள் கடத்துகிறார் என்றறிந்து அவரை மிரட்ட, சம்பத்தை கோர்த்துவிடுகிறார் சிங்கம்பெருமாள். இரு கூட்டமும் துரத்த, சம்பத் செய்வதறியாமல் ஓடுகிறார். ஆனால் சரக்கு எங்கே? அது சென்னைக்குப் பிழைப்புக்கு வரும் ஒரு தந்தை காளையன் மற்றும் மகன் கொட்டுக்காபுளியிடமும் மாட்டிக் கொள்கிறது. காளையன், சிங்கம்பெருமாளிடம் மாட்டிக் கொள்கிறார். இடையிடையே சிங்கம்பெருமாளின் கூட்டத்திலிருக்கும் சப்பைக்கும் சிங்கம்பெருமாளின் கீப்பான சுப்புவுக்கும் காதல் கனிகிறது… சரக்கு வாங்க வைத்திருக்கும் 50 லட்சம் ரூபாய் பணத்துடன் எப்படியாவது தப்பி மும்பை செல்லப் பார்க்கிறார்கள்.

பசுபதி, இரண்டு கூட்டங்களிலிருந்தும் தப்பிக்கவேண்டும், சப்பையும் சுப்புவும் தப்பிக்கவேண்டும், காளையனை அவரது மகன் கொடுக்காபுளி கண்டுபிடிக்கவேண்டும், கஜேந்திரனுக்கு சரக்கு வந்து சேரவேண்டும்…. அடுத்தடுத்து நடக்கும் பரப்பரப்பான இறுதிக்காட்சியில் எதிர்பாராத திருப்பங்களுடன் முடிகிறது திரைப்படம்.

இப்படியொரு படம் வந்திருப்பதை நம்பமுடியவில்லை. ஒரு நாவல் படித்ததைப் போல மிக அழகாக விவரமாக, துல்லியமாக, தேவையற்ற காட்சிகளற்று செல்கிறது. குறிப்பாக திரைக்கதை. முன்பே சொன்னது போல தமிழ்சினிமாவின் திரைக்கதையம்சங்களை அநாயசமாக உடைத்தெறிகிறது. சிங்கம்பெருமாளான ஜாக்கி ஷெராபின் அறிமுகம், அவர்களது கூட்டாளிகளின் அறிமுகம், பசுபதியான சம்பத்தின் வழியே கஜேந்திரன் மற்றும் அவனது தம்பி கஜபதியின் ஃப்ளாஷ்பேக் கதை என நாவலின் கூறுகள் நிறைய காணமுடிகிறது. சப்பையும் சுப்புவும் உடலுறவு கொள்ளப்போகும் காட்சியை அணைந்துகிடக்கும் தொலைக்காட்சியின் பிம்பம் வழியே காண்பிப்பது. சப்பையின் கேரக்டரை முதல் காட்சியிலேயே முடிவு செய்வது, பின் மீண்டும் ஒருமுறை அழுத்தமாக நிரூபிப்பது. காளையனின் மகனைப் பற்றிய அறிமுகம் என ஒரு சுழண்டு சுழண்டு வருகிறது. படத்தின் நிறம் மஞ்சள் என்பதை போஸ்டர்களிலேயே காண்பித்துவிடுவதால் படம் முழுக்க அதனை உபயோகித்திருக்கிறார்கள். லோலைட் காட்சிகளும் மிக அழுத்தமான நேரத்தில் எழும் இசையும் குறிப்பிடத்தக்கன. இசையைப் பற்றிச் சொல்லவேண்டுமெனில் யுவனின் மாஸ்டர் பீஸ் எனலாம். தேவையான இடங்களில் அமைதியையும், கொடுத்திருக்கிறார். குறிப்பிட்டுச் சொல்லவேண்டுமெனில், சம்பத் ஜாக்கியைப் பார்த்து “டொக்கு ஆயிட்டீங்களா?” என்று கேட்குமிடத்திலிருந்து துவங்குகிறது. காட்சிக்கேற்ப இசையை மாற்றிப் போடுவதிலிருந்தே இது ஒரு மாறுபட்ட பிஜிஎம் என்பது தெரிந்துவிடுகிறது. மென்மையான காட்சிகளில் வன்மையாகவும் வன்மையான காட்சிகளில் மென்மையாகவும் இசையமைக்கிறார். உலகத்தரம் என்று சொல்ல இயலவில்லை ஆனால் மாறுபட்ட இசை என்பதை புரியவைக்கிறார். பாடல் காட்சிகளுக்கான இடமிருந்தும் பாடல்கள் வைக்கப்படவில்லை. அதேபோலத்தான், வழக்கமான தமிழ் தாதாயிச படங்களுக்குண்டான குணங்களிலிருந்து வெகுதூரம் தள்ளியிருக்கிறது. அதற்கான சாத்தியங்கள் இருந்தபோதும் யதார்த்ததை மனதில் கொண்டு தவிர்த்திருக்கிறார்கள்!!

வன்மையான காட்சிகள், ராவான கெட்டவார்த்தை வசனங்கள், தத்துவார்த்தமான வார்த்தைகளை மிக அநாயசமாகச் சொல்லிச் செல்லுமிடங்கள் என படத்தின் ஒவ்வொரு பிரேமுக்குமுள்ள வசன இடங்கள் கவனிக்கப்பட்டிருக்கின்றன. தமிழின் எல்லா கெட்டவார்த்தைகளும் இடம்பெறுகின்றன. ஆனால் சென்னையின் பிரதான வார்த்தையான “ஓத்தா” வை ஒரு இடத்திலும் கேட்டதாகத் தெரியவில்லை. சென்னையின் வட்டார மொழி சுத்தமாக இல்லை. ஆனால் அந்த குறை அவ்வளவாகத் தெரியவில்லை என்றுதான் சொல்லவேண்டும். ”சரக்கு வாங்கித் தந்தவன் சாமி மாதிரி”, ”நீ மட்டும் உயிரோடு இருந்தே, உன்னைக் கொன்னுடுவேன்” ”டேய் மகனே, எங்கப்பனை விட உங்கப்பன் புத்திசாலிடா” போன்ற ப்ளாக் காமெடிகள் வாழ்ந்து கெட்ட ஜமிந்தாரான காளையனின் (கூத்துப்பட்டறை சோமசுந்தரம்) போதை வார்த்தைகள், குறிப்பாக ஜாக்கியிடம் சேவல்சண்டையில் ஏளனப்படுத்துவதும், பிறகு மாட்டிக்கொண்டு நொங்கு நொங்கென நொங்கியெடுத்தபிறகு பேசும் காட்சிகள் வன்முறையையும் மீறி சிரிப்பை வரவழைக்கிறது. கொடுக்காபுளியின் பாத்திர வடிவமைப்பு ஆச்சரியமாக இருக்கிறது. அப்படியொரு பாத்திரம் தமிழ்சினிமாவில் இதுவரை வந்ததே கிடையாது. கையாலாக அப்பனின் மேலுள்ள கோபம், அதேசமயம் அவன் மனதிலுள்ள மெல்லிய பாசம், சம்பத் ஓரிடத்தில் அவனிடம் “உங்கப்பாவைப் பிடிக்குமா?” என்று கேட்க, “அப்படியெல்லாம் இல்ல… ஆனா அவரு என் அப்பா” என்பான்.. சாதாரணமாக இருக்கும் அசாதாரண வசனம் இது. அதே சம்பத் அவனிடம் “ உங்கப்பாவை நான் காப்பாத்தறேன், என் பொண்டாட்டியையும் கடத்திட்டு போயிட்டானுங்க” என்பார்.. அதற்குப் பையன் “உன் பொண்டாட்டியவே காப்பாத்த வக்கில்ல, எங்கப்பாவை எப்படி காப்பாத்துவ?” என்பான்… கொஞ்சம் மிகைத்தன்மையோடு தெரிந்தாலும் அசலான யதார்த்தமான, பாத்திரத்திற்கேற்ப வசனமாகவே இருக்கும்..

52 இடங்களில் சென்ஸார் கைவைத்த சுவடு தெரியாத, சில இடங்களில் நான் லீனியர்தனமான காட்சிகள் என உழைத்திருக்கிறார்கள். துரத்தத் துரத்த ஓடும் சம்பத் திடீரென பைக்கில் வருகிறார். அது எப்படி என காண்பிக்கும் காட்சி, ஜாக்கி ஷெராஃபின் கூட்டாளிகள் பேசும் “ஆண்டிகளை கரெக்ட் பண்றது எப்படி?” போன்ற இயல்பான காட்சிகள் முதலில் அழுத்தமாகத் தெரியாவிட்டாலும் அதன் கீற்று பின்வரும் காட்சிகளில் எவ்வளவு தூரம் தேவையானது என்பது தமிழ்சினிமா திரைக்கதைக்கு மிகவும் புதிதானது. சம்பத், கஜேந்திரனைப் பற்றி விவரிக்கும் பொழுது “கட்டை விரலைக் கடிச்சதெல்லாம் சும்மா” என்று கூட்டாளிகள் ஏளனமாகப் பேசுவார்கள், அதேநேரம் அந்த பெண் கட்டைவிரலற்ற தனது கைகளால் டீ கொண்டுவந்து வைக்கும் காட்சி (சட்டென அதைக் கவனிக்காமல் விட்டேன்.) மிக ஜோவியலாகப் பேசிக்கொண்டிருக்கும் கூட்டாளிகள் சட்டென கத்தியைத் தூக்குவது…. மிஸ்டர் மரியோ கேம் காட்சி, சான்ஸே இல்லைங்க. Pulp Fiction மற்றும் No county for old men படங்களின் ஃப்ரெஷ்ஷான தமிழ் வெர்சன் (காப்பியல்ல) பார்த்தது போலவே இருந்தது.

ஜாக்கி ஷெராஃபின் முதல் தமிழ்ப்படம் இது. இந்திக்காரரான இவருக்கு தமிழ்சூழல், அதிலும் மிகமுக்கியமான பாத்திரமான சென்னையிலுள்ள கேங்க்ஸ்டர் தலைவன் எனும் சூழல் முற்றிலும் புதிதானது. ஆனால் மனுஷன் பின்னியிருக்கிறார். ஒரு காட்சியில் நிர்வாணமாகவும்!!! ஜாக்கியின் கீப்பாக வரும் யஅஸ்மின் பொன்னப்பா வாழ்ந்திருக்கிறார். இந்த படத்திற்கு நான் செல்வதற்கு தயக்கமாக இருந்ததற்கு ஒரே ஒரு காரணம் ரவிகிருஷ்ணா தான். 7G ரெயின்போ காலனியில் அட்டென்ஷனில் நின்று கொண்டு ஒப்பிப்பாரே… ஒருமாதிரி சப்பைத்தனமாக.. ஆனால் இப்படத்தில் கையில் ஒரு வீடியோகேம் சாதனத்தைக் கொடுத்துவிட்டதாலோ என்னவோ விளையாடியிருக்கிறார். ஒரு உறுப்பிடியான கேரக்டர் செய்துவிட்டதாக இனி எண்ணிக் கொள்ளலாம். படத்திற்குப் படம் பாத்திர கனத்தை ஏற்றிக் கொண்டே போகும் சம்பத்தின் நடிப்பு பாராட்டத்தக்கது. வெகு சில இடங்களில் சிலாகிக்கவைக்கிறார். காளையன் மற்றும் கொடுக்காப்புளி கேரக்டர்கள் படம் முடிந்தபிறகும் நீண்டநேரம் கூடவே வந்துகொண்டிருந்தது.

ஆரண்ய காண்டம் – காங்க்ரீட் காட்டில் வாழும் நாகரீக விலங்குகள் மனிதர்கள். அவர்களில் யாரும் நல்லவர்களுமில்லை, கெட்டவர்களுமில்லை, தர்மம் என்பதே தனக்குத் தேவையானதை தேவையான நேரத்தில் பெறுவதுதான். அந்த தருணம் எப்படிப்பட்டதாக இருந்தாலும்…..

அவள் (18+)

2011-05-09T10:56:00.000+05:30

மதுக்கோப்பையில் ஊறிக்கிடந்த
அவளை என் வாயில் ஊற்றி
திமிரத் திமிரப் பருகுகிறேன்
அடங்காமல் அலைந்திருந்த
அவளது குரூரக் காமத்தை
மதுக்கோப்பைகள் தீர்த்துவிட முடியாமல்
தோற்றுப் போகின்றன
உள்ளே நுழைந்தவள்
மனதெங்கும் முடிச்சுக்களைப்
போட்டுக் கொண்டேயிருந்தாள்
அதன் கிள்ளலில்
சட்டென்று விறைத்தெழுந்தது காமம்
கண்களின் வழியே கனன்றுகொண்டிருந்த
அவளின் மூச்சுக்காற்றை
பின்புறம் நெளிந்து படுத்துக் கிடந்த
மனைவியினைப் புணர்வுக்கிழுத்து
யோனிக்குள் நுழைத்தேன்.
அலறிக் கொண்டிருந்தாள்
அவள்.

நன்றி : Google Images, Uyirmmai.com

நந்தினி மாதிரி ஒரு பெண்!

2011-04-27T10:25:00.000+05:30

ஓவியம் : இளையராஜா…

நேற்று குலதெய்வமான அங்காளம்மன் கோவில் கெடாவெட்டுக்கு குடும்பத்துடன் சென்றிருந்தோம். மாமாவீட்டு அழைப்பு என்பதால் கட்டாயத்தின் பேரில் கோவிலுக்குச் செல்லுவதாக இருந்தது. பொதுவாக இந்தமாதிரி கும்பல் சேருமிடத்திற்குச் செல்வது எனக்குப் பிடிக்காது. தவிர எனக்குத் தெரிந்தவர்கள் அல்லது சமவயதுடைய இளைஞர்கள் யாரும் இருக்கமாட்டார்கள், இருந்தாலும் என்னுடன் பேசமாட்டார்கள். நானும் தம்பியும் வண்டியை ஓரமாக நிறுத்திவிட்டு யாராவது தெரிந்தவர்கள் வந்திருக்கிறார்களா என்று பார்த்தோம். கோவில் வாசலில் மாமாவும் அக்காவும் குழந்தைகளுடன் நின்று கொண்டிருந்தனர். கோவிலுள் நுழையுமுன்னர் என் மாமாவைப் பார்த்து நலம் விசாரித்துவிட்டு மாமா பொண்ணை மட்டும் அழைத்துக்கொண்டு கோவிலுக்குள் நுழைந்தேன். அட..... அவசரப்படாதீங்க... அந்தப் பொண்ணுக்கு வயசு ஒன்றரைதான் ஆகிறது. குழந்தையைத் தூக்கிக் கொண்டே உள்ளே நுழைந்தேன். என்னைமாதிரி வயதிலுள்ளவர்கள், கையில் குழந்தையுடன் இருப்பதைப் பார்த்தால் எல்லாரும், கல்யாணமாகி குழந்தை பெற்றவன் எனும் நோக்கில் பார்க்கக் கூடும். ஆனால் இதற்கெல்லாம் நான் அலட்டிக் கொள்வது கிடையாது. நீங்கள் எல்லோரும் நினைப்பீர்கள், என்னை “ரொம்ப நல்லவன்ன்ன்ன்ன்” என்று... நிச்சயமாக இல்லை.. கோவிலுக்குள் இருக்கும் பெண் சிலைகள் முதற்கொண்டு சைட் அடிக்கும் பலே பேர்வழி நான். பக்தியை பூசிக் கொண்டு நிற்கும் ஒரே இடம் சாமி தரிசனத்தின் போது மட்டும்தான்.

கோவிலில் நீண்ட வரிசை இருந்ததால் வரிசையில் நின்றுகொண்டு மாமா குழந்தையுடன் விளையாடிக்கொண்டே நின்றுகொண்டிருந்தேன். எனக்கு முன்னே ஒரு பெண்ணும் அவள் கையில் ஒரு குழந்தையும் இருந்தது. அந்த பெண்ணருகே தான் நின்று கொண்டிருந்தேன். மாமா குழந்தையிடம் “சூடு... சூடு...” என்று அந்த பெண்ணின் குழந்தையைப் பார்த்து விளையாடிக் கொண்டிருக்கையில் அந்த பெண் மெல்ல திரும்பினாள்...

பொன்னியின் செல்வன் படித்திருப்பீர்கள், அதில் நந்தினியை கல்கி அவர்கள் விவரித்திருப்பாரே... வட்டவடிவிலான முகம், நல்ல பெரிய கண்கள், விழியோரம் கறுத்த மை, அளவான மூக்கு, அதில் பொட்டுவைத்தமாதிரி மூக்குத்தி, சின்னதாய் சின்ன வாய்... உங்களுக்கு எந்த பெண்ணிடமாவது பேசவேண்டும் என்றால் கையில் குழந்தையை வைத்துக் கொண்டு தைரியமாகப் பேசலாம். என் மாமா பையனிடம் ஏதாவது ஒரு பெண்ணைக் காட்டி ”போய் பேசுடா” என்பேன். அவனுக்கு வயது நான்கு.. (என்னைப் போட்டுக் கொடுக்கமாட்டான் என்று நினைக்கிறீர்கள்... அங்கேதான் மிஸ்டேக் செய்கிறீர்கள்) ஆனால் அவன் போய் பேசமாட்டான்... எனக்கு என்னவென்றால், அவன் போய் பேசினால் அந்த சாக்கில் பேசலாம் பாருங்கள்!! ( அவனிடம் தமன்னாவின் போட்டோவைக் காட்டி “ யாருடா இது என்று கேட்டால் “அத்த” என்பான். யாருக்கு அத்தை என்றால், ”நவி மாமாகு” என்பான்.. அப்படி பழக்கி வைத்திருக்கிறேன் ) சரி நாம் மேட்டருக்கு வருவோம். அந்த பெண்ணிடம்

“உங்க பொண்ணா ?” என்று ஆரம்பித்தேன்.

“இல்ல இல்ல.. இது எங்க அக்கா பொண்ணு” என்று அவசராவசரமாக மறுத்தாள்.

“மீரு மனிவாரா?” கேட்டேன் தெலுகில்....

“ம்ம்... ” என்றாள்

”ஏமி குலம்?”

சொன்னாள்.. இதை எதற்காகக் கேட்கிறேன் என்றாள், எங்கள் வழக்கத்தில் ஒரு குலத்திற்கும் இன்னொரு குலத்திற்குமிடையேதான் திருமணம் நடக்கும். நாங்கள் ”மஞ்சாளூர் வார்ளு”.. நான் திருமணம் செய்து கொள்ளவேண்டுமெனில் “கதிரூர் வார்ளு” அல்லது அந்த குலத்தின் அண்ணன் தம்பிமுறை குலங்களிலிருந்துதான் திருமணம் செய்து கொள்ள முடியும். அப்படியே, அப்போஜுலு, பெத்த கொண்டோஜுலு என்று பல குலங்கள் உண்டு. ஒருமுறை என் அவ்வாவிடம் இதைப் பற்றி கேட்டபொழுது, ஆந்திராவில் ஒரு கிராமத்திற்கும் இன்னொரு கிராமத்திற்குமிடையே திருமணம் நடக்குமாம், ஒரு கிராமத்தினர் மஞ்சாளூர் வார்ளு என்றால் இன்னொரு கிராமத்தினர் கதிரூர் வார்ளாக இருப்பார்கள்... மஞ்சாளூரு வார்ளுவில் பிறந்த எல்லாரும் எனக்கு அண்ணன் தங்கச்சியாக இருப்பார்கள் அதேசமயம் கதிரூர் குலம் எனக்கு முறைப்பெண்கள்!! அந்த பெண் குலத்தின் பெயரைச் சொன்னதும் உடனே என் மாமாவுக்குப் போனடித்து எனக்கு தங்கச்சி முறையா அல்லது முறைப்பெண்ணா என்று கேட்டேன்... முறைப்பெண் தான் வரும் என்றார்.. பிறகென்ன??? அந்த பெண்ணும் வேறு தனியாக வந்திருக்கிறாள், பேச இதைவிட நல்ல வாய்ப்பு இருக்காது.

“எந்த ஊர்ல இருந்து வந்திருக்கீங்க?”

“திருப்பூர்தான். நீங்க”

“நானும் திருப்பூர்தான்... ஆனா உங்களை இதுக்கு முன்னாடி நான் பார்த்ததேயில்ல.. கருவம்பாளையத்துக்காரங்களா?”

“அவ்னு..”

“பொண்ணு நல்லா துறுதுறுன்னு இருக்கா... பேர் என்னங்க?”

உடனே அவள், குழந்தையிடம் பார்த்து, “ பேர் அடிகேரு சூடு, பேரு செப்பிடு சாமி...” என்று கட்டாயப்படுத்தினாள். சொல்லவேயில்லை, பிறகு என்னிடம் “ இப்போதான், ஒருவருஷம் தான் ஆச்சு” என்றாள். பெயர், தீபிகா.. (படுகோனே?) மெல்ல மெல்ல கூட்டம் நகர்ந்ததும் சாமி தரிசனம் முடிந்து வெளியே சென்றுவிட்டாள். நான் கொஞ்சம் பொறுத்து வெளியே சென்றேன். கோவிலை ஒருமுறை சுற்றிவிட்டு ஓரிடத்தில் அமர்ந்து தீபிகாவை போட்டோ எடுத்துக் கொண்டிருந்தாள்... எனக்கோ இவளிடம் எப்படி பேசுவது என்று யோசனை... வலிய பேசினாள் என்னை “ஜொள்ளன்” என்று நினைக்கமாட்டாளா? ஆனால் வேறு வழியுமில்லை, இன்றைக்கு விட்டால் பின்னொருநாள் கிடைக்க வாய்ப்பேயில்லை. சொல்ல மறந்துவிட்டேனே... அவளுக்குக் கல்யாணம் ஆகியிருக்கவில்லை. பொதுவாக கல்யாணம் ஆகியிருந்தால் தனியே கோவிலுக்குள் வரவாய்ப்பில்லை, கூடவே கணவனும் வந்திருக்கவேண்டும். அதைவிட அவளது கழுத்தில் தாலியுமில்லை. ஒரே ஒரு சின்ன கோபிச்செயின் அணிந்திருந்தாள். மீறிப்போனால் இரண்டுபவுன் வரும். எங்கள் வீட்டு புதுப்பெண்கள் ஒரு கிலோ தாலிக்கயிறு அணிந்திருப்பார்கள்.. கழுத்து முழுக்க மஞ்சக்கயிறாகத்தான் இருக்கும்.. காதுக்குக்கூட சின்னத் தோடு, அவ்வளவுதான்.. அனார்கலி சுடிதார் அணிந்திருந்தாள். கிளிப்பச்சை வர்ணம் என்று சொல்வார்களே, அந்த இளம்பச்சையில், கொஞ்சம் இறுக்கமான ஆடை, தலையைச் சீவி பின்னாமல், ஒரே ஒரு பேண்டு மட்டும் அணிந்து ஹாயாக விரித்துவிட்டிருந்தாள். அந்த பேண்டையும் எடுத்துவிட்டால் இன்னும் தேவதைமாதிரி கேசம் பரந்து இருந்திருக்கக் கூடும். கையில் கூட சின்னதாக கடிகாரமும் இன்னொரு கையில் ஒரேஒரு கண்ணாடி வளையலும் அணிந்திருந்தாள். பார்ப்பதற்கு எந்த ஆடம்பர தோற்றமுமின்றி வெகு எளிமையாக இருந்தது எனக்கு மிகவும் பிடித்திருந்தது.

சட்டென எனக்கு ஒன்று தோணவே, என்னுடன் இருக்கும் மாமாவின் குழந்தையை தீபிகாவுடன் நிற்கவைத்து போட்டோ எடுக்கும்படி கேட்டேன்.. சரியென்று சிரித்தாள்... (சத்தியமாக இந்த சிரிப்பை நான் எதிர்பார்க்கவேயில்லை) போட்டோ எடுத்து முடிந்தபிறகு என்னிடம் காட்ட, நான் எடுக்கட்டுமா என்றேன். ம்ம் என்றவளிடம் இரு குழந்தைகளும் நின்று கொண்டிருக்கும்படி ஒரு போட்டோவை எடுத்து பெரிமிதத்துடன் காண்பிக்க, “இதேமாதிரிதான் நானும் எடுத்தேன்” என்றாள்.. நம்ம போட்டோகிராபி மூலைதான் சும்மா இருக்குமா? இரு போட்டோக்களையும் பொருத்திப் பார்க்கச் சொல்லி அவளது போட்டோவில் “தலை கொஞ்சம் கிராப் ஆயிடுச்சு, குழந்தைகளைத் தவிர இன்னொருத்தரும் ப்ரேமில் வரார், தீபிகாவோட கைக் அசைஞ்சதாலே நல்லாயில்ல,” என்று குறைகளை அடுக்கினேன்.. சொல்லச் சொல்ல என் உள்மனம் ஓவரா சொல்லி சொதப்பிடாதே என்று எச்சரித்தாலும், என் அறிவு அதற்கு வழிவிடவில்லை. ஆனால் நிகழ்ந்ததோ வேறு... “என் கிட்ட டிஜிகேம் இருக்கு, அதில எடுத்திருந்தா நல்லா வந்திரும்” என்று சப்பை கட்டு கட்டினாள்... இது கேமரா மேல தப்பில்ல, எடுத்தவங்க மேலதான் தப்பு என்று சொல்லவந்தேன்... பென்ஸின் அறிவுரைப் படி பொண்ணுங்க கிட்ட குறையையும் அதிமேதாவித்தனத்தையும் காட்டவும் கூடாது, கண்டுக்கவும்கூடாது... ஆனால் அந்த சப்பகட்டுதான் பெரிய திருப்புமுனையாக இருந்தது எங்கள் நட்பில்... ஆமாங்க, என்ன டிஜிகேம் இருக்கிறது என்று வினவினேன்.

“நிகோனில் XX கேம்” அந்த XX மாடல் எண்.. மறந்துபோட்டது!

“என்கிட்டயும் இருக்குங்க, நானும் கொண்டுவரலை, ஆனால் என்னோட கேனன், DSLR” என்று ஒரு பிட்டு போட்டேன்...

அவளிடம் ஆர்வம் தொத்திக் கொண்டது. உண்மையில் போட்டோகிராபி பற்றிய ஆர்வம் அவளது கண்களில் மிதப்பதை என்னால் பார்க்க முடிந்தது. இதற்குப் பிறகு நாங்கள் பேசிய டயலாக்குகளை இங்கே இரைத்தால் கொட்டாவி விட்டு நீங்கள் கழண்டுகொள்வீர்கள் என்பதால் சுருக்கமாகச் சொல்லிவிடுகிறேன். அவளுக்கு போட்டோகிராபி என்றால் இஷ்டமாம், அப்பாவிடம் ரொம்ப நாட்களாக டி.எஸ்.எல்.ஆர் கேட்டு அவர், பொண்ணுங்களுக்கு எதுக்கு அந்த விலையில கேமரா என்று சொல்லி ஒரு வேலைக்காகத டிஜிடல் கேமராவை வாங்கித் தந்தாராம். நிறைய புகைப்படங்கள் எடுத்து வைத்திருப்பதாகச் சொன்னாள். எங்களது பேச்சு அப்படியே கேமராவின் டெக்னிகல் விஷயத்திற்குள் நுழைந்து, கோவிலில் இருந்த காட்சிகளின் வழியாக இறங்கி, போர்ட்ரைட்களுக்குப் போஸ் கொடுப்பவர்களைப் பற்றிய கிண்டல்களைக் கடந்து “கோ” வில் வந்து முடிந்தது. சத்தியமாக எனக்கு நேரம் போனதே தெரியவில்லை. நாங்கள் எடுத்துவந்த அவரவர் அக்கா குழந்தைகள் ஓரிடத்தில் நின்றுகொண்டு அவர்களைக் கவனிக்கமாட்டாமல் அழுது கொண்டிருந்தனர். எனக்கோ இன்னும் பேசிக்கொண்டேயிருக்கலாம் என்றுதான் தோணியது.. என்னிடம் பேச நிறைய மேட்டர்கள் இருந்தாலும் சென்னை மெரினாவில் மதிக்கு தாமரை அண்ணா கொடுத்த அட்வைஸ் ஞாபகம் வந்தது... “ பொண்ணுங்க கிட்ட பேசறப்போது, அவங்களை அதிகம் பேசவிடு”

”எனக்கு நேரமாச்சு” என்று கோவிலை விட்டு விருந்து மண்டபத்திற்கு விரைந்தாள். இப்பொழுது அவளைப் பின் தொடர்ந்து செல்வதா, இல்லை பொறுத்துப் போவதா? பின் தொடர்ந்தால் தவறாக நினைப்பாளோ? என்மீதுள்ள ஜெண்டில்மேன் மரியாதை கெட்டுவிடுமோ என்ற சந்தேகம்... ”கோ” படத்தில் பியா சொல்வதைப் போல, ”எத்தனையோ பேர் என்னைப் பார்த்து ஜொள்ளு விடறாங்க, ஆனா அஸ்வின் (ஜீவா) மட்டும் டிஃப்ரண்ட்”... இப்போதுள்ள பெண்களெல்லாம் ஜொள்ளர்களைப் பார்க்கிறார்களா இல்லை தவிர்க்கிறார்களா?? நீயா நானாவில் கோபிநாத்தை பேசச் சொல்லவேண்டும்!

மண்டபத்தில் நிறையபேர் இருந்ததால் அவளை என் கண்கள் தேடி சலித்தது.. குழந்தையை அக்காவிடம் கொடுத்துவிட்டு, தேடிக் கொண்டிருந்தேன். அதற்குள் பந்திக்கான அழைப்பு வந்தது. இந்தமாதிரி பந்தி விருந்து சமயங்களில் என்னுடைய சுபாவம் என்னவெனில் அருகே மிகப் பழக்கமான ஒருவரை வைத்துக் கொண்டுதான் சாப்பிடுவேன்.. இல்லாவிட்டால் தெரியாதவர்களோடு ஏதோ ஹோட்டலில் தனியாக அமர்ந்து சாப்பிடுவதைப் போல இருக்கும். மண்டபத்தில் எனக்குத் தெரிந்தவர்களான மாமாவும் அக்காவும் நான் கோவிலுக்குச் சென்ற நேரத்தில் சாப்பிட்டுவிட்டதால் நானும் தம்பியும் உள்ளே நுழைந்தோம். அதுவரையிலும் அவளைத் தேடிய கண்கள் பிறகு பல்பு அடித்தது... அவளும் சாப்பிட வந்தமர்ந்தாள்.. என்னிடம் சைகையிலேயே சாப்பிட்டாச்சா என்று கேட்டாள். நான் புன்னகைத்துக் கொண்டே இல்லை இனிமேதான் என்றேன். மீண்டும் சிரித்தாள்.. Sands of time ன் காலக்கத்தியொன்று என்னிடம் இருந்திருந்தால் கண்டிப்பாக 2 நிமிடங்களைப் பின்னோக்கி மீண்டும் ரசித்திருப்பேன். அவளுக்கு எதிரேயே அமரும்படியான வாய்ப்பு எனக்குக் கிட்டியது. அவள் இருந்த வரிசை முழுக்க சைவம், எனது அசைவம். விருந்துகளில் அசைவம் மிக அளவோடுதான் சாப்பிடும் பழக்கம். ஆகையால் அவள் எழும் வரை சாப்பிடப்போவதாக முடிவெடுத்து மெல்ல மெல்ல காலத்தை இழுத்துத் தின்றேன்... அவளைப் பார்ப்பது போல பார்த்து பிறகு வேறிடத்தில் கருவிழிகள் கழண்டோடியது. அவளுக்கு என் மேல் பார்வை சுத்தமாக இல்லை, அருகில் அமர்ந்து கொண்டிருந்த இன்னொரு பெண்ணிடம் பேசியபடியே சாப்பிட்டாள், ஒருவேளை அவள் என்னைப் பற்றிக்கூட பேசிக் கொண்டிருந்திருக்கலாம். இதில் என்னவொரு கொடுமை என்றால், இழுத்து இழுத்து தின்ற எனக்கே வயிறு நிரம்பிவிட்டது, அவளோ மாங்கு மாங்கென்று உண்டுகொண்டிருந்தாள், பொதுவாக பெண்கள் எப்பொழுது ஏதோ டயட்டில் இருப்பதைப் போல இத்துனூண்டு சாப்பிடுவார்கள், இவளோ அதற்கு நேர்மாறு.. இவளையெல்லாம் கட்டிக்கொண்டால் ஒருமூட்டை அரிசி அதிகமாகத்தான் வாங்கணும்போல..

அப்பாடி!! முடித்துவிட்டாள்.. ஆனால் அதன்பிறகு எனக்கு பேச வாய்ப்பே கிடைக்கவில்லை. கும்பல் கும்பலாக நின்று அரட்டை அடித்துக் கொண்டிருந்தாள்... நல்ல வாயாடியாக இருக்கவேண்டும் என்றாலும் இவளிடம் விஷயஞானம் இருக்கிறது. எந்த டாபிக் ஆரம்பித்தாலும் அதில் ஓரளவு அறிவைத் தேக்கி வைத்திருந்தாள். நாம் ஏன் நம் அம்மா அப்பாவிடம் இந்தப் பெண்ணையே கட்டிவையுங்கள் என்று சொல்லக்கூடாது?? சேசே,,, தங்கச்சி வேறு இருக்கிறாள். பின்னர் நம்மை என்ன நினைப்பார்கள்? கல்யாணத்துக்கு இப்பவே உனக்கு அவசரமா என்று கடிந்து கொள்ளமாட்டார்கள்?? ஆனால் ஒன்றுமட்டும் உறுதியாக நினைத்துக் கொண்டேன். மண்டபத்தை விட்டு வெளியேறும்பொழுது அவளது அலைபேசி எண்ணையாவது வாங்கிக் கொள்ளவேண்டுமென்று.. போகிறபோக்கைப் பார்த்தால் முடியாது போல இருந்தது. தனியாக இருக்கும்பொழுதே கேட்டுத் தொலைத்திருக்கலாம். அவளிருந்த அந்த கும்பலில் யார் யார் அண்ணனோ, தங்கையோ, அக்காவோ, அம்மாவோ? ஏதாவது கேட்கப்போயி ஏடாகூடம் ஆகிவிட்டதென்றால், பணால் தான்.

கிட்டத்தட்ட அவள் கிளம்பும் நேரம்... என்னிடம் வந்தாள், இது எதிர்பார்க்காத நிகழ்வு!!

“உங்க செல்போன் நம்பரைத் தரீங்களா?” என்று தைரியமாகக் கேட்டாள். இத்தனைக்கும் என்னுடன் மாமா, அக்கா, ஏன், அம்மா அப்பாகூட அமர்ந்திருந்தார்கள். எனது அலைபேசி எண்ணைத் தந்தேன்.

“கோவில்ங்கிறதால பத்திரிக்கை கொண்டுவரலை, அடுத்தமாசம் XX தேதி எனக்கு கல்யாணம். நீங்க எல்லாரும் கண்டிப்பா வரணும்” என்று சொல்லிவிட்டு எனது பதிலை எதிர்பார்க்காமல் வெடுக்கென திரும்பினாள்.. எப்படிச் சொல்லுவது? ஒரு சினிமாத்தனமான முடிவாகிவிட்டது. எனக்கு முகமே இல்லை. ஒருமாதிரியாக ஆகிவிட்டேன். பேசாமல் இப்பொழுதே போய் “என்னை கல்யாணம் பண்ணிக்குவீங்களா?” என்று கேட்டுவிடலாமோ என்றுகூட தோணியது.. பிறகு அந்த நினைப்பிலிருந்து வெளியேறிவிட்டேன். சுமார் மூன்று மணிநேர சந்தோஷம், மிகப்பெரிய பலூனை நன்கு ஊதி ஊதி குண்டூசியால் குத்தி வெடிக்க வைத்ததைப் போல இருந்தது. என்னிடம் மாமா “யார் அந்த பொண்ணு” என்று கேட்டார்... ”தெரியலை” என்றேன். உண்மையில் எந்தவகை சொந்தம் என்று அறிந்து கொள்ளவுமில்லை... பிறகு அவரே புரிந்து கொண்டதைப் போல ”குலம் கேட்டது இந்த பொண்ணுக்காகத்தானா?” என்று கேட்டபடி சிரிக்க ஆரம்பித்தார்... சிரிக்காதீங்க மாமா என்று டென்ஷன் ஆனேன். அவரது செல்போனில் தேடிப் பிடித்து “போனதே,,,, போனதே... என் பைங்கிளீ... வானிலே” என்ற பாடலைப் போட, கடுப்பானேன்

“என்னங்க மாமா... சிச்சுவேஷன் சாங்கா??”... தம்பி வேற ஏற்றிவிட.... உண்மையில் ஏமாற்றத்தைத் தாங்கிக் கொள்ளவியலாத தொண்டையடைப்பு ஏற்பட்டது.. ஏமாற்றத்தின் வலி வலியது.

”எங்கிருந்தாலும் வாழ்க!!”

பிகு: அந்த பெண்ணின் பெயரை நான் கேட்கவேயில்லை. என்னுடைய பெயரையும் நான் சொல்லவில்லை!!

ஜெஸிகாவின் தலை

2011-04-25T10:41:00.000+05:30

என் வீட்டு அலமாரியில்
ஜெஸிகாவின் தலையை எப்போதும் காணலாம்
இரத்தம் இறுகி, உறைந்து போய்
நெடியடிக்காத வண்ணம் பாதுகாத்து வருகிறேன்.
சிலசமயம் கடவுள் பொம்மையைப் போல
பூஜித்தும் வருகிறேன்
எதற்காக என்று கேட்டு
நச்சரித்தாள் மனைவி
ஒரு சொல்லில் எந்த அர்த்தமும் சொல்லமுடிவதில்லை
சொல்லமுடியாத தருணங்களிலெல்லாம்
இவள் என்னைத் தழுவிக் கொள்கிறாள்
வெதுவெதுப்பான
ருசியற்ற முத்தங்களைத் தருகிறாள்
நீர்மங்களாலான உடலாக மாறி
எனது ரகசியங்களைத் தோண்டி
மெல்ல மெல்ல புசிக்கிறாள்
ஒரு காட்டு மானைப் போல
பொறுக்கமாட்டாது
முற்கள் தாங்கும் படுக்கையொன்றில்
திருகி வீசியெறிகிறேன் இவளை
தின்றுவிடும் தாபத்தோடு
தலை பொருந்தச்
சுழன்று விழுந்துகிடக்கிறாள்
ஜெஸிகா.

ஓவியம் : டாவின்ஸி

Rio : பறக்கவியலா பறவையின் அட்வெஞ்சர்

2011-04-18T12:43:00.000+05:30

Direction	Carlos Saldanha
Starring	Jesse Eisenberg, Anne Hathaway, George Lopez
Cinematography	Renato Falcão
Studio	Blue Sky Studios
Year	2011
Language	English, Portuguese
Genre	Animation, Comedy

Blue Sky Studio இன் ஐஸ் ஏஜ் படங்களில் பெரும்பாலும் தேடலும், தவிப்பும், இடப்பெயர்ச்சியும் முக்கிய கதைக்காரணிகளாக இருக்கும். தேடலின் வழியே நகைச்சுவையும் பரிதவிப்பும் மிக அழகாகப் பொருத்தி திரைக்கதை அமைத்திருப்பார்கள். ஐஸ் ஏஜின் மூன்று திரைப்படங்களும் ஒன்றையொன்று விஞ்சியதாகவே இருக்கும். ப்ளூ எனும் ஒரு அரிதான பறவையைச் சுற்றி நிகழ்வும் வாழ்க்கையும், அன்பும் பாசமும் தேடலுமே ரியோ படத்தின் மொத்தக் கதையுமே,

செம்மூக்குப் பறவை, ப்ளூ, மற்றும் ஜ்வெல்.

புக்ஸ்டோர் நடத்தும் லிண்டாவுக்கு (Linda) ப்ளூ எனும் அரிதான பறவை கிடைக்கிறது. அந்த பறவைக்கோ பறக்கத் தெரியாது. பறக்க முயற்சித்தும் பலனில்லை. இச்சூழ்நிலையில் டுலியோ (Túlio) எனும் ப்ரேசில் நாட்டு பறவைகள் ஆராய்ச்சியாளர் லிண்டாவைத் தேடி வருகிறார். ப்ளூ தான் அதன் இனத்தின் கடைசி ஆண்பறவை என்றும், அதனை தன்னுடன் இருக்கும் பெண்ணுடன் சேரவிட்டால் இனம் செழிக்கும் என்று மன்றாடுகிறார். கொஞ்சம் யோசித்து பிறகு ஒத்துக்கொண்டு லிண்டாவும் ப்ளூ பறவையும் ப்ரேசிலுக்குச் செல்லுகிறார்கள்.

டுலியோவின் ஆராய்ச்சிக் கூடத்தில் வனச்சூழ்நிலைமிக்க ஒரு அறையில் அடைபட்டு வெளியே போகத்துடிக்கும் பெண் பறவை ஜ்வெல் (Jewel) உடன் ப்ளூவுக்கு சினேகம் கிடைக்கிறது. பார்த்தவுடனேயே காதலில் மயங்கி விழும் ப்ளூவை ஜ்வெல் கண்டுகொள்ளாமல் வெளியே போகத் துடிக்கிறது. இவர்கள் இருவரையும் தனித்துவிட்டு லிண்டாவும் டுலியோவும் டின்னருக்குச் செல்கிறார்கள். இச்சமயத்தில் பறவைகளைக் கொள்ளையடிக்கும் கும்பலொன்று ப்ளூ மற்றும் ஜ்வெல் பறவைகளைத் தூக்கிக் கொண்டு செல்கிறது. இதை ப்ரேசில்நாட்டு சிறுவன் ஒருவனும் வெண்கிழட்டுப் பறவை ஒன்றும் ஈடுபடுகிறது. கொள்ளையர் தலைவன் பல அரிதான பறவைகளைத் திருடிக் கொண்டு வந்து வெளிநாட்டுக்கு விற்பவன்!!

புல்டாக், மஞ்சள் குருவிக்குஞ்சு, மற்றும் செந்தலைப் பறவை

கொள்ளையர் கூண்டில் ஒன்றோடொன்று சங்கிலியால் கட்டப்பட்டு கிடக்கும் ப்ளூவும் ஜ்வெல்லும் அங்கிருந்து தப்பிக்க முயலுகின்றன. அவைகளை வெண்கிழட்டுப் பறவை துரத்துகிறது. முடிவில் ஒரு காட்டினுள் தஞ்சமடைய, அங்குள்ள செம்மூக்குப் பறவையை சந்திக்கின்றன. தங்களது காலில் கட்டப்பட்டிருக்கும் சங்கிலியை அவிழ்த்துவிட உதவிசெய்யுமாறு இருபறவைகளும் கேட்கின்றன. அச் செம்மூக்குப் பறவையோ தன்னால் முடியாது என்றூம் தனது நண்பன் லூயிஸ் எனும் புல்டாகினால் முடியும் என்று அழைத்துச் செல்கிறது. ப்ளூவுக்கு பறப்பது எப்படி என்று சொல்லித் தரவும் செய்கிறது. எனினும் ப்ளூவால் பறக்க இயலுவதில்லை.

இச்சூழ்நிலையில் வெண்கிழட்டுப் பறவை தனது கொள்ளையர் தலைவனின் உத்தரவுப்படி இரு பறவைகளையும் தேடிவருகிறது. ப்ரேசிலின் ஒரு குரங்குவகையொன்று அங்குவரும் சுற்றுலாப் பயணிகளிடம் “ஆட்டையைப்” போடுவதில் கில்லாடிகள். பறவைகளைக் கண்டுபிடிக்க அவைகளிடம் மிரட்டி பொறுப்பை ஒப்படைக்கிறது வெண்கிழட்டுப் பறவை. ஒரு பறவைகள்
“சம்பா” கிளப்பில் இரு பறவைகளையும் கண்டுகொண்டு அங்கே பிடிக்க வருகின்றன குரங்குப் படைகள்.. இருப்பினும் அங்கிருக்கும் பறவைகளின் உதவியுடன் தப்பிக்கின்றன ப்ளூவும் ஜ்வெல்லும். இதே நேரத்தில் லிண்டாவும் டுலியோவும் ப்ரேசிலின் ரியோ நகரம் முழுக்க போஸ்டர் ஒட்டவைத்து பறவைகளைத் தேடிவருகின்றனர். பறவைகளை முதலில் களவாடிய ப்ரேசில் சிறுவன் தனது குற்றத்தை ஒப்புக் கொண்டு இருவருக்கும் உதவுகிறான்.

செம்மூக்குப் பறவையும் அதன் நண்பர்களும், ப்ளூவும், ஜ்வெல்லும், இறுதியில் ஒரு புல்டாக்கை சந்தித்து காலில் கட்டப்பட்டிருக்கும் சங்கிலியை அவிழ்த்துக் கொள்கிறார்கள். ஒரு சின்ன காதல் புரிதல் சண்டையில் பிரிந்து ஜ்வெல் பறந்து செல்கிறது. (ப்ளூவால் பறக்க இயலாதே!) அச்சமயம் பார்த்து வெண்கிழட்டுப் பறவை ஜ்வெல்லை சிறைபிடிக்கிறது. இதனை அறிந்து கொண்ட ப்ளூ, ஜ்வெல்லைக் காப்பாற்ற விரைந்தோடுகிறது. ஆனால் அதுவும் மாட்டிக் கொள்கிறது. லிண்டாவும் டுலியோவும் கொள்ளையர் கூட்டத்தையும் தமது பறவைகளையும் கண்டுபிடித்துவிடுகிறார்கள், அவர்கள் சென்று பிடிப்பதற்குள் கொள்ளையர் தலைவன் விமானத்தில் ஏற்றிச் சென்றுவிடுகிறான்.

இதிலிருந்து எப்படி ஜ்வெல்லும் ப்ளூவும் தப்பிக்கிறார்கள், பறக்கவேமுடியாத ப்ளூ, எப்படி விமானத்திலிருந்து தப்பிக்கப் போகிறது? கொள்ளையர் தலைவன் என்னாகிறான் என்பது பரபரப்பான கிளைமாக்ஸில்!!

வெண்கிழட்டுப் பறவையும் “திருட்டுக்”குரங்குகளின் இராஜாவும்

கார்டூன் படமென்றாலே இந்தியர்களுக்கு ஒருவித புரிதல் இருக்கிறது. அவைகள் குழந்தைகளுக்காக மட்டுமே படைக்கப்படுகிறது என்பதுதான். ஆனால் உண்மையில் கார்ட்டூன்கள் பின்னவீனத்துவக் கதைகளைக் கொண்ட, குழந்தைகளைக் காட்டிலும் பெரியவர்களுக்கெனவே படைக்கப்படுகின்ற அருமையான திரைப்படங்கள். எந்தவொரு படங்கள் சோடை போனாலும் அனிமேஷன் படங்கள் மட்டும் சோடைபோனதே கிடையாது. ஏனெனில் அதன் பின்னுள்ள கடுமையான உழைப்பு மற்றும் நேர்த்தி. கூடவே அதனிடையே இழைந்தோடும் பரிதவிப்பும் பாசமுமிக்க திரைக்கதை.

ரியோ படம் முழுக்க ப்ரேசிலின் ரியோ நகர அழகையும் கார்னிவல் பிரம்மாண்டத்தையும், மிகச்சிறப்பாகக் கையாண்டிருக்கிறார்கள். ப்ளூ முதன் முதலாக ஜ்வெல்லைப் பார்க்கும் அந்த செயற்கை வனச்சூழ் சிறை இருவரையும் இணைக்கும் விதமாக டிஸ்கோ பாடல்கள் ஒளிரும் கண்ணாடிக் கோளம் என பறவைகளுக்கான இன்னொரு உலகை மனித கொண்டாட்ட காரணிகளோடு இணைக்கும் விதம் அனிமேஷன் படங்களுக்கேயுண்டான உத்தி. ஒன்றிரண்டு சேஸிங் காட்சிகள் பிரமாதம், குறிப்பாக ரியோவின் ஸ்லம் ஏரியாவில் லிண்டாவையும், டூலியோவையும் மோட்டார் வண்டியில் கூட்டிச் செல்லும் சிறுவனின் காட்சி மிகப்பிரமாதம், அதன்ப்பின்னர் ப்ளூவை பறக்க வைக்கும் முயற்சியும், அது தோல்வியடைந்து ப்ரேசில் கடற்கரையில் செய்யும் அமளியும் (குறிப்பாக ஒரு பெண்ணின் புட்டத்தில் பந்து விழுந்து எகிறுவதும் ) கிளைமாக்ஸ் காட்சிகளும் மிகப்பிரமாதம். இவர்களின் நண்பர்களாக வரும் செந்தலைப் பறவையும், மஞ்சள் குருவிக்குஞ்சும் திரைக்கு வெளியேயும் பறக்கின்றன.

லிண்டாவின் பரிதவிப்பு முந்தைய படங்களைப் போல (ஐஸ் ஏஜ் ஒன்) அழுத்தமாக இல்லாவிடினும் நகைச்சுவையும் களேபரக் காட்சிகளும் அதனைக் குறைக்கச் செய்கின்றன. குரங்குகளின் சேஷ்டைகளும் அவை ஆட்டையப் போடும் விதமும் மனித திருடர்களை மிஞ்சி நிற்கின்றன. அதன் வடிவமும் முழியும் நகைச்சுவைக் கூட்டும் படைப்பு. குரங்குகளின் இராஜாவாக வரும் ஒரு குரங்கு கைகளில் தங்க ப்ரேஸ்லெட்டுகளையும் வயிற்றும் கடிகாரத்தை ஒட்டியானம் போல கட்டியிருப்பதும், பறவைகளைத் தேடுவதற்கு, மனிதர்களிடமிருந்து களவாடிய பைனாகுலர், டி.எஸ்.எல்.ஆர் கேமராவும், டச் ஸ்க்ரீன் மொபைலும் பயன்படுத்துமிடங்கள் அதீத நகைச்சுவை இழையும் காட்சிகள்!!

என்னதான் அனிமேஷன் காட்சிகள் மிகச்சிறப்பாக இருந்தாலும் பிக்ஸாரின் தரம் எனக்குத் தெரியவில்லை. பறவைகள், ரியோ நகரக் காட்சிகள், கார்னிவல் கொண்டாட்டங்கள், பறவைகளின் இறகுகள், புல்டாக்கின் வாயில் ஒழுகும் ஜலவாய் முதற்கொண்டு சிறப்பாகத்தான் இருக்கிறது. இருப்பினும் ஏதோவொன்று குறைகிறது. அது என்னவென்றுதான் தெரியவில்லை.

படம் பார்க்கும் பொழுதே நினைத்தேன் ப்ளூவுக்கு வாய்ஸ் கொடுத்திருப்பது ஜெஸி எய்ஸம்பர்க்காகத்தான் (Jesse Eisenberg) இருக்குமென்று. ஏற்கனவே சோஷியல் நெட்வொர்க்கில் வார்த்தைகளை மிக்சியில் போட்டு அரைப்பது போல அந்த ஸ்பீடில் பேசினவர் இந்த படத்தில் பரவாயில்லை, கொஞ்சம் அடக்கியே வாசித்திருக்கிறார். ஜ்வெல்லாக வருபவர் அன்னி ஹதாவே.. இவரை கொஞ்ச நாட்களாகத்தான் பார்த்துவருகிறேன். இருப்பினும் இவருக்குப் பதில் ரீஸ் விதர்ஸ்பூனைப் போட்டிருக்கலாம்… அல்லது லிண்டாவுக்கு…

குழந்தைகளுடன் நிச்சயம் பார்க்கவேண்டிய படம். 3D யில் பார்க்கமுடிந்தால் நிச்சயம் பாருங்கள்!! நகைச்சுவைக்கும் ரசிப்புத் தன்மைக்கும் நான் கியாரண்டி!!

Trailer

சாம்பியன் இந்தியா : அழுதது 200 கோடி கண்கள்

2011-04-04T11:59:00.000+05:30

இந்த வெற்றியை வார்த்தையால் சொல்லி தீர்த்துவிடமுடியுமா? பதிவுகளால் என் மனதில் தேங்கியிருக்கும் ஆக்ரோஷமான மகிழ்வை எழுதிவிடமுடியுமா?? தெரியவில்லை. இந்தியா வென்றது… 28 ஆண்டுகளுக்குப் பிறகு… நான் பிறந்தபிறகு பார்க்கும் முதல் உலகக் கோப்பை கைப்பற்றல்!!! மீண்டும் அதன் பின் தோணி!!!

கிட்டத்தட்ட நான்கு உலகக் கோப்பைகள் பார்த்துவிட்டேன். (96, 99, 03, 11) ஒவ்வொரு முறையும் இந்தியாதான் ஜெயிக்கும், இந்தியாதான் ஜெயிக்கவேண்டும் என்று பிரார்த்தனையில்லாத பிரார்த்தனையை செய்து வந்திருக்கிறேன். ஒவ்வொருமுறையும் ஏதாவதொரு சந்தர்ப்பத்தில் அணி திணறும் பொழுது இதயத்துடிப்பின் வேகம் அதிகரிப்பதை உணர்ந்திருக்கிறேன். ஒட்டுமொத்தமாக இந்தியாவின் நூறு கோடி இதயங்கள் அச்சமயத்தில் வேகமாகத் துடிக்கின்றன என்பதை மறுக்க இயலாது. ஆனால் முன்பு எப்பொழுதும் இல்லாத வகையில் (2003 தவிர) இச்சமயம் அணியின் ஒட்டுமொத்த பங்களிப்பையும் சிறப்பாக கேப்டன் வியூகத்தையும் எல்லா வித ஆட்டங்களிலும் முண்ணனியில் நிற்கும் திறமையையும் பார்க்கும்பொழுது இம்முறையும் வெல்லவில்லையெனில் வேறு எம்முறைதான் வெல்வது?

இதுவரை இப்படியொரு நீண்ட கிரிக்கெட் தொடரைப் பற்றி நான் எழுதியதேயில்லை, எழுத நினைத்ததுமில்லை. ஆனால் இம்முறை எழுதாமலிருக்க முடியவில்லை. அந்தளவு கிரிக்கெட்டை நேசிக்கிறேனோ எனும் சந்தேகம் எனக்குள்ளேயே. இம்முறை எனது தந்தை, அம்மா, சகோதரி, சகோதரன் என என் வீட்டிலுள்ள அனைவரும் ஒட்டுமொத்தமாகத் தொடரை முழுக்க பார்த்தோம். சச்சின், தோனி என்ற இரண்டு பெயரைத் தவிர வேறெந்த பெயரையும் தெரியாத, கிரிக்கெட்டைப் பற்றி துளியும் தெரியாத என் தாயார் கூட ஆர்வமாகப் பார்த்தது கிரிக்கெட் எவ்வளவு தூரம் ஊறிப் போய்விட்டது என்பதையே காட்டுகிறது.

சனிக்கிழமை திருப்பூரில் பந்த் போன்றதொரு தோற்றத்தில் எல்லா கடைகளும் மூடப்பட்டு, அல்லது ஏதோவொரு சலூன்கடையில் கூட்டம் வழியப்பெற்று காணக்கிடைத்தது. எனது அலுவலகம் மட்டுமல்ல, எனக்குத் தெரிந்து பல அலுவலகங்களும் கம்பனிகளும் கட்டாய விடுமுறை அளித்துவிட்டன. வேறெதற்காகவும் இப்படி விடுமுறை தருவார்களா என்பது சந்தேகம்தான். ஒட்டுமொத்த இந்தியாவும் கிரிக்கெட் முன்பு பிரார்த்திதபடியும் வெற்றியைக் கொண்டாடியபடியும் இருந்தது. இரவு அரைமணிநேரத்திற்கு இடைவிடாத வெடிச்சத்தமும் வாணவேடிக்கையும் நிறைந்திருந்தது. எனக்குத் தெரிந்து இப்படி மொத்த இந்தியாவும் ஒரேநேரத்தில் கோர்த்தது இச்சமயத்தில்தானிருக்கும்.. கிரிக்கெட் என்றால் என்னவென்றே தெரியாத என் பாட்டி கூட இந்திய அணியின் வெற்றியை ரசித்ததுதான் உச்சகட்டமே!!

தோனி இறுதியாக அடித்த சிக்ஸும் அதற்கு அவர் பார்த்த பார்வையும், இத்தனைக்கும் பந்து சிக்ஸ்தான் என்பது கன்ஃபர்ம் என்றாலும் பந்து சரியாக சிக்ஸுக்கு இறங்குகிறதா என்று கவனித்து முகத்தில் சிரிப்பைக் காட்டியவிதம் இருக்கிறதே!!! நிச்சயம் இதனை வேறு எவராலும் செய்யமுடியாது. கங்குலியாக இருந்தால் அப்பொழுதே சட்டையைக் கழற்றி சுற்றியிருப்பார்!! வென்ற பிறகும் கூட தலைமை நடத்துனன் நான் தான் எனும் இறுமாப்பில் எங்கும் சுற்றவில்லை. ரஜினிகாந்த் “விடுகதையா இந்த வாழ்கை “ என்று பாடிக் கொண்டு செல்வதைப் போல அதன் பிறகு ஆளையே பார்க்க முடியவில்லை… தோனியைப் பொறுத்தவரையில் இது இன்னுமொரு வெற்றி என்பதுதான்!! மிகச் சாதாரணமாக எதையும் கையாளும் திறன்மிக்கவராகவே இருப்பதால் இவரைவிடவும் மற்றவர்கள் தலைமையில் சிறப்பார்களா,… தெரியாது!

குழப்பமான இரண்டாம் டாஸில் இலங்கை ஜெயித்தபொழுதே வயிற்றில் இசையெழுந்தது. மும்பை பிட்சில் ஒளிவெள்ளத்தில் அதிக ரன்களை விரட்டுவது மிகவும் கடினமாயிற்றே. டாஸில் தோற்றதும் தோனி அதற்கான வேலைகளில் சரியாக இறங்கினார். ஆனால் மீண்டுமொருமுறை தவறு செய்தது ஸ்ரீசாந்தை உள்ளே இழுத்ததுதான். அது எவ்வளவு பெரிய தவறு என்பதை மிக அழகாக ஸ்ரீசாந்த் நிரூபித்துக் கொண்டேயிருந்தார். ஒருபுறம் ரன்களே இல்லாத மெய்டன் ஓவர்கள், இன்னொருபுறம் வாரிவழங்கும் வள்ளல் ஓவர்கள் என சீராகவே சென்று கொண்டிருந்தது. ஜாஹீரின் ஆஃப் சைட் பாலில் தரங்காவின் மட்டை முத்தம் கொடுத்து சேவக்கின் கையில் தஞ்சம் புகுந்ததுதான் மிகப்பெரிய ப்ரேக்த்ரூ என்று நினைக்கிறேன். இத்தொடர் முழுக்க ஓபனிங் பார்ட்னர்ஷிப்பில் இலங்கையின் தரங்க வும் தில்ஷானும் சிறந்தவர்களாகத் திகழ்ந்தார்கள். எதிர்பார்த்தது போல தில்ஷானும், அரைசதமடிக்க முடியாத நிலையில் சங்ககராவும் சென்றுவிட்டதால் இலங்கையின் தளர்ச்சியடைந்த மிடில் ஆர்டர் ஆட்டம் காணும் என்று நினைத்தவனுக்கு ஜெயவர்தனவின் ஆட்டம் கண்ணில் மண் விழுந்ததைப் போலிருந்தது. ஒப்புக்குச் சப்பாணிகளாக குலசேகரவும் சமரவீராவும் பெராராவும் கடைசி கட்டங்களில் லைன் அண்ட் லெந்தில் குழப்பம் செய்த ஜாஹீரின் பந்துகளையே விளாசிக் கொண்டிருந்த பொழுது ஒட்டுமொத்த இந்தியாவும் சற்றே நம்பிக்கையை இழந்திருக்கும். அதுவரை 5 ஓவருக்கு 6 ரன்களை மட்டுமே கொடுத்திருந்த ஜாஹீர், முப்பத்தாறாவது ஓவரிலிருந்து மீகுதி ஐந்து ஓவருக்கு 54 ரன்களை வாரி வாரி வழங்கினார்.. ஜாஹீர் அப்பொழுது பதட்டமான சூழ்நிலையில் பந்தை வீசினார் என்பது நன்கு தெரிந்தது. 274 என்பது பைனல்களைப் பொறுத்தவரையில் இமாலய ஸ்கோர்தான். ஏனெனில் 300 பந்துகளில் மொத்தம் 26 பந்துகள்தான் உங்களால் வீணாக்க முடியும்.

சற்றேறக்குறைய நம்பிக்கையுடன் பார்க்க ஆரம்பித்தபிறகு ஷேவாக்கின் எல்பி அவர் மீது இருக்கும் கோபத்தை இன்னும் அதிகப்படுத்தியது. இத்தொடர் முழுக்க ஷேவக் உறுப்படியாக ஆடவேயில்லை. ஆரம்பத்தில் அடித்த 175 ரன்களே இன்னும் அவரைக் காப்பாற்றிக் கொண்டிருந்தது. ஒரு முக்கியமான போட்டியில் இப்படியா டக் அவுட் ஆவது? அதுசரி, இவர் போனாலென்ன சச்சின் தான் இருக்கிறாரே என்றால் அவரும் ஒரு அவுட்சைட் எட்ஜில் நடையைக் கட்ட, கிட்டத்தட்ட சுத்தமாக நம்பிக்கையிழந்து திரைப்படம் பார்க்கலாம் எனும் முடிவுக்கு வந்துவிட்டேன். ஆனால் சச்சினைக் குறை சொல்ல ஒருவராலும் முடியாது. இன்று கோப்பை கையில் இருக்கிறது என்றால் அதற்கு சச்சினின் 482 ரன்கள் மிக முக்கிய காரணம். அட்லீஸ்ட் இன்னுமொரு 20 ரன்களைச் சேர்த்திருந்தால் மூன்று உலகக் கோப்பையில் 500 க்கும் மேற்பட்ட ரன் எடுத்தவர், அதிக ரன் எடுத்தவர் எனும் சாதனையை எட்டியிருக்கலாம். கடந்த 2003ல் தனிமனிதனாக பைனலுக்கு அணீயைக் கொண்டு சென்றவர் என்பதை நினைவுகூறலாம்.

இருந்தாலும் சச்சின் அவுட் ஆனதும் ஒருசிலர் என்னிடம் ”அப்பாடா, நூறு அடிச்சுட்டான்னா ஜெயிக்க மாட்டோம்” என்று சொன்னது எரிச்சலைக் கிளப்பியது. சச்சின் எனும் திறமையான ஆட்டக்காரனை இவ்வளவு கேவலப்படுத்த எப்படி துணிகிறார்கள்?

காம்பிர்+கோலியின் ஆட்டம் உண்மையிலேயே டாப் கிளாஸ் ஆட்டம். மிகச்சரியான பந்துகளைப் பொறுக்கி பவுண்டரிக்கு விரட்டியது இந்த ஜோடி, டில்ஷானின் ஃப்லையிங் கேட்ச் மூலமாக கோலி அவுட் ஆகினாலும் இந்தியா இன்னும் தோல்வி எனும் கோட்டுக்கு வந்துவிடவில்லை என்பதாகத்தான் இருந்தது. எப்பொழுதும் போல யுவி களமிறங்குவார் என எதிர்பார்த்த சூழ்நிலையில் வந்தது தோனி!!

தொடர் முழுக்க 40 ரன்களைக் கூட எட்டாத தோனி களமிறங்கிய்தும் உண்மையில் கோபம் வரவேயில்லை. ஏனெனில் தோனி சிலசமயங்களில் பேட்டிங் வரிசை மாற்றி திட்டம் போடக்கூடிய ஆள். யுவியை அவர் பெண்டிங் வைத்ததும் ஒரு காரணமாக இருக்கலாம். தவிர, இந்தியா சார்பில் இலங்கைக்கு எதிராக தோனியின் ஆட்டம் மிகச்சிறப்பானதும் கூட. கொஞ்சம் கொஞ்சமாக பழைய தோனியின் ஸ்டைலில்லாத காட்டானாட்டம் திரும்பிக் கொண்டிருந்தது. அவரது ப்ரத்யேக குவிக் ட்ரைவ்கள் ஒவ்வொன்றும் 4 ரன்களைக் கொடுத்துக் கொண்டிருந்தது. பாலுக்குப் பால் இடைவெளி விடாமல் சிறப்பாக சென்றுகொண்டிருந்த வேளையில் ஒரு உறுப்படியில்லாத பந்துக்கு கவுதம் காம்பிர் அவுட் ஆனதில் வருத்தம்தான். உலகக் கோப்பை பைனல்ஸில் இதுவரை எந்தவொரு இந்தியரும் சதமடித்ததில்லை. (மொத்தமே 3 பைனலதானே?) காம்பிர் கொஞ்சம் நிதானித்திருக்கலாம்!! அதன்பிறகு 50க்கும் குறைவான ரன்களே என்பதால் இந்தியாவின் வெற்றி உறுதியாகிவிட்டது ஒருவேளை இலங்கை டபுள் ஸ்ட்ரைக் ஏதும் செய்யாதிருந்தால்…..

பிறகென்ன…. தோனியின் மொரட்டுத்தனமான ஆஃப்சைட் சிக்ஸரும், இறூதியாக பந்தைத் தூக்கியடித்து முரட்டுத்தனமாக நிதானித்துப் பார்த்த வின்னபில் சிக்ஸரும் தோனியின் பெயரை மிகப்பலமாக வலுவாக்கி விட்டது.

இச்சமயத்தில் தோனியின் வியூகம் பற்றியெல்லாம் பேசமுடியவில்லை. எனெனில் பவுலிங்கில் கடைசி கட்டங்களில் தோனியைத் தவிர மற்ற அனைவரும் பதட்டத்துடனேதான் வீசினர். ஜாஹீரை நீண்ட இடைவெளிக்குப் பிறகு கூட்டி வந்ததே பெரிய தவறுதான். இரண்டாவது ஸ்பெல்லை கொஞ்சம் முன்னமே கொடுத்திருந்தால் நிச்சயம் விக்கெட் எடுத்திருந்திருப்பார்… அதேபோல ஸ்ரீசாந்தின் ஓவரையும் முன்பைப் போல சச்சினுக்கும் கோலிக்கும் கொடுக்கவேண்டிய நிர்பந்ததை சமாளித்தார் என்பதைத் தவிர வேறெதுவும் பேசமுடியவில்லை.

இந்த வெற்றிக்குப் பின்னால் தோனி போன்ற வீரர்கள் தவிர இன்னுமொருவர் இருந்தார்.. அவர் கேரி கிர்ஸ்டன்.. பயிற்ச்சியாளர். இறுக்கமில்லாத, வீரர்களுடன் சகஜமாகப் பழகக்கூடிய பயிற்சியாளர் என்ற பெயரெடுத்திருந்த கிர்ஸ்டன் ஒரு மிக நல்ல டீமை ஏற்படுத்திவிட்டு மிகப்பெரிய வெற்றியைத் தந்துவிட்டு பிரிகிறார்.. கடந்த 2007 களில் பயிற்சியாளர்களுடன் தகறாரு, கேப்டனின் தலைமை சரியில்லாதது, லீக் போட்டிகளிலேயே மோசமாக வெளியேறியது என பலவகையில் பிரச்சனை வாய்ந்த அணியை தலைகீழாகத் திருப்பிப் போட்டு உலகின் நம்பர் ஒன் டெஸ்ட் அணியாகவும், நம்பர் டூ ஒண்டே அணியாகவும் மாற்றி T20 மற்றும் ஒண்டே உலகச்சாம்பியனாகவும் உருவெடுக்க வைத்ததோடு மட்டுமில்லாமல், சச்சின், கோலி, காம்பிர், தோனி போன்றவர்களை மிக அழகாக ஷேப் ஆக்கினார்… வெல்டன் கேரி!! இன்னுமொரு பயிற்சியாளர் இப்படி இருப்பாரா என்பது சந்தேகம்தான்!! ரியலி வி மிஸ் யூ கேரி!!

வெற்றி சிக்ஸர் அடித்தபிறகு இந்திய வீரர்கள் அழுததும் மகிழ்ச்சியுடன் சச்சினையும் கிரிஸ்டனையும் தூக்கிக் கொண்டு மைதானம் முழுக்க சுற்றி வந்ததையும் பார்த்தபொழுது என்னையுமறியாமல் கண்கள் கலங்கியது. தோனி ஒரு சகவீரராக அச்சமயத்தில் வந்தவர் பிறகு கேமராவின் கண்களில் சிக்காமலேயே போய்விட்டார்..

தொடர் நாயகனான யுவியை ஆரம்பத்தில் நானும் கூட எதற்காக யுவ்ராஜை எடுத்தார்கள் என்று கேட்குமளவுக்கு மோசமான ஃபார்மில் இருந்தவர் தொடர் நாயகனாகி வாயடைத்ததும், இந்த வெற்றி சச்சினுக்கானது என்று பெரிமிதத்துடன் சொன்னதும் யுவ்ராஜை பல உயரங்களுக்கு உயர்த்திவிட்டது. இந்த வெற்றி சச்சின், கும்ப்ளே, ட்ராவிட், கங்குலி போன்ற சகவீரர்களுக்கு டெடிகேட் செய்வதாகக் கூறிய தோனியும் பலமடங்கு உயர்ந்துவிட்டார்… வெற்றியினால் மொட்டை அடித்து காணிக்கை செலுத்தியிருக்கும் அவரது பக்தியை மெச்சாமலிருக்க முடியாது….

இலங்கை தரப்பில் ஜெயவர்தனேயின் சதம் பெரிய அளவில் சோபிக்கவில்லை. பந்துவீச்சாளர்கள் சரியான முறையில் வீசாததும் ஃபீல்டிங் குறைபாடுகளுமே அவர்களின் தோல்விக்கு முக்கிய காரணமாக அமைந்துவிட்டது. மலிங்காவின் இறுதி பந்துவீச்சு முழுக்க யார்கராகவே இல்லை. டாஸ்பாலாகவே சென்றது குறிப்பிடத்தக்கது. மற்றவர்கள் நெருக்கடி கூட கொடுக்க முடியவில்லை. முரளிக்கு அட்லீஸ்ட் ஒரு விக்கெட்டாவது கிடைத்திருந்தால் நன்றாக இருந்திருக்கும்தான்.. கடைசி போட்டியில் சோபிக்காமலிருந்தது வருத்தத்தைத் தந்தது. முழுவதுமாக சர்வதேச கிரிக்கெட்டிலிருந்து ஓய்வுபெற்ற முரளி இல்லாதது இலங்கை அணிக்குப் பெரும் பின்னடைவாக இருக்கக் கூடும். இந்திய அணிக்கு எப்படி சச்சினோ அதைப் போல இலங்கைக்கு முரளி என்பதை யாராலும் மறுக்கவியலாது. வெல்டன் முரளி. நீங்கள் விளையாடிய ஒவ்வொரு போட்டியும் மறக்கவியலாதது. சிறப்பான வீரராகவே முடிவு பெற்றீர்கள்!! ஐபிஎல் இல் சந்திப்போம்..

ஆகமொத்ததில் இந்தியா இரண்டு பைனல்களை சந்தித்தபிறகுதான் மூன்றாவதான அசல் பைனலுக்கு வந்தது. ஆஸ்திரேலியா, பாகிஸ்தானை வென்றதே இன்னும் மனதை விட்டு தீராத நிலையில் இலங்கையைத் தோற்கடித்தது பல நாட்கள் நெஞ்சில் நிற்கும். மீண்டுமொரு வெற்றி கிடைக்குமோ கிடைக்காதோ….. இந்த வெற்றி இந்திய அணிக்குக் கிடைத்த வெற்றிகளிலேயே மிகப்பெரிய வெற்றி!!

தொடர்ந்து சாதியுங்கள் வீரர்களே!!

நீண்டநாள் கனவு நனவான சந்தோஷத்தில் சச்சின்

ரியல் சாம்பியன்

படங்கள் உதவி : http://espncricinfo.com

பாகிஸ்தானை வி(மி)ரட்டிய இந்தியா

2011-03-31T10:41:00.000+05:30

எந்த போட்டியானாலும் சரி, எப்படிப்பட்ட வலிமை வாய்ந்த அணியாக இருந்தாலும் சரி, இத்தனை கூட்டமோ, போட்டி அழுத்தமோ, உற்சாகமோ, ஏன் கோபமோ கூட ஏற்படாது. ஆனால் பாகிஸ்தான் இந்தியா போட்டியில் இவை ஒருசேரக் காணப்படுவது எழுதப்படாத விதியாக இருக்கிறது. நேற்றிரவு கோடைமாத தீபாவளி போல ஊரெங்கும் வெடிச்சத்தங்கள், கேளிக்கைகள், கூச்சல்கள்…. நாடு முழுக்க உற்சாக கொண்டாட்டங்கள், இந்தியா மேல் பெட் கட்டியவர்களின் வெறித்தனமான வெற்றிகள் என இந்திய நாட்டின் மிகப்பெரிய வெற்றியாகவே கருதப்பட்டுவிட்டது. விளையாட்டு எனும் உணர்வுடன் இன உணர்வையும் பகையுணர்வையும் சேர்த்தே பார்க்கப் பழகிவிட்டிருக்கிறோம். பாகிஸ்தான் எனும் நாட்டு வீரர்கள் நமது சகோதர்கள் எனும் உணர்வு யாருக்கும் இருப்பதாகத் தெரியவில்லை… பாகிஸ்தானிலும் இதே நிலைமைதான்.

தோனியின் அதிர்ஷ்டம்தான் வெற்றிக்குக் காரணம் என்று பலரும் சொல்லக் கேட்டிருக்கிறேன். ஆனால் உண்மை என்ன? தோனியின் மதியூகமும் வீரர்களின் ஒருங்கிணைந்த சிறப்பான ஆட்டமும்தான் காரணம்!

சேவக் எப்பொழுதும்போல அதிரடியான துவக்கம் கொடுத்தார். கடந்த 2003 ல் சச்சினும் சேவாக்கும் மிரட்டிய ஊபர் கட்டுகள் தேஜா வூ போல திரும்ப வந்தன. சேவாக் இருந்தாலே ஸ்கோரிங் ரேட் மளமளவென எப்பொழுதும் ஏறும். அதனால்தான் நட்சத்திர வீரரான டெண்டுல்கரை விடவும் சேவக்கை அவுட் செய்ய எல்லா அணிகளும் துடிக்கின்றன. அதற்குத் தோதாக இவரும் நடையைக் கட்டுவார் என்பது வேறு விஷயம். மூன்றாவது ஓவரில் குல்லின் பாலில் நான்கு பவுண்டரிகள் அடித்த பொழுதே அப்ரிடிக்குத் தெரிந்துவிட்டது சீமிங் ஆகாது என்று. இருப்பினும் வாஹாப் நேற்று அபாரமான பவ்லிங் செய்தார். அவரது ரிவர்ஸ் ஸ்விங்கை யாராலும் தொடமுடியவில்லை என்பதுதான் ஹைலைட். சேவக் எதற்காக UDRS ஐ வீணாக்கினார்? அது ஒரு க்ளீன் அவுட். எதிரே நின்றுகொண்டிருந்த சச்சினிடம் ஒரு வார்த்தை கேட்டிருக்கலாம். 18000 ரன்களைக் குவித்த சச்சினே ஒரு ஆட்டத்தில் கோலியிடம் கேட்டுச் செல்லும்பொழுது சேவக் கேட்பதில் என்ன தவறு இருக்கப்போகிறது?

சச்சினின் இன்னிங்ஸ் எதிர்பார்த்தது போலில்லை. நேற்று சச்சின் ரன் எடுக்க ரொம்பவும் சிரமப்பட்டார்… இன்னும் சொல்லப் போனால் திணறினார். அப்ரிடி, வஹாப், அஜ்மல், ஹஃபீஸ் என ஒவ்வொருவரும் மாற்றி மாற்றி திணறடித்துக் கொண்டிருந்தார்கள்…. நேற்று ஒருவேளை சச்சின் சதமடித்திருந்தாலும் அதை நிச்சயம் நான் பெரியளவில் பாராட்டியிருக்க மாட்டேன். அதேவேளையில் பாகிஸ்தானின் பவுலிங்கைப் பாராட்டியே ஆகவேண்டும். குறிப்பாக வாஹாப்… மிகச்சிறப்பான பவுலிங்.. யுவ்ராஜைத் தூக்கிய யார்க்கர் ஒன்றே போதும்.. ஒரு லீடிங் எட்ஜில் கோலியும் சென்றுவிட தோனியின் திணறல் ஆட்டத்தைக் கண்டாலே எரிச்சலாக வந்தது. ஹெலிகாப்டர் ஷாட்டெல்லாம் அடிக்க வேண்டாம் பாஸ், குறைந்தபட்சம் “எலி”காப்டர் ஷாட்டாவது அடித்து பவுண்டரிக்கு விரட்டலாம்… இந்த லட்சணத்தில் நான் சிறப்பாகத்தான் விளையாடுகிறேன் என்று பெரிமிதம் வேறு. காம்பிர் இறங்கிக் கொண்டேயிருந்தவர் ஒரு கட்டத்தில் இறங்கியதற்கு ஃபீல் பண்ணியிருப்பார்..

நேற்றைய அபார ஆட்டத்தில் ஒருவருடைய பங்கு மிக முக்கியமானது. அது ரெய்னா.. இந்த இளம் வீரர் ஏழாவது இடத்திற்குத் தன்னை எடுத்தது சரிதான் என்று ”அடித்துச்” சொல்லுகிறார்.

பாகிஸ்தான் தரப்பில் வஹாப் தவிர வேறஎவரும் சிறப்பாக பந்து வீசாததும், மிக மோசமான ஃபீல்டிங்கும்தான் அவர்களது தோல்விக்கு மிக முக்கிய காரணம். சிறப்பாக ஃபீல்டிங் செய்திருந்தாலே இந்தியாவை 200 க்குள் சுருட்டியிருக்கலாம். 45 ரன் இருக்கும்பொழுது சச்சின் கொடுத்த சுலபமாக கேட்சை மிஸ் செய்ததால் அவர்களது தோல்விக்கு முதலடி அங்கேயே விழுந்திருக்கிறது. தொடர்ந்து நான்கு முறை பிழைத்துக் கொண்ட சச்சின் ஐந்தாம் முறை அப்ரிடியின் அபார கேட்சில் வெளியேறியபின்னர்தான் பாகிஸ்தான் மூச்சு விட ஆரம்பித்தது. மிக சுலபமாகத் தடுக்கவேண்டிய பந்துகளெல்லாம் பவுண்டரிகளானது. மற்றபடி பவுலிங் மற்றூம் பேட்டிங் இரண்டிலுமே பாகிஸ்தான் சரியாகத்தான் செய்தது.

இந்தியாவின் பந்துவீச்சு குறிப்பிடத்தக்கதொன்று. மொஹாலி பிட்ச், சுழலுக்கு ஆகாது என்பதால் அஸ்வினைத் தூக்கிவிட்டு நெஹ்ராவை உள்ளிழுத்தார். இதுவொரு நல்ல உத்தி. ஆனால் இந்திய பேட்டிங்கின் போதே பிட்ச் நன்கு மாறிவிட்டது. கிட்டத்தட்ட பவுலிங்குக்கு ஏற்றதாக மாறியதால் ரிவர்ஸ் ஸ்விங்குகளையும் லெக்/ஆஃப் கட்டர்களையும் ஸ்பின்னர்களையும் தாக்குபிடிக்க முடியவில்லை. என்னதான் ஜாஹீரின் பந்தை அடித்தாலும் அவர் திறமையாக பந்துவீசியதாகவே நினைக்கிறேன். அதேசமயம் முனாபும் நெஹ்ராவும் ”கட்டர்களை” மிக மிக அருமையாக வீசினார்கள். பாகிஸ்தான் பேட்ஸ்மென்கள் பந்தைத் தொடக்கூட முடியவில்லை. அவ்வளவு சிறப்பாக இருந்தது. குறிப்பாக ஸ்லோ பால்தான் அதிகமாக வீசினார்கள். பேட்ஸ்மென்களுக்கு பாலைக் காட்டி பூச்சாண்டி காண்பித்தார்கள்! தென்னாப்பிரிக்காவுக்கெதிரான பந்துவீச்சில் நெஹ்ராவைப் பழித்த எல்லாருமே இன்று பாராட்டிக் கொண்டிருக்கிறார்கள். எவ்வளவு மோசமான செயல்!!

சீரான இடைவெளியில் விக்கெட்டுகள் விழுந்தன… 100 க்குள் மூன்று விக்கெட்டுகள் விழவேண்டும் என்று நினைத்துக் கொண்டிருந்தேன். சரியாக அதன்படியே சென்றது. பாகிஸ்தானுக்கு அழுத்தம் அதிகரித்துக் கொண்டேயிருந்தது. கூடவே தேவையான ரன்ரேட்டும்…. முனாப், நெஹ்ரா பந்துகளை வேறு தொட முடியவில்லை. ரிவர்ஸ் ஸ்விங்கில் எல்லாருமாக கலக்குகிறார்கள்…. அதைவிட ஃபீல்டிங்கும் படுபிரமாதம். ஆஸ்திரேலியாவுக்கெதிராக செய்த அபாரமான ஃபீல்டிங் இங்கேயும் தொடர்ந்தது. பவுலர்கள் 36 ஓவர் வரையிலும் உதிரிகளே கொடுக்காமலிருந்தது சிறப்பான ஆச்சரியம். உதிரிகள் கொஞ்சம் அதிகம் போயிருந்தாலும் நமக்கு சங்குதான்.

முன்பே சொன்னது போல பாகீஸ்தான் பவுலிங்கில்தான் திறமையானவர்களே தவிர, பேட்டிங்கில் அல்ல. Mediocre பேட்ஸ்மென்களாக இருந்ததாலேயே தோல்வியைத் தழுவினார்கள். அதேசமயம் மிக மட்டமான, மோசமான ஃபீல்டிங்கினால் அவர்களது ரசிகர்கள் மத்தியில் கெட்ட பெயரையும் சம்பாதித்துக் கொண்டனர். தவிர, அப்ரிடி இறங்கிய போதே பேட்டிங் பவர்பிளே எடுத்திருக்கலாம். இன்னும் கொஞ்சம் ப்ரஷர் கொடுத்திருக்க முடியும். எப்பொழுதும் இந்தியா பாகிஸ்தான் போட்டி கடைசி நுனி வரை இழுக்கும்… இப்போட்டி அப்படியல்ல.

தோனி இத் தொடர்முழுக்க ஆடவேயில்லை. எனினும் எப்படி கொண்டாடப்படுகிறார்?? அவரது யூகம், கேப்டன்ஸி, அரவணைப்பு… தேவையான இடத்தில் பவுலிங்கை மாற்றியது, அதற்குபகாரமாக விக்கெட் விழுந்தது. எல்லாமே தோனியின் ஆட்டவியூகம்தான்!! அதனால் தப்பிக்கிறார்!! ஒருவேளை தோற்றிருந்தால் நேற்று கேப்டன் பதவியிலிருந்தே அவரைத் தூக்கவேண்டியிருக்கும்!!

மேன் ஆஃப் த மேட்ச் வஹாபுக்குக் கொடுத்திருக்கலாம்… டீம் தோற்றுவிட்டதால் சம்பிரதாயப்படி ஜெயித்த டீமுக்கு கொடுக்கவேண்டியதாகிவிட்டது. இதற்கு முந்திய ஆட்டங்களில் சச்சின் சிறப்பாக ஆடியதற்குத் தரப்படவில்லை. இப்பொழுது தரவேண்டியதாகிவிட்டது!!!

வெல்டன் ப்ரதர்ஸ்… இன்னும் ஒரேயொரு போட்டி…. பாகிஸ்தானைக் காட்டிலும் இலங்கையிடம் இன்னும் நன்கு உழைக்கவேண்டும்!!!

நாளை மீண்டும் இன்னொரு வியூகத்தில் சந்திப்போம்!!

இலங்கையின் மிரட்டல்: பயத்தில் இந்தியா

2011-03-28T10:39:00.000+05:30

சனிக்கிழமை இலங்கை ஆடிய ருத்ரதாண்டவம், இந்தியா பாகிஸ்தான் அணிகளுக்கு மிகப்பெரிய சவாலை எடுத்துரைப்பதாக இருந்தது. தொடரின் ஆரம்பம் முதலே ஓபனிங் மற்றும் மிடில் ஆர்டரில் இலங்கை நல்ல வலுவான நிலையில் இருந்துவருகிறது. அதிலும் இங்கிலாந்துடனான காலிறுதியில் ஒரு விக்கெட் கூட போகாத நிலையைப் பார்க்கும் பொழுது, முன்பு ஒருமுறை நமது அணி நானூறைக் கடந்தும் சேஸிங்கில் இலங்கையும் நானூறைக் கடந்ததே, அதுதான் ஞாபகத்திற்கு வந்தது. தனது நிலையை இலங்கை மிக வலுவாகக் காட்டியிருக்கிறது. ஒருவகையில் இந்தியா பாகிஸ்தான் அணிகளுக்கு மனதளவில் பாதிப்பு ஏற்படுத்தவும் இருக்கலாம்!!

இங்கிலாந்தின் பலவீனம் மிடில் ஆர்டர் பேட்ஸ்மென்கள் சொதப்புவதும், வேகப்பந்து எடுபடாததும்தான். இருப்பினும் ட்ராட்டும் மோர்கனும் மிடில் ஆர்டரை நன்கு பார்த்துக் கொண்டனர். பந்துவீச்சுதான் படுமோசமாகிவிட்டது. ஒருவேளை கொலிங்வுட்டும் ஓய்வுபெற்ற ஃபிளிண்டாப்பும் இருந்திருந்தால் அட்லீஸ்ட் விக்கெட்டையாவது தூக்கியிருக்கலாம்…

இக்கட்டான சூழ்நிலையில் கைகொடுக்கும் கேப்டனும் ஒரு தேவையில்லாத ஷாட்டில் பெல்லும் சீக்கிரமே நடையைக் கட்டிவிட பொறுப்பு, ட்ராட்டுக்கும் பொபாராவுக்கும் இருந்தது. ட்ராட்டும் பொபாராவும் விட்டால் ஆளில்லை. அதனால் கொஞ்சம் ஸ்டாண்ட் செய்ய அடித்து ஆடாமல் விக்கெட்டைக் காப்பாற்றும் முயற்சியில் ஆடினர். இருப்பினும் இலங்கையின் சுழற்பந்தை அவர்களால் சமாளிக்க முடியவில்லை. சீக்கிரமே பொபாரா கழண்டுவிட மோர்கன் நல்ல பொறுப்பான ஆட்டத்தைக் கொடுத்தார். ட்ராட்டின் பேட்டிங்கை கவனித்து வருகிறேன்... வெகு சீக்கிரமாக்வே ஆயிரத்தைநூறு ரன்கள் எடுத்த சாதனையை ஆம்லாவோடு பகிர்ந்து கொண்டுள்ளவர்.... இந்த உலகக் கோப்பையின் 6 அரைசதங்கள் (ஒரு போட்டியில் 47!!) உட்பட அதிக ரன்கள் எடுத்தவர் பட்டியலில் முதலிடம் பிடித்திருக்கிறார். மொத்தம் ஆடிய 7 இன்னிங்க்ஸில் 422 ரன்கள்!! மிகச்சிறப்பான ஃபார்ம்!! நான் முன்பே சொன்னது போல, இங்கிலாந்தின் மிகப்பெரும் விக்கெட் ட்ராட். ஐரிஷ் காரரான மோர்கனும் தென்னாப்பிரிக்ககாரரான ட்ராட்டும் நல்ல பார்ட்னர்ஷிப் கொடுத்ததால் இங்கிலாந்து ஓரளவு ரன்களைச் சேர்க்க முடிந்தது. 96 பாலுக்கு 91 ரன்கள் பார்ட்னர்ஷிப் கொடுத்து இங்கிலாந்தை வலுவாக்கியது

மோர்கனுக்குப் பிறகு ப்ரயர் வருவார் என எதிர்பாக்கையில் வந்தது ஸ்வான்!! வந்தவுடனே ரிவர்ஸ் ஸ்வீப்பில் எல்.பி!! இவ்விடத்தில் எனக்கொரு சந்தேகம் இங்கிலாந்து ஏன் ஸ்வானை இறக்கிவிட்டது?? மெண்டிஸின் கேரம்பாலால் ப்ரயார் போய்ச்சேராமல் இருக்கவா?? முக்கி முக்கி 229 ரன்களை மட்டுமே ஆங்கிலேயர்களால் எடுக்க முடிந்தது. ஏனெனி;ல் அவ்வளவு வலுவான நெருக்கமான பந்துவீச்சு இலங்கையிடம் இருந்தது.

இந்த ஸ்கோர் இலங்கைக்கு சவாலானதல்ல. ஓபனர் டில்ஷானும், சங்ககராவும் சிறப்பான ஃபார்மில் இருப்பதால் எளிதில் இந்த ஸ்கோரை அடித்து விடமுடியும் என்றாலும் இலங்கை மைதானங்களில் இரவு ஒளிவெள்ளத்தில் சற்றே கடினமான சேஸிங் என்று சொல்லலாம். ஆனால் நடந்ததோ வேறு.. சங்ககராவை மைதானத்துள்ளே வரவிடவில்லை டில்ஷானும் தரங்க வும்.. இருவரும் மாறி மாறி அடிக்க, இலங்கையின் அடித்தளம் நல்ல வலுவாகச் சென்றுகொண்டிருந்தது. அதேசமயம் இங்கிலாந்தின் பந்துவீச்சு மட்டமாக இருந்தது.. அவுட் சைட் ஆஃப் ஸ்டம்புக்குத்தான் குறிவைத்தார்கள். எல்லாமே பவுண்டரிகளைக் கடந்து ரன்விகிதம் சீராக உயர்ந்து கொண்டிருந்தது.

இங்கிலாந்துக்கு டில்ஷானும் தரங்காவும் டபுள் ஸ்ட்ரைக்கில் சென்றிருந்தாலொழிய இங்கிலாந்தைக் காப்பாற்றவியலாது! அரையிறுதியின் மற்ற ஆசிய அணிகளுக்கு “கிலி” ஏற்படுத்தும் துவக்கம் இது!! இங்கிலாந்தின் வழக்கம், அடிவாங்கி பிறகு அடிப்பது... ஆனால் இலங்கையிடம் அடி மட்டுமே வாங்கிக் கொண்டிருந்தது சேஸிங்கிலேயே சிறப்பான துவக்கம் எனில் இலங்கையின் பந்துவீச்சு கட்டுப்பாடு பற்றி நினைக்கவே பயமாக இருக்கிறது!!! இந்தியா, பாகீஸ்தான், இலங்கை அணிகளிடையே பயங்கர போராட்டமிருக்கும்!! இருவரும் இன்னும் இரண்டு போட்டிகளில் இப்படியொரு துவக்கத்தைத் தந்தால் மற்ற அணிகள் வெறூம் கனவு மட்டும் கண்டுகொண்டிருக்கலாம்!!!

ஸ்ட்ராஸைப் பார்க்கும் பொழுதெல்லாம் ரொம்ப பாவமாக இருந்தது, பயபுள்ளைக்கு ஒரு விக்கெட்டாவது கிடைத்திருந்தால் சந்தோஷமாக இருந்திருக்கும். 230 ரன்னையும் முதலிரண்டு விக்கெட்டுகளே எடுத்தது மிகப்பெரிய வேதனை!!

நியூஸிலாந்தாவது சமாளிக்குமா அல்லது ஒரு பெரிய அப்செட் கொடுக்க காத்திருக்குமா???

தெரியவில்லை. பார்ப்போம்!!

படங்கள் மற்றும் புள்ளிவிபரங்கள் உதவி : http://www.espncricinfo.com

தென்னாப்பிரிக்கா = துரதிர்ஷ்டம்

2011-03-26T11:10:00.000+05:30

ஆஸ்திரேலியாவுக்கு அடுத்தபடியாக மிக வலிமையான அணி என்று கேட்டால் நிச்சயம் கைகாண்பிப்பது தென்னாப்பிரிக்காவைத்தான். ஆஸ்திரேலியாவுடனான போட்டிகளில் Win/Loss Ratio அதிகமுள்ள அணி தென்னாப்பிரிக்காதான். அந்த ஆஸ்திரேலியாவே போனபிறகு இவர்களுக்கு மட்டும் என்ன வேலை? ஆனால் நான் பெரிதும் எதிர்பார்த்த இரண்டு போட்டிகள் நடக்காமல் போயின. அது இலங்கை – ஆஸ்திரேலியா போட்டியும், தென்னாப்பிரிக்கா ஆஸ்திரேலியா போட்டியும்..

உலகக் கோப்பை போட்டி துவங்கும் முன்னர் நியூஸிலாந்து ஒரு சப்ப டீம். பங்களாதேஷிடமும் இந்தியாவிடமும் பாகிஸ்தானிடமும் மாறி மாறி அடிவாங்கி வெற்றி என்றால் வீசை என்ன விலை என்று கேட்குமளவுக்கு இருந்த அணி அது. ஆனால் எதிர்பாராதவிதமாக பாகிஸ்தானை ஜெயித்தாலும் தடுமாறித்தான் காலிறுதிக்கு வந்தது. புக்கிகள் எல்லாரும் தென்னாப்பிரிக்காவே ஜெயிக்கும் என்று பணத்தைக் கட்டி தோற்றுப் போயிருப்பார்கள். ஏனெனில் லீக் சுற்றுகளின் முடிவில் பலம்வாய்ந்த அணியாக தென்னாப்பிரிக்கா வலம் வந்தது!!

நியூஸிலாந்தின் திடீர் எழுச்சி இப்போட்டிகளின் இறுதிகட்டத்தில் பெருத்த சுவாரசியத்தைக் கொண்டுவந்துவிட்டது. ஆனால் இவர்களின் ஆட்டம் கடுமையான போராட்டத்தினிடையேதான் இருந்தது. குப்டிலும் மெகல்லமும் சீக்கிரமே சென்றாலும் ரைடர், டெய்லர் ஆட்டம் வழக்கத்திற்கு மாறாக நிதானமாக இருந்தது. ரோஸ் டெய்லரின் ஆக்ரோஷம் இல்லாமல் பொறுமையும் பொறுப்பும் இருந்தது. இந்த ஜோடிதான் வெற்றிக்கான முதற்படியை எடுத்து வைத்தது. இருந்தாலும் நியூஸியின் ஓபனிங் மற்றும் மிடில் ஆர்டர்கள் வலுவாகவில்லை. முக்கி முக்கி 221 எடுத்தார்கள். இலக்கு 222!! நெல்சன் எண்!! ஒருவேளை தோற்றுவிடுவார்கள் என்று வேடிக்கையாகச் சொல்லிக் கொண்டிருந்தேன். ஆனால் நிஜமாகும் என்று நினைக்கவில்லை. தென்னாப்பிரிக்கா தரப்பில் மோர்கலும் ஸ்டெயினும் பவுலிங் வீசினார்களேயொழிய மிரட்டவில்லை. மிகவும் எதிர்பார்த்த தாஹீர் மட்டுமே ரன்களை வெகுவாக கட்டுப்படுத்தினார். போத்தாவுக்கு விக்கெட்டேயில்லை.

எப்போதும் பொறுப்பாக ஆடும் ஆம்லாவின் விக்கெட்தான் நியூஸிலாந்தின் அடுத்த வெற்றிப்படி! ஏனெனில் ஆம்லா நின்றுவிட்டால் அவ்வளவுதான். தென்னாப்பிரிக்காவின் மிகப்பெரிய பலம் அதன் ஓபனிங்.. ஆம்லாவைத் தூக்கிவிட்டால் பாதிகிணறைத் தாண்டியவாறு… வெகுசீக்கிரமே வெளியேறிவிட்டாலும் ஸ்மித் காலிஸ் கொஞ்ச நேரம் பயம் காட்டினர். பிறகு காலீஸ், ஓரமின் அருமையான கேட்சில் வெளியேற, டிவிலியர்ஸ் காலிஸ் ஜோடி நியூஸியின் வெற்றிக்குத் தடையாக கொஞ்ச நேரம் வந்தனர். அதுவரைக்கும் நன்றாகத்தான் போய்க்கொண்டிருந்தது. திடீரென ஒரு 10 நிமிடத்திலேயே ஆட்டம் மாறிவிட்டது. அடுத்தடுத்த டபுள் ஸ்ட்ரைக்கால் வில்லியர்ஸ், டுமினி வெளியேறிய பிறகு ஆட்டம் முழுக்க கிவியின் கையில் சிக்கியது!!

தென்னாப்பிரிக்காவில் வலுவான மிடில் ஆர்டர் சாய்ந்தபிறகு லோ எண்ட் ஆர்டர் இல்லாததால் முழுக்க தடுமாறிவிட்டது. முன்பெல்லாம் 9வது வீரர்கள் வரையிலும் ஆடுவார்கள். இப்பொழுது ஏழாவது வீரர் இல்லை என்பதால் பலமாக சறுக்கிவிட்டது.

இதுவரை தென்னாப்பிரிக்கா நாக் அவுட் சுற்றுகளை ஜெயித்ததேயில்லை. போலாக், கிப்ஸ், டொனால்ட், க்ளூஸ்னர் போன்றவர்கள் இருந்தபொழுதே அவர்களால் பைனல்வரை செல்லமுடியவில்லை. மிகமுக்கியமான மேட்சுகளில் சொதப்பலாக ஆடுவதே தென்னாப்ப்ரிக்காவின் வழக்கம்!! இன்று வரையிலும் துரதிர்ஷ்ட அணியாகவே அது கருதப்படுவதற்கு இதுவே காரணம்!!

நியூஸிலாந்தின் ஓரம், கடைசி நேரத்தில் ஆட்டம் காண்பித்த டுப்லெஸிஸை ஒரு ஜம்பிங் கேட்ச் மூலம் வெளியேற்றிய சவுதி, மிகச்சிறப்பான பவுலர் மெக்கல்லம் ஆகியோரால் நியூஸி, அரையிறுதிக்குச் சென்றுவிட்டது!! இது மிகப்பெரிய ஏமாற்றம். அரையிறுதியில் நியூஸிலாந்தை எளிதில் வீழ்த்திவிட எதிரணியினருக்கு வாய்ப்பு அதிகம்!

இன்று நடக்கும் இலங்கை இங்கிலாந்து போட்டியில் இலங்கை ஜெயிக்கவே அதிக வாய்ப்பு இருந்தாலும் இங்கிலாந்தையும் குறைத்து மதிப்பிட முடியாது!! பார்ப்போம்!!

வென்றது இந்தியா : சறுக்கியது சாம்பியன்

2011-03-25T10:42:00.000+05:30

நேற்றிரவு எங்கள் ஏரியா முழுக்க தீபாவளி போல காட்சியளித்தது. ஒரே வாணவேடிக்கை, பட்டாசு சத்தங்கள், ஜெய் ஹோ என்ற கரகோஷங்கள், தேர்தல் நேரத்திலும் கூட்டம் கூடி மகிழ்ச்சியை பகிர்ந்தளித்தது என எல்லாருடைய முகத்திலும் சந்தோஷக் களை… எல்லாவற்றிற்கும் காரணம்?

நடப்பு சாம்பியன் ஆஸ்திரேலியாவை வென்றது இந்தியா!!

மஞ்சள் உடைக்காரர்களைப் பார்த்தாலே மஞ்சள்காமாலை போல பதுங்கும் அணிகளுக்கு இப்பொழுது மென் இன் ப்ளூ வைப் பார்த்தால் ஃபுளூ வரும் என நினைக்கிறேன். நேற்றைய ஆட்டம் இந்தியாவின் மிகச்சிறப்பான ஆட்டங்களுல் ஒன்று.

டாஸில் ஆஸி ஜெயித்தபோதும் எனக்கு நம்பிக்கையில்லை. எப்படியும் இந்தியா வெல்லுவதற்கான வாய்ப்பு உண்டு என்றே நம்பினேன். வாட்சன், ஹடினின் சிறப்பான துவக்கம், மிக முக்கிய நேரங்களில் பொறுப்பான ஆட்டத்தை வெளிப்படுத்தும் பாண்டிங், சிறப்பான கம்பனி கொடுத்த டேவிட் ஹஸி போன்றவர்களால் ஸ்கோர் 260 ஐத் தொட்டாலும் இந்தியாவின் பவுலிங்கால்தான் அவர்களால் 300 வரை எட்டவியலாமல் போனது. நேற்றைய நம் அணியின் ஃபீல்டிங் மிகச்சிறப்பாக என்று சொல்லமுடியாவிட்டாலும் எந்த தவறும் செய்யாமல் பொறுப்பாக செய்தார்கள். ஹர்பஜன், ரெய்னா, யுவ்ராஜ் போன்றவர்கள் பொறுப்புணர்ந்து செயல்பட்டார்கள். இவை ஏன் மற்ற போட்டிகளிலும் காண்பிக்கப்படுவதில்லை?

அஸ்வினின் வாட்சன் விக்கெட்டுதான் பெரியதிருப்பம் என்று சொல்வேன். ஏனெனில் வாட்சனும் ஹடினும் இணைந்து இன்னுமொரு 100 ரன்கள் பார்ட்னர்ஷிப் கொடுத்திருந்தால் நிச்சயம் முன்னூறெல்லாம் தாண்டியிருக்கும்!! இந்த டோர்ன்மெண்டிலேயே மிகச்சிறப்பான ஆல்ரவுண்டராக வலம் வருகிறார் யுவ்ராஜ்.. முக்கிய விக்கெட்டுகளை எடுப்பதோடு ஒவ்வொரு ஆட்டத்திற்கும் குறைந்தது 50 ரன்கள் எடுத்துவிடுகிறார்…. மேன் ஆஃப் த சீரியஸ் மிக அருகில் யுவ்ராஜ்!!! இந்த உலகக் கோப்பையில் 6 இன்னிங்க்ஸ் ஆடியுள்ள யுவராஜ் 1 சதம் நான்கு அரைசதங்கள் அடித்து 341 ரன்களைக் குவித்திருக்கிறார்.. பவுலிங்கிலும் 24 ஆவ்ரேஜுடன் 11 விக்கெட்டுகள்!!

வழக்கம்போல ஜாஹீரின் பவுலிங் மிகப்பிரமாதம்.. ஒரு நல்ல வேகப்பந்து வீச்சாளராக ஸ்ரீநாத்துக்குப் பிறகு அடையாளம் காணப்பட்டிருக்கிறார்… நேற்று சச்சின் பவுலிங் போட்டதுதான் விஷேசமே… அவர் பவுலிங் செய்த ஓவர்களுக்குப் பிறகு ஒரு விக்கெட் விழுந்தது. மொத்தம் இரண்டே ஓவர், இரண்டே விக்கெட்…. சச்சினின் பவுலிங் ராசி என்பது இதுதானோ?

இந்தியாவின் துவக்கம் ஓரளவு பரவாயில்லை… ஆனால் எப்பவும் போல ஒரு மோசமான ஷார்ட் பாலுக்கு அவுட் ஆகித் தொலைந்தார் ஷேவாக். அது தேவையில்லாத ஷாட். சச்சினும் ஷேவாக்கும் நிதானமாக ஆடியது நிம்மதியை அளித்தது என்றாலும் ஷேவாக் இன்னும் நின்றிருக்கலாம். இது மிக முக்கிய மேட்ச் என்பதை ஷேவாக் நினைவில் வைத்திருக்கவில்லை…

சச்சின்!!! என்ன சொல்வது இந்த மனுஷனை?? 18000 ரன்கள் கடந்து சாதனை!!! இன்னும் 14000 ரன்கள் கூட யாரும் எட்டவில்லை என்பது குறிப்பிடத்தக்கது…. ஃபார்ம் போகாத ஒரே மனுஷன் இவர்தான். நேற்று 100 வது சதம் எட்டுவார் என்று மிகவும் எதிர்பார்த்தேன். ஆனால் துரதிர்ஷ்டவசமாக 53 லேயே சென்றது ஏமாற்றம்தான். இருப்பினும் அவரது ஃபேவரைட்களான கவர் ட்ரைவ், மிட் விக்கெட், ஸ்கொயர் லெக் ஷாட்டுகளும் ( ஒரு ஊப்பர் கட்டும் ) தொடர்ந்தன!! பாகிஸ்தான் மேட்சில் அடிங்க சச்சின்!!!

வழக்கம் போல காம்பீரின் ஸ்டைலிஷான ஆட்டம்,கொஞ்ச நேரம் கம்பனி கொடுத்த கோலி, ஃபார்மில்லாத அதிர்ஷ்டகார தோனிக்குப் பிறகு ரெய்னாவும் யுவராஜும் ஆட்டத்தைக் கையிலெடுத்துக் கொண்டனர். யுவ்ராஜ் இப்பொழுது சச்சினுக்கு அடுத்த மிகப்பெரும் நட்சத்திரமாகக் கொண்டாடப்படுகிறார். பதானுக்கு மாற்றாக வந்த ரெய்னாவின் ஆட்டம் குறிப்பிடத்தக்கது. பவர்ப்லே முதல் பாலில் சிக்ஸர் அடித்த ரெய்னா இனிவரும் ஆட்டங்களில் முக்கிய இடத்தை வகிப்பார்….

இப்பொழுது இந்திய அணி ஃபீல்டிங், பவுலிங் மற்றூம் மிடில் ஆர்டர்களில் நல்ல முன்னேற்றம் கண்டுவிட்டது. இன்னும் ஹர்பஜன், முனாப் படேல், தோனி ஆகியோர் முழுத்திறனும் வெளிப்படுத்தினால் இந்தியாவை ஜெயிப்பது மிகவும் கடினம்!! அதிக ரன்குவிப்பில் முதல் நான்கு இடங்களில் மூன்று பேர் இந்தியர்கள்!! (சச்சின் 379, ஷேவாக் 342, யுவ்ராஜ் 341)

ஆஸியின் பவுலிங்கைப் பொறுத்தவரை சுரத்தில்லாமல் போனது கவனித்த அத்தனை பேருக்கும் தெரிந்திருக்கும். யுவராஜும் ரெய்னாவுமே அநாயசமாக அடித்தார்கள். அத்லெடிக் ஃபீல்டர்கள் என்றழைக்கப்படும் ஆஸியின் ஃபீல்டர்கள் நன்கு உழைத்தும் பயனில்லாமல் போனது. யுவ்ராஜின் பந்தில் ப்ரெட்லியின் கண்ணினோரம் அடிபட்டு இரத்தம் ஒழுகிய நிலையிலும் பாண்டேஜ் ஒட்டி ஆடிய அவர்களின் உழைப்பை பாராட்டாமல் இருக்க முடியவில்லை!! வெல்டன் ப்ரட் லீ!!!

பாண்டிங்கின் இறுதி உலகக் கோப்பைப் போட்டியில் அவர் மறக்கவியலாத ஆட்டம் ஆடினார்… அது ஒன்றுதான் ஆஸிக்கு ஆறுதல்!!!

பாகிஸ்தானோடு பார்ப்போம் நண்பர்களே!!

படங்கள் மற்றும் புள்ளிவிபரங்கள் உதவி : http://www.espncricinfo.com

மினி பைனல்: இந்தியா vs ஆஸ்திரேலியா

2011-03-24T10:02:00.000+05:30

மொத்தமிருந்த நான்கு போர்களில் முதலாவது போர் நேற்று முடிவுக்கு வந்துவிட்டது.

முதலாவது சரக்கு முடிவு (குவாட்டர் பைனல்!! )

வெஸ்ட் இண்டீஸ் - பாகிஸ்தான்

இந்தியாவுடனான போட்டியில் விளையாடாமலிருந்த கெய்லும் கேமர் ரோச்சும் இம்முறை பங்கேற்றனர். பழைய ரெக்கார்டுகளைப் புரட்டிப் பார்த்ததில் ஏதோ தப்பித்தவறிதான் பாகிஸ்தான் ஜெயித்திருக்கிறது என்றாலும் குரூப் ஏ பொறுத்தவரையில் இரண்டு பெரிய அணிகளைத் தோற்கடித்த பாகிஸ்தானுக்கு வெஸ்ட் இண்டீஸ் ஒரு சுண்டைக்கா டீம்.

ஆரம்பம் முதலேயே பாகிஸ்தான் தான் ஜெயிக்கும் போல இருந்தது.. அதற்கேற்றவாறு மிக முக்கிய வீரர்களான கெயில், ஸ்மித், ப்ராவோ ஆகிய மூன்று பேரும் சீக்கிரமாகவே நடையைக் கட்டினார்கள்!!! கெயிலாவது பரவாயில்லை இரண்டு ஃபோர் அடித்தார்... பிராவோ அதைவிட.... வந்த மூணாவது பாலில் டக்கு!! பத்து ஓவருக்கு 18 ரன்கள் 3 விக்கெட்..... குவார்டர் பைனல் என்பதை தவறாகப் புரிந்து கொண்டு “குவாட்டர்” அடித்து ஆடினார்களா விண்டீஸ்?? பாகிஸ்தானின் பவுலிங் பிரமாதம்… ஹஃபீஸ் ஓவரில் திணறினார்கள். குறிப்பாக சந்தர்பால்... ஏதோ டெஸ்ட் ஆடுவது போல எல்லா பாலையும் ஸ்ட்ரோக்கிக் கொண்டிருந்தார்... இறங்கிக் கத்தவேண்டும்போலத் தோன்றியது “வெஸ் இண்டியன்ஸ்!!!! இப்ப நீங்க ஆடிட்டி இருக்கிறது வார்ம் அப் மேட்ச் இல்ல.... குவார்டர் பைனல்!!!!”

சந்தர்பால் சர்வான் ஜோடி கொஞ்சநேரம் நிலைத்தாடினாலும் பாகிஸ்தானின் மந்திர சுழலில் காணாமல் போனது இவர்களது பார்ட்னர்ஷிப். வரிசையாக விக்கெட்டுகள் விழுந்து கொண்டேயிருந்தன. வெஸ்ட் இண்டீஸின் இந்த ஆட்டம் படுமோசமான ஆட்டம். காலிறுதியில் விளையாடுகிறோம் என்ற நினைப்பில் விளையாடியதைப் போலத் தெரியவில்லை. நாலாம் தர அணியைப் போல ஆடியது. எந்தளவுக்கு மெதுவாக விளையாடியதோ அதற்கு நேர்மாறாக சீக்கிரமாகவே விக்கெட்டுகள் விழுந்தன. இதெல்லாவற்றையும் சந்தர்பால் ஒரு ஓரமாக நின்று வேடிக்கைப் பார்த்துக் கொண்டிருந்தார்… வேற வழி?

முதல் முப்பந்தைந்து ஓவருக்கு ரசாக் வரவேயில்லை. சயித் அஜ்மலை பாகீஸ்தான் மறைத்து வைத்து வெளிப்படுத்தியிருக்கிறது என்று நினைக்கிறேன். பாகிஸ்தானின் பவுலிங் கொஞ்சம் ஸ்ட்ராங்காக இருப்பது போலத் தோணுகிறது. ஒருவேளை ஆஸியை நாம் வென்றாலும் பாகிஸ்தானை வெல்வதுதான் கடினமாக இருக்குமென்று நினைக்கிறேன்!!!

எப்படியோ விண்டீஸ் 112 க்கு ஆலவுட்!! சந்தர்பால் மட்டும் அவுட் ஆகாமல் நின்றுகொண்டிருந்தார்.. 106 பாலுக்கு வெறும் 46 ரன்களே எடுத்திருந்த அவர் ஸ்லோயஸ்ட் ஃபிஃப்டிக்கு முயற்சி செய்து கொண்டிருந்தார்... வந்தவரெல்லாம் சென்றுவிட்டால் சந்தர்பால் ரன் அடிக்க இடமேது??

அப்ரிடிக்கு 4 விக்கெட்டுகள்!!
மனுஷன் மேன் ஆப் த சீரியஸ் வாங்கிவிடுவார் போலிருக்கே??

பிறகென்ன ஹஃபீஸும் கம்ரான் அக்மலும் சேர்ந்து விக்கெட்டே இல்லாமல் அடித்த ஜெயித்த கதையை நான் எழுதவேண்டுமா என்ன??

இந்த தோல்விக்குப் பிறகு வெஸ்ட் இண்டீஸ் பக்கம் பல மாற்றங்கள் வரலாம்... சிலர் அணியிலிருந்து தூக்கப்படலாம். கேப்டன்கள் மாறலாம்....

வெஸ்ட் இண்டீஸின் தோல்விக்கான காரணத்தை ஆராய்ந்தால் நிச்சயம் அதன் ஸ்திரமில்லாத பேட்டிங் தான் முன்னுக்கு வருகிறது. ஸ்மித் மட்டுமே உறுப்படியாக ஆடிய மனுஷன். ஆனால் முக்கியமான இந்த மேட்சில் ஆடாமல் விட்டது மிகப்பெரிய ஏமாற்றம்... லீக் முழுக்க ஆடாமல் காலிறுதியில் ஆடிய சந்தர்பால், இந்த தொடர் முழுக்க ஏமாற்றிய கெய்ல், இடியடி அடிப்பாரென எதிர்பார்க்கப்பட்ட பொலார்ட், சர்வான் போன்ற எந்த முண்ணனி வீரர்களும் ஆடவில்லை... பிறகெங்கே காலிறுதியிலிருந்து முன்னேற??

ஆனால் வெஸ்ட் இண்டீஸின் பவுலிங் டிபார்ட்மெண்ட் மிக அருமையாக இருந்தது. இந்தியாவுக்கெதிராக இறக்கப்பட்ட ரவிராம்பால் ரொம்பவும் சவாலாக இருப்பாரென எதிர்பார்த்தேன். “நானும் பதினொண்ணிலொண்ணு” என்று சொல்வதைப் போல சுத்தமாக எடுபடாமல் போனார்.. ரோச் மற்றும் பென் ஆகியோர் லீக் போட்டிகளில் அசத்தினார்கள். கேப்டனும் நன்றாகத்தான் வீசினார். கேப்டனைச் சொல்லி குறையொன்றுமில்லை. பேட்ஸ்மென்கள் ஒழுங்காக ஆடாததற்கு அவர் என்ன செய்வார் பாவம்!!!

பாகிஸ்தான், பேட்டிங்கை விடவும் பவுலிங்கில் நல்ல பலமாக இருக்கிறது. தவிர, அவர்களது ஸ்பின்னிங் டிபார்ட்மெண்ட் ரொம்பவும் வலுவாக இருப்பதால் அரையிறுதியில் இந்தியா (அல்லது ஆஸி) திணறக்கூடும்... ஆஸ்திரேலியாவாக இருந்தால் ஸ்பின்னுக்கு ரொம்பவும் திணறுவார்கள். அப்ரிடியின் பவுலிங் சற்று வித்தியாசமாகத் தெரிகிறது. ஹஃபீஸ், அஜ்மல் போன்றவர்கள் நன்கு பவுல் செய்கிறார்கள். குறிப்பாக அஜ்மல் தூஸ்ராவில் எதிரணியை திணறவைக்கிறார்.

சோ, அரையிறுதிக்கு முன்னேறிவிட்டது பாகிஸ்தான்.. இது கடந்தகால கசப்புகளிலிருந்து மனதளவில் அவர்களை மிகவும் தேற்றியிருக்கும். 12 வருடங்களுக்குப் பிறகு அரையிறுதி செல்வதால் கோப்பை பெறுவதற்கான வாய்ப்பு அதிகம் இருப்பதாகக் கருதப்படுகிறது.

இந்தியா ஆஸ்திரேலியா இன்று ஒரு மினி பைனலுக்காகக் காத்திருக்கிறது. பழைய ஹிஸ்டரிகளைப் புரட்டிப் பார்த்து நேரத்தை வீணாக்கவேண்டாம். இன்றைய ஃபார்ம் என்ன என்பதுதான் கணக்கு. இரண்டுமே பெரிய மலைகள். இரண்டிலொன்று இன்றிரவு வெளியேறுவது நிச்சயம். ஆக, போட்டி மிகவும் சுவாரசியமானது….

கவனிக்கப்படவேண்டியவர்கள்:

சச்சின் : நூறாவது சதம், சிறப்பான ஃபார்ம்
யுவ்ராஜ் : தொடர் முழுக்க நல்ல ஆல்ரவுண்டராக வருவது
அஸ்வின் : கேரம் பால் உத்தி

பாண்டிங் : முக்கிய மேட்சுகளில் முக்கிமுக்கி அடிப்பது
ஹஸி : மிகச்சிறந்த மேட்ச் வின்னர்
ஜான்ஸன் : மிரட்டும் வேகம். சேவாக் கவனம்!!

இன்றிரவு இந்திய ரசிகர்கள் கண்ணீர் சிந்துவதைப் பார்க்கலாம்...

அது
ஆனந்தக்கண்ணீரா? இல்லை
அழுவாச்சிக் கண்ணீரா???

என்பதுதான் கேள்வி!!!

படங்கள் மற்றும் புள்ளிவிபரங்கள் உதவி : http://www.espncricinfo.com

அய்யய்யோ!! காலிறுதியில் இந்தியா

2011-03-21T11:04:00.000+05:30

எப்படியும் காலிறுதியில் போய்விடுவோம் என்று தெரியும். ஆனால் அங்கிருந்து அரையிறுதிக்குப் போவோமா என்பதுதான் இப்போது கேள்வியே. ஏனெனில் அடிபட்ட சிங்கம் ஆஸ்திரேலியா கடுமையாகப் போராடும். ஆனால் போராடியே ஜெயிக்கும் நாம் சறுக்கவும் வாய்ப்பிருக்கிறது. இந்தியா ஒருவேளை ஆஸியை ஜெயித்துவிட்டால் பைனல் கன்ஃபர்ம். ஒருவேளை தோற்றுவிட்டால் ஆஸிக்குத்தான் கோப்பை கிடைக்கும் வாய்ப்பு அதிகம்!

வெஸ்ட் இண்டீஸ் மேட்சில் சேவக் மற்றும் சச்சினின் ஆட்டமில்லாத இந்தியரின் ஆட்டம் புன்னகைக்க வைத்தது. அவர்களையே இதுவரை நம்பியிருந்த அணி, இப்பொழுது யுவ்ராஜை நம்பியிருக்கப் போகிறது. யுவ்ராஜின் எழுச்சியும், அதிர்ஷ்டமும் அணிக்கு மிக நல்லது. ஆனால் அவர் அதை இன்னும் மூன்று போட்டிகளில் காண்பிக்கவேண்டும். அதேசமயம், மோசமான பேட்டிங் முறையில் விக்கெட்டைப் பறிகொடுக்கும் கேப்டன் தோனியைப் பார்த்தால் எரிச்சலாக வருகிறது. கேப்டன் ஆனாலே பேட்டிங் திறம் பறிபோய்விடுகிறது போல… குறிப்பாக இந்தியர்களுக்கு. தோனி நேற்று வீணாக இறங்கி வந்து அவுட் ஆனார்… எங்கே சார் போச்சு உங்க ஹெலிகாப்டர் ஷாட்? கோல் திரும்பத் திரும்ப பவுல்ட் ஆவது சரியில்லை. இருப்பினும் பரவாயில்லை ரக ஆட்டம். ரெய்னாவை ரொம்பவும் எதிர்பார்த்தது தவறு!!! பதான்???? அடுத்த மேட்சில் இருப்பாரா என்று தெரியவில்லை. பவுலிங்கும் எடுபடவில்லை.

முதல் ஓவரை மட்டுமல்ல, முழுமையாகவும் பவுலிங் செய்தது அஸ்வின் மட்டுமே.. துல்லியமான பவுலிங்கில் ஜாஹீர் அசத்தி வருகிறார்.இருவரும் சிறப்பாக பந்துவீசினார்கள். ஜாஹீர் பவுலிங்கில் இரண்டாமிடத்தில் இருப்பது மனதளவில் மற்றவர்களுக்கு அச்சமேற்பட வாய்ப்பிருக்கிறது. அஸ்வினை ஒரு பிரம்மாஸ்திரம் போல தோனி மறைத்து வைத்திருந்ததற்கு அவரின் கேரம் பால் பந்துவீச்சு முறைதான் காரணம். இலங்கையில் மெண்டிஸ் போல அஸ்வின் கேரம் பால் எனப்படும் முறையில் வீசுகிறார். ரொம்ப தெளிவாகச் சொல்லவேண்டுமெனில் ஆஃப் ஸ்பின் போல லெக் ஸ்பின் போடுவது. பந்துவீச்சுப் பணி முன்னேற்றம் அடைந்திருக்கிறது என்றெல்லாம் சமாதானம் சொல்லிவிடமுடியாது. ஏதோ பரவாயில்லை எனலாம். 150 ரன் வரை மூன்று விக்கெட்தான் போயிருந்தது. 188 க்கு ஆல் அவுட்…. ஆஸ்திரேலியாவாக இருந்தால் இப்படி பொல பொலவென விழாது என்பதை நினைவில் கொள்ளவும். ஆக, ஆஸ்திரேலியாவை கட்டுப்படுத்துவது மிகவும் சிரமம். பேட்டிங் வரிசையும் பலமானதுதான். ஹர்பஜன் சென்ற போட்டிகளைக் காட்டிலும் ஓரளவு பிரமாதம் எனலாம்… தொடர்ந்து ஆல்ரவுண்டராக வரும் யுவ்ராஜை நிச்சயம் பாராட்டலாம்!!

ஆஸியுடனான டீமில் சேவாக் வந்துவிடுவார் எனில் பதானைத் தூக்க வாய்ப்பிருக்கிறது. முனாப் அல்லது நெஹ்ரா மற்றும் அஸ்வின் தொடர்வார்கள். ரெய்னாவுக்கு வாய்ப்பு தரலாம். பதானுக்குக் கொடுத்தது போதும்.

போனது போகட்டும். இனி என்ன செய்யலாம்.!! ஆஸ்திரேலியா ஏற்கனவே பாகிஸ்தானிடம் தோற்றுவிட்டதாலும் நாக் அவுட் போட்டி என்பதாலும் கடுமையாகப் போராடும். அப்படி போராடும் குணம் ஹஸியின் அதிகம் உண்டு. ஹஸியை அவுட் ஆக்கினாலே போதும் ஆஸ்திரேலியாவின் முன்னேற்றம் தடைபடும்!! ஹஸியை அவுட் ஆக்க ஆஸ்திரேலியாவுக்கு மூன்று விக்கெட் போயிருக்கவேண்டும் என்பதை நினைவில் கொள்ளவும்!! போட்டி இங்கே நடைபெறுவதால் கொஞ்சம் சவுகரியங்கள் ஜாஸ்தி!

ஆஸியின் மிக முக்கிய விட்டெட்டுகள் மைக் ஹஸி, வாட்சன், கிளார்க், ஹடின்… இவர்கள் தவிர, வைட், மற்றும் பாண்டிங்கை எளிதாகத் தூக்கலாம். ஆனால் பாண்டிக்குக்கு இந்தியாவின் பவுலிங் அல்வா சாப்பிடுவது போல, அதனால் கவனம் தேவை. அவர்களது பந்துவீச்சு மிகத்துல்லியமானது என்பதை நம்மாட்கள் தெரிந்து வைத்திருப்பார்கள். ஆஸ்திரேலியா என்றால் சச்சினின் பேட்டிங் அருமையாக இருக்கும். லீ, ஜான்ஸன் மற்றும் டைட் ஆகியோர் குறிப்பிடத்தக்க மனுசன்கள். சுழற்பந்து மிக வீக்கமாக இருப்பதால் அதனை நன்றாகப் பயன்படுத்திக் கொள்ளலாம்!!

டேஞ்சர் மென்!!

சச்சின்
சேவக்
யுவ்ராஜ்
அஸ்வின்
ஜாஹீர்

ஹஸி
வாட்சன்
கிளார்க்
ஜான்ஸன்

எப்படியும் இந்தியா ஜெயிக்கும் என்பது என் கணிப்பு… அரையிறுதியில் பாகிஸ்தானுடன் போட்டி இருக்கும்!! பார்ப்போம்!!

லீக் போட்டிகளின் முடிவில்….

புள்ளிப் பட்டியல் :

Group A

Teams	Mat	Won	Lost	Tied /NR	Pts
Pakistan	6	5	1	0	10
Sri Lanka	6	4	1	1	9
Australia	6	4	1	1	9
New Zealand	6	4	2	0	8
Zimbabwe	6	2	4	0	4
Canada	6	1	5	0	2
Kenya	6	0	6	0	0

Group B

Teams	Mat	Won	Lost	Tied	Pts
South Africa	6	5	1	0	10
India	6	4	1	1	9
England	6	3	2	1	7
West Indies	6	3	3	0	6
Bangladesh	6	3	3	0	6
Ireland	6	2	4	0	4
Netherlands	6	0	6	0	0

புள்ளிவிபரங்கள் (07-03-11 வரை)

அதிக ரன்கள்

சங்ககரா	363
ட்ராட்	336
ஸ்ட்ராஸ்	329
ஷேவாக்	327
டெண்டுல்கர்	326

அதிக விக்கெட்டுகள்

அப்ரிடி	17
ஜாஹீர்கான்	15
பீட்டர்சன்	14
சவுதீ	14
ரோச்	13

சதம்/அரைசதங்கள்

டீவில்லியர்ஸ்	2 / 1
டென் டஸ்காட்	2 / 1
டெண்டுல்கர்	2 / 0
டெய்லர்	1 / 1
ஜெயவர்தனே	1 / 1

படங்கள் மற்றும் புள்ளிபட்டியல் உதவி : Cricinfo இணையதளம்

காலிறுதி :

C	பாகிஸ்தான்	VS	வெஸ்ட் இண்டீஸ்
D	ஸ்ரீலங்கா	VS	இங்கிலாந்து
E	இந்தியா	VS	ஆஸ்திரேலியா
F	நியூஸிலாந்து	VS	தென்னாப்பிரிக்கா

அரையிறுதி (உத்தேசம்)

பாகிஸ்தான் Vs இந்தியா
ஸ்ரீலங்கா Vs தென்னாப்பிரிக்கா

உலகக்கோப்பை–காலிறுதிகளின் பலம்

2011-03-18T12:56:00.000+05:30

கிட்டத்தட்ட காலிறுதிப் போட்டிகள் நெருங்கிவிட்டன. Group A வைப் பொறுத்தவரையிலும் எந்த பிரச்சனையுமில்லை. ஆனால் Group B ல் தான் அதிமுக கூட்டணி போல இழுவை நடந்து கொண்டிருக்கிறது. எந்த அணி வேண்டுமானாலும் வெளியேறலாம் என்பது போல காட்சிகள் நடந்து கொண்டிருக்கின்றன.. எப்படியும் நூலிழையில் இந்தியா அடுத்த கட்டத்திற்குப் போய்விடும் என்பது உறுதி!!

முதலில் இப்போதைய நிலவரப்படி ஒவ்வொரு அணியின் பலம் பலவீனம் குறித்து பார்ப்போம்!!
வெற்றி பெற்ற அணிகளுக்கு ஏற்ப வரிசைபடுத்தியிருக்கிறேன்.

Group A

8. வெஸ்ட் இண்டீஸ்

சுமாரான பவுலர்கள், சுமாரான பேட்ஸ்மென்கள் என ஒரளவு சுமாரான பேலன்ஸ்டு டீமாக இருக்கிறது. இன்னும் கெயில் சர்வான் போன்றவர்கள் ஆடவே ஆரம்பிக்கவில்லை. கெயிலின் மரண அடி இங்கிலாந்து போட்டியின்போது தெரிந்தாலும் நீண்டநேரம் நிலைக்க முடியவில்லை. சிலசமயங்களில் கேப்டன் கை கொடுத்தாலும் மொத்தமாக பேட்டிங்கில் ஏதோ குறைவது போலத் தெரிகிறது. பவுலிங்கைப் பொறுத்தவரையில் கேமர் ரோச் நல்ல ஃபார்மில் இருக்கிறார். பென்னும் நல்ல பவுலிங்கைத் தருகிறார். இதுவரை வெஸ்ட் இண்டீஸ் ஜெயித்த மூன்று போட்டிகளுமே பலம் குன்றிய அணிகளோடுதான். இனிமேல்தான் இந்தியாவை எதிர்கொள்ளப் போகிறது. அதில் ஒருவேளை ஜெயிக்கும் பட்சத்தில் தனது நிலையை இன்னும் ஸ்தரப்படுத்திக் கொள்ள இயலும்!

7. இந்தியா

வேலைக்காகத பவுலர்கள், பெரிய அளவில் சொதப்பும் மிடில் ஆர்டர் பேட்ஸ்மென்கள், ஓடத்தெரியாத ஃபீல்டர்கள், தவறான வியூகம் அமைக்கும் கேப்டன் என இன்றைக்கு அதிகமாக குறையுள்ள ஒரே அணி இந்தியாதான். அதைவிட பேட்டிங் பவர்ப்ளே எடுத்து ரன்னுக்கு பதில் விக்கெட் இழக்கும் ஒரே அணியும் இந்தியாதான்.. இதுவரை ஜாஹீர், சச்சின், சேவக் தவிர வேறு எவரும் ஆடவில்லை என்றே சொல்லலாம். அஸ்வினை ஏதோ பிரம்மாஸ்திரம் போல மறைத்து வைத்திருப்பது இன்னமும் வீண் தான். வெஸ்ட் இண்டீஸ் அணியுடனான போட்டியில் பதானைத் தூக்கிவிட்டு ரெய்னாவையும், சாவ்லாவைத் தூக்கிவிட்டு அஸ்வினையும் இறக்கலாம்… ஆனால் எல்லாரும் கவனிக்காத ஒரு விஷயம் சாவ்லாவை விடவும் ஹர்பஜனின் பந்துவீச்சு சரியில்லாமல் போனதுதான்… கிட்டத்தட்ட இருவருமே 42 ஆவ்ரேஜ்களுக்குள் வருகின்றனர். ஹர்பஜன் 5 மேட்சுக்கு 5 விக்கெட், சாவ்லாவோ, 3 மேட்சுக்கு 4 விக்கெட்… இருவரில் சாவ்லாவே பெஸ்ட் என்று தோணுகிறது! இதுவரை இந்தியா ஜெயித்த மூன்று போட்டிகளும் பலம் குன்றிய அணிகளோடுதான். தென்னாப்பிரிக்காவுடன் தோற்றுவிட்டது, இங்கிலாந்து 339 ஐ டை செய்ததால் தோற்றதாகவே அர்த்தம்!! சோ, இந்தியா கோப்பை பெறுவதற்கான வாய்ப்புகள் குறைந்து கொண்டே வருகின்றன. பவுலிங் துறை கொஞ்சம் எழுந்தால் மட்டுமே கப்பு கிடைக்கும்! இல்லாட்டி வெங்கலக் கிண்ணம் கூட கிடைக்காது.

6. இலங்கை

இலங்கையின் ஆட்டம் கணிக்கமுடியாததாக இருக்கிறது. ஆஸியிடம் ஓரளவு விளையாடினாலும் மழை வந்ததால் ஒன்றும் செய்யமுடியாமல் போய்விட்டது. பாகிஸ்தானுடன் போராடி தோற்றதால் இலங்கை இன்னும் பெரிய அணிகளுடன் மோதி வெற்றி பெறவில்லை என்றாலும் அதன் பேட்டிங் மற்றும் பவுலிங் நம்பிக்கை அளிக்கிறது. தரங்கா, சங்ககரா போன்ற ஃபார்ம் பேட்ஸ்மென்களும் மலிங்கா போன்ற ஃபார்ம் பவுலர்களும் இருப்பது இன்னும் பலத்துடன் இருப்பதைக் காண்பிக்கிறது. அதேசமயம் சுழலில் முரளி இன்னும் ஜொலிக்காதது பின்னடைவாகவே இருக்கிறது! இன்றைய போட்டியில் நியூஸிலாந்தை வெற்றி பெறும் பட்சத்தில் கோப்பை வெல்வதற்கான வாய்ப்புள்ள அணிகளில் தனது இடத்தை ஸ்தரப்படுத்திக் கொள்ளும்!

5. நியூஸிலாந்து

ஆஸியிடம் தோற்றாலும் தனக்கு நிகரான பலம் வாய்ந்த பாகிஸ்தானை ஜெயித்தது!! அதனால் தற்சமயம் தற்காலிகமாக இரண்டாமிடத்தில் இருந்தாலும் இலங்கையுடன் இன்று தோற்றுவிடும் என்பதில் நிறைய நம்பிக்கை வைத்திருக்கிறேன். சப்பை அணிகளுடன் மிகப்பெரிய வெற்றி பெற்றது குறிப்பிடத்தக்கது. அணியில் சுமாரான பேஸ்மென்களே நிறைந்திருக்கிறார்கள். மெக்கலமும் சவுதியும் நல்ல ஃபார்மில் இருந்தாலும் மொத்தமாக அணியில் ஏதோ மிஸ் ஆவது தெரிகிறது.

4. பாகிஸ்தான்

நியூஸிலாந்தைத் தவிர அது தான் ஆடிய மற்ற அனைத்து போட்டிகளும் வெற்றி பெற்றிருக்கிறது. இலங்கையுடன் போராடி ஜெயித்ததே அதன் பலத்தை நிரூபித்தது போலாகும். இருப்பினும் பாகிஸ்தானின் பேட்டிங் ரொம்பவும் பலவீனமாக இருப்பதாக உணருகிறேன். மிஸ்பா தவிர வேறெவரும் ஆடியவாறே ஞாபகமில்லை. சிலசமயங்களில் ஆல்ரவுண்டர் அப்துல் ரசாக் கைகொடுக்கிறார். பவுலிங்கில் ஆரம்பத்தில் அப்ரிடி கலக்கினாலும் பிறகு திறமையைக் காட்டமுடியவில்லை. உமர் குல் பரவாயில்லை… ஆஸ்திரேலியாவுடனான போட்டியின்போது பாகிஸ்தானின் மொத்த பலம், பலவீனம் ஆகிய அனைத்தும் தெரிந்துவிடும்!

3. இங்கிலாந்து

நன்றாக யோசித்துப் பார்த்தால், இங்கிலாந்து Group B யில் மிக நல்ல டீம் தான். பெரிய அணிகளான வெஸ்ட் இண்டீஸ், தென்னாப்பிரிக்காவை ஜெயித்தது. இந்தியாவை 339 க்கும் சேஸிங் செய்து டை செய்தது… அதேசமயம் சின்ன அணிகளான பங்களாதேஷிட்மும் அயர்லாந்திடமும் தோற்றது… சோ, இங்கிலாந்து ஜெயிப்பதெல்லாம் பெரிய அணிகளோடுதான்!!! இந்தியாவைக் காட்டிலும் இப்பொழுது நல்ல அணியாகத் தெரிகிறது. பேட்டிங்கைப் பொறுத்தவரை, ஜோனதன் ட்ராட் மிகச்சிறப்பான வெளிப்பாட்டுடன் பேட்டிங் செய்கிறார். ஆடவந்தால் ஒரு அரைசதம் உறுதி என்பது போல 6 போட்டிகளில் 4 அரைசதங்கள்… ஒரு போட்டியில் கிட்டத்தட்ட அரைசதம்… இவரை அவுட் ஆக்கினால் இங்கிலாந்திடம் ஆளில்லை எனச் சொல்லலாம். கேப்டன் ஸ்ட்ராஸ் இக்கட்டான சூழ்நிலைகளில் ஆடுகிறார். பெல்லும் சுமாரான ஆட்டத்தை வெளிப்படுத்துகிறார். பவுலிங்கில் ஸ்வான் மிரட்டுகிறார். ப்ரஸ்னன், ஆண்டர்ஸன் போன்றவர்கள் சுமார் ரகம் தான்.. எடுபடவில்லை..

2. தென்னாப்பிரிக்கா.

என்னதான் இங்கிலாந்துடன் எதிர்பாராதவிதமாகத் தோற்றாலும் இந்தியாவுடன் வெற்றி பெற்று தன்னை நம்பர் ஒன் டீம் என்று நிலைநிறுத்திக் கொண்டது. ஆம்லா, டீவில்லியர்ஸ், டுமினி, ஆகியோர் சிறப்பான ஃபார்மில் இருப்பதாலும், ஸ்மித், காலிஸ் போன்றவர்கள் கொஞ்சம் கொஞ்சமாக ஃபார்முக்குத் திரும்புவதாலும் நல்ல பேட்டிங் ஆர்டரை கைவசம் வைத்திருக்கிறது. அதேசமயம், மோர்கல், ஸ்டெயின், பீட்டர்ஸன், இம்ரான் தாஹீர் என பவுலிங் படையும் பலமாக இருக்கிறது. இம்ரானுக்கு அடிபட்டுவிட்டதால் இனி வருவாரா வரமாட்டாரா என்பது சந்தேகமாக இருக்கிறது. ஆயினும் இந்தியாவின் அஸ்வின் போல இம்ரான் தாஹீர் மறைக்கப்படுகிறார் என்று பேச்சு எழுகிறது. பங்களாதேஷிடம் ஜெயிக்க வாய்ப்பு இருந்தாலும் ஒருவேளை தோற்றுவிடுமோ எனும் சந்தேகமுமிருக்கிறது… பங்களாதேஷ் அதிர்ச்சி வைத்தியங்கள் தரலாம்..

1. ஆஸ்திரேலியா

முன்பே சொன்னது போல ஆஸ்திரேலியா எந்த பிரச்சனையுமின்றி முதலிடம் பிடித்திருக்கிறது. அடுத்து வரும் பாகிஸ்தான் போட்டியில் தோற்றாலொழிய முதலிடத்தை அது தவறவிடாது. ஆனால் ஆஸி இதுவரை ஆடிய போட்டிகள் எல்லாமே சப்பை டீம் உடன் தான்!! அது வென்ற நான்கு அணிகளில் நியூஸிலாந்து மட்டுமே ஓரளவு சுமார் டீம்!! மீதி கென்யா, ஜிம்பாப்வே, கனடா… இலங்கையுடன் சரிவர ஆடமுடியாமல் போனதால் ஆஸியை இன்னும் கணிக்கமுடியவில்லை. ஏனெனில் இலங்கையின் சுழற்பந்து வீச்சுகளை இவர்கள் எப்படி தடுத்தாடப்போகிறார்கள் என்பதையும், ஆஸியின் சுழற்பந்து எப்படி மற்ற பேட்ஸ்மென்களுக்கு சவாலாக இருக்கப் போகிறது என்பதையும் இன்னும் அவதானிக்க முடியவில்லை. தவிர ஜிம்பாப்வே, மற்றும் கனடா ஆகிய அணிகளை நிறைய “அடிக்க” விட்டு அல்லது கொஞ்சம் சிரமப்பட்டுதான் ஜெயித்தது.. இதை ஏன் சொல்கிறேனெனில் முன்பிருந்த ஆஸியாக இருந்தால் இவர்களெல்லாம் நசுக்கப்பட்டிருப்பார்கள்!!! ஆதலால் ஆஸிக்கு இன்னும் போட்டியே துவங்கவில்லை என்று சொல்லலாம்!!

உத்தேசமாகக் காலிறுதிப் போட்டிகள் இப்படியாக இருக்கும்...

ஆஸி - வெஸ்ட் இண்டீஸ்
இலங்கை - இங்கிலாந்து
நியூஸிலாந்து - இந்தியா
பாகிஸ்தான் - தென்னாப்பிரிக்கா

அரையிறுதி

ஆஸி - இந்தியா
இலங்கை - தென்னாப்பிரிக்கா

அவுட் ஆகாதீங்க டெண்டுல்கர்!!

2011-03-14T09:58:00.000+05:30

நானும் பொடிப்பயலாக இருக்கும் நாளிலிருந்து கிரிக்கெட் பார்த்து வருகிறேன். எப்பொழுதெல்லாம் God of Cricket விக்கெட் விழுகிறதோ அப்பொழுதெல்லாம் தொடர்ந்து பல விக்கெட்டுகளைத் தானமாகக் கொடுக்கும் இந்தியா.. உலகக் கோப்பையைப் பொறுத்தவரை 1999 காலிறுதியில் ஆஸ்திரேலியாவிடம் டெண்டுல்கருக்குப் பிறகு நடையைக் கட்டிய வீரர்களைப் பார்த்த பொழுது சவுட்டால் அடிக்கலாமோ என்றெல்லாம் கோபம் வந்தது!! அப்போ சின்னவயசு!!

ஏன் சார் இப்படியெல்லாம் ஆகுது? டெண்டுல்கர் என்ற தனிமனிதனைத் தவிர தொடர்ந்து ஒழுங்காக ஆடும் ஒரு இந்தியனையாவது சொல்லுங்கள்??? யோவ்… அந்தாளுக்கு 37 வயசுய்யா… ராக்கெட்ல ஏறி உட்கார்ந்தமாதிரி சும்மா போய்ட்டே இருக்காரு!! மத்தவங்கள்லாம் என்னதான் பண்றாங்க?

267 க்கு ஒன்னு… யாராச்சும் அந்த நேரத்தில கக்கூஸ் போய், இந்நேரம் இந்தியா 290 அடிச்சிருக்கும், 300…. 320…. 340 என்று கனவு கண்டு கொண்டிருந்தார்களென்றால் அவர்கள் முகத்தில் கரியைப் பூசியிருப்பார்கள் மிடில் டூ லோயர் ஆர்டர் பேட்ஸ்மென்கள்!! ங்கொய்யால 13 ரன்னுக்கு 7 விக்கெட்!!! தாங்குமாய்யா?

இதில பெரிசா பேசுவாய்ங்களே…. டெண்டுல்கர் சதம் அடிச்சா டீம் தோத்துடும்பா… அட அறிவுகெட்டவிங்களா, டெண்டுல்கர் மட்டும் ஆடினா போதுமா? மத்தவங்களும் ஆடினாத்தானே டீம் ஜெயிக்கும்?? அந்தாளை ஒருபயலும் குறை சொல்லவே முடியாது!!! 37 வயசுல இப்படி ஆடின ஒரு ஆளையாவது காண்பிங்க பார்ப்போம்??

தொலைஞ்சுதுபோ… இனிமே ரசிகர்களெல்லாம் கெஞ்சுவாங்க…. டெண்டுல்கர் சார்… இனிமே அவுட் மட்டும் ஆகிடாதீங்க!! அப்படியே ஆனாலும் டீம் ஸ்கோரை 300 க்கு கொண்டுவந்துடுங்க…. இல்லாட்டினா பயபுள்ளைங்க 50 க்கே ஆல் அவுட் ஆவானுங்க….

தென்னாப்பிரிக்காவுக்கு எதிராக இந்தியா தோற்றதற்கு நெஹ்ரா மட்டுமில்லை, டெண்டுல்கர், சேவக், காம்பிர், ஜாஹிர் தவிர மற்ற அனைவரும் காரணமே!! எப்பொழுதெல்லாம் அணி, ஒன்றாக ஆடுகிறதோ அப்பொழுதெல்லாம் வெற்றி எளிதாகக் கிடைத்துவிடும்!

எனக்கென்னவோ, லீக் போட்டிகளெல்லாமே கொஞ்சம் ட்ரமாட்டிக்கா தெரியுது. இங்கிலாந்துகிட்டல்லாம் தோற்கிற டீமில்லை தென்னாப்பிரிக்கா!!! இந்தியா, தென்னாப்பிரிக்காவிடம் தோற்கும் என்பதை முன்பே கூறியிருந்தேன்… ட்ரமாட்டிக்காக இருப்பது உண்மையானால் ஆஸ்திரேலியாவை பாகிஸ்தான் தோற்கடிக்கும் என்பது என் கணிப்பு!!!

பார்ப்போம்!!

உலகக்கோப்பை 2011: Updates (10-03-11)

2011-03-10T10:42:00.001+05:30

வேலைப்பளு அதிகமாக இருப்பதால் அதிகம் எழுதமுடியவில்லை நண்பர்களே… சென்ற பதிவில் பின்னூட்டியவர்களுக்கு நன்றி.. அண்ட் கவனத்தில் கொள்ளுகிறேன்!!

நியூஸிலாந்து பாகிஸ்தான் போட்டியில் நியூஸிலாந்து ஜெயிக்கும் என்றே அதிகம் எதிர்பார்த்தேன். ஏனெனில் நடக்கும் ஒவ்வொரு போட்டிகளும் ஒரு அணிக்கு மேல் இன்னொரு அணி என்று ஒவ்வொன்றும் தனது திறமையை நிரூபிக்கின்றன. கொஞ்சம் ஃபிக்ஸிங் போலத் தோன்றினாலும் எந்தவொரு போட்டியையும் யாரும் எளிதில் எடைபோட்டுவிட முடியாதல்லவா? சிலசமயம் அதிர்ச்சிகளும் இருக்கத்தான் செய்கின்றன.

நியூஸிலாந்தின் அசுரத்தனமான ஆட்டத்தைப் பார்த்துவிட்டு வாயடைத்துப் போனேன். போட்ட பாலெல்லாம் சிக்ஸருக்கு விரட்டிய ரோஸ் டெய்லர், இந்தியாவுக்கு எதிராக இப்படி ஆடியிருந்தால் எப்படியிருந்திருக்கும் என்று தோணியது!! 47 மற்றும் 49 வது ஓவர்களில் மட்டும் மொத்தம் 58 ரன்கள் குவிக்கப்பட்டிருக்கின்றன!!! பாகிஸ்தான் இறுதிகட்டத்தில் ரொம்பவும் பதட்டத்தோடுதான் பந்துவீசியது. சோயப் அக்தர், எல்லா பாலையும் ஃபுல்டாஸாகவே வீசினார். அப்துல் ரசாக்கின் பந்து விக்கெட்டை எடுக்கும்படியான நேக்கில் போடப்படவேயில்லை.

பாகிஸ்தான் தோற்றதால் ஜிம்பாப்வேக்கு அடுத்து வரும் ஆஸ்திரேலியா போட்டியை ஜெயித்தாலொழிய முதலிடத்திற்கு வரமுடியாது. மாறாக நியூஸிலாந்து இலங்கையை வென்றுவிட்டால் பாகிஸ்தான் குழுவின் இறுதிக்கு வந்துவிடும்!! (குழு B யில் இந்தியா முதலிடம் பெற்றால் இந்தியா பாகிஸ்தான் காலிறுதி நடைபெறும்.)

எனது நண்பரின் கணிப்பு, இந்தியா பாகிஸ்தான் அரையிறுதியில் மோதும் என்பது!!

நேற்றைய போட்டியில் நெஹ்ரா இறங்கினார். தோனி அவருக்கு அதிகம் வாய்ப்பு தரவில்லை என்றாலும் சிறப்பான பவுலிங் நெஹ்ராவிடமிருந்து வந்தது. தற்போது இரண்டு சீமர்ஸும் மகிழ்ச்சியளிக்கிறார்கள்.. இன்னும் ஹர்பஜன் மட்டும் சுழற்றிக் கொண்டுதான் இருக்கிறார்… (இலங்கையில் முரளிதரனும் அப்படித்தான்… )

பவுலிங் ஓரளவு திருப்தியைத் தந்தாலும், பேட்டிங்கில் சொதப்பினார்கள். விரைவில் வெற்றி பெறவேண்டும் என்று விரும்பிய தோனி, அடித்து ஆட சேவக்கையும் சச்சினையும் நிர்பந்தித்தார். விரைவாக அடித்தாடும் நோக்கில் எல்லா பந்தையும் காட்டுத்தனமாக சுற்றி சேவக் அவுட் ஆனார்.. சச்சினும் முடிந்தவரை அடித்துவிட்டு கிளம்பிப் போனார்… ஒரு மாற்றலாக இறங்கிய யூசுப் பதான் ஒரு சிக்ஸர் அடித்ததோடு சரி, பயிற்சிக்காக வந்து பத்து ரன்கள் மட்டுமே எடுத்து கடுப்பேத்தினார்.. 100 ரன்கள் அடிப்பதற்குள் தாவு தீர்ந்துவிட்டது. 15 ஓவர்களில் நூறைக் கடந்த இந்தியா அதற்கடுத்த நூறைக் கடக்க இருபது ஓவர்களுக்கும் மேலானது!!

எப்படியோ யுவ்ராஜ் புண்ணியத்தில் ஜெயித்தாலும், இந்தியா பேட்டிங், பவுலிங் மற்றும் ஃபீல்டிங் ஆகியவ்ற்றில் ஏதோவொரு குறை இருந்து கொண்டே இருக்கிறது!!!

இன்னும் இரண்டு மூன்று நாட்களுக்கு வரமாட்டேன்.. (கிரிக்கெட் பார்ப்பது நிறுத்தமாட்டேனென்பது வேறு விஷயம்..) கொஞ்சம் பொறுத்தருள்க!!!

உலகக்கோப்பை 2011 : Updates (07-03-11)

2011-03-07T11:42:00.000+05:30

உலகக் கோப்பையின் விறுவிறுப்பான ஆட்டங்கள் தொடங்கி வருகின்றன. கணிப்புக்கள் தவறாகவும், எதிர்பாராததாகவும், ஆச்சரியம் அளிக்கும் விதத்திலும் இருந்து வருகின்றன. ஒவ்வொரு முறையும் பலவீனமான அணி பலமாகவோ, அல்லது பலமான அணி பலவீனமாகவோ தெரிகிறது.

Result

இலங்கை 146/3 ,
No Result

இலங்கை ஆஸ்திரேலியா போட்டியை மிகவும் எதிர்பார்த்தேன். இலங்கை முதலாவதாக பேட் செய்ய பணித்திருப்பதால் அன்றைய போட்டியில் ஜெயிக்கும் என்ற எதிர்பார்ப்பு மிகவும் அதிகமாக இருந்தது. ஆனால் காலநிலை போட்டியின் முடிவை மாற்றிவிட்டது. இருப்பினும் பலம் வாய்ந்த ஆஸ்திரேலியாவுக்கெதிரான இலங்கையின் பேட்டிங் துணிச்சலாகவும் பாராட்டக் கூடியதாகவும் இருந்தது. குறிப்பாக சங்ககராவின் ஆட்டம். தொடர் முழுக்க நன்கு ஆடிவரும் சங்ககரா, விட்டிருந்தால் சதம் அடித்திருக்கக் கூடும். இலங்கை – ஆஸ்திரேலியா போட்டிக்கு மட்டும் என்ன துரதிர்ஷ்டமோ தெரியவில்லை, மழையின் குறுக்கீடு நிகழ்ந்து வருகிறது. சென்ற 2007 உலகக் கோப்பை இறுதிப் போட்டியிலும் மழையின் குறுக்கீடு இருந்தது. ஆனால் வழக்கம் போல இலங்கையின் டாப் ஆர்டர் பலமில்லை என்பதை உறுதியாகக் காணமுடிகிறது. தில்ஷான் இன்னும் தனது பங்களிப்பைத் தரவேயில்லை. ஒவ்வொரு முறையும் சங்ககராதான் அணியின் வீழ்ச்சியைக் காப்பாற்றி வருகிறார். எப்படியோ, போட்டியின் முடிவு தெரியாமல் போய்விட்டதால் “சப்பென்று” ஆகிவிட்டது.

இலங்கை ஆஸி போட்டியைப் போலவே மிகவும் ஆவலாக எதிர்பார்த்த போட்டி இங்கிலாந்து தென்னாப்பிரிக்கா இடையிலான போட்டி.

Result

இங்கிலாந்து 171
தென்னாப்பிரிக்கா 165

6 ரன்கள் வித்தியாசத்தில் இங்கிலாந்து வெற்றி

பந்துவீச்சு, ஃபீல்டிங், பேட்டிங் என சகலதுறைகளிலும் வல்லவர்களான தென்னாப்பிரிக்கா, இம்மூன்றிலும் சொதப்பி, கத்துக் குட்டி அணியான அயர்லாந்திடம் தோற்ற இங்கிலாந்தை எதிர்கொண்டது. ஸ்ட்ராஸ் மற்றும் பீட்டர்சன் இருவருமே முதல் ஓவரிலேயே வெளியேறிவிட, இங்கிலாந்து அதிகம் ரன்களை எடுக்காது என்றே நினைத்தேன். ஆனால் சமிபகாலங்களில் நன்றாக ஆடிய ட்ராட்டும், ரவி பொபாராவும் ஓரளவு நல்ல பார்ட்னர்ஷிப் தந்தார்கள். இருப்பினும் வேறு எவருமே ஒழுங்காக ஆடவில்லை. தென்னாப்பிரிக்காவின் இம்ரான் தாஹீர் மீண்டும் ஒரு நான்கு விக்கெட்டுகளைக் கைப்பற்றினார். 171 ரன்கள் என்பது தென்னாப்பிரிக்காவுக்கு அல்வா சாப்பிடுவது போல… எல்லாம் சரியாகத்தான் சென்று கொண்டிருந்தது.

அல்வா சாப்பிடுகையில் தொண்டை விக்கிவிட்டதைப் போல தென்னாப்பிரிக்கா பேட்ஸ்மென்கள் ஆடியதைப் பார்க்கவே முடியவில்லை. ஆம்லாவும் ஸ்மித்தும் நல்ல துவக்கத்தைத் தந்திருந்தாலும் காலிஸ் இன்னும் ஆடாமலேயே இருப்பது தென்னாப்பிரிக்காவுக்கு பாதகமான விஷயமாக இருக்கிறது. ஆவலோடு எதிர்பார்த்த டிவில்லியர்ஸும் 25 ல் நடையைக் கட்டினார். டுமினி மிக மோசமாக ஆடி தோல்விக்குத் தனது பங்கை அள்ளிக் கொடுத்தார். இருப்பினும் கடைசி வரைக்கும் நம்பிக்கை இருந்தது. ஸ்டைனின் ஆட்டம் தென்னாப்பிரிக்க ரசிகர்களுக்கு கொஞ்சம் நம்பிக்கை தந்திருக்கக் கூடும். ஆனால் திடீரென மூன்று விக்கெட்டுகளை தென்னாப்பிரிக்காவே எதிர்பார்த்திருக்காது. ஸ்டைனின் விக்கெட் விழுந்ததும் அது தோல்வியைத் தழுவிக் கொண்டது.

இங்கிலாந்து, தென்னாப்பிரிக்காவை வீழ்த்தியிருக்கிறது என்பதைத்தான் இன்னும் நம்பவேமுடியவில்லை. தொடரிலேயே ஷாக் கொடுக்கும் ஒரே அணி இங்கிலாந்தாகத்தான் இருக்கும். இந்தியாவோடு 339 ரன்னை சமப்படுத்தியது, அயர்லாந்தோடு தோற்றது, பின் எப்படி எழுச்சி பெற்றதோ தெரியவில்லை, தென்னாப்பிரிக்காவைத் தோற்கடித்திருக்கிறது. மிக மோசமான அணி என்று இங்கிலாந்து ஊடகங்களால் வர்ணிக்கப்பட்ட இங்கிலாந்து அணி, திடீரென எழுச்சி பெற்றது எப்படி? இந்த போட்டிகளில் இன்னும் தோற்காத அணிகள் ஒருவேளை தோற்கடிக்கப் படுமோ?

Result

அயர்லாந்து 207
இந்தியா 210/5

5 விக்கெட் வித்தியாசத்தில் இந்தியா வெற்றி.

இந்தியர்களைப் பொறுத்தவரையில் 300 ரன்களையும் சிரமப்பட்டுத்தான் ஆடுவார்கள், 200 ரன் சேஸிங்கையும் சிரமப்பட்டுத்தான் ஆடுவார்கள். நேற்று அப்படித்தான் நிகழ்ந்தது. அயர்லாந்தை 207 ரன்னில் சுருட்டி, பவுலிங் திறமையை சுமாராக நிரூபித்தாலும் ஜெயிப்பதற்கு மிகவும் சிரமப்படவேண்டியிருந்தது.

ஜாஹீரின் முதல் ஓவரிலேயே இந்தியர்களின் ஃபீல்டிங் திறமை தெரிந்து போனது. ஒரு எளிய கேட்சை விட்டார் பதான். ஆனால் ஜாஹீரின் இன்சுவிங் ஒன்றினால் striling அவுட் ஆக அதற்கடுத்த இரண்டாவது ஓவரில் இன்ஸைட் எட்ஜ் ஆகி ஜாய்ஸும் போய்விட அதற்காகவே ஜாஹீரின் பவுலிங்கைப் பார்த்துக் கொண்டேயிருக்கலாமோ என்று தோணியது. ஆனால் அயர்லாந்து கேப்டன், அரைசதமாவது அடிக்காமல் போகமாட்டேன் என்று அடம்பிடித்தார். கூடவே நீல் ஓ ப்ரயனும் சேர்ந்து கொள்ள, 3 வது விக்கெட்டுக்கு நூறு ரன்களைச் சேர்த்து ஸ்கோரை உயர்த்தினார்கள். நானும் 250 க்கும் மேல் அடிப்பார்கள் என்று நம்பியிருந்த சூழ்நிலையில் யுவ்ராஜின் மாயாஜால சுழற்சி கைகொடுத்தது. அவரின் விக்கெட்டுகளிலேயே கெவின் விக்கெட்டுதான், சிறப்பு. பெரிய விக்கெட்டும் கூட.. ஹர்பஜன், சாவ்லா ஆகியோருக்கு ஒரு பழமும் விழுகவேயில்லை. 5 விக்கெட்டும் 50 ரன்னும் எடுத்து மேன் ஆஃப் த மேட்ச் வாங்கிய யுவ்ராஜுக்கு அது ஒரு உலகக்கோப்பை சாதனையும் ஆகும்.

எதிர்த்தாடிய இந்தியாவோ மோசமான முறையில்தான் விக்கெட்டை பறிகொடுத்தார்கள் என்று சொல்லவேண்டும். ஷேவாக்கின் மெதுவான ஆட்டம் எட்ஜ் ஆகி ஜான்ஸன் கையில் விழுந்தது. அரைசதம் அடிப்பார் என்று (சதம் அடிப்பார் என்றும்) நம்பியிருந்த சச்சின் தேவையில்லாத ஸ்வீப் ஷாட்டில் வெளியேறினார். மொத்தத்தில் உறுப்படியாக ஆடியது சச்சினும் யுவ்ராஜும் தான். யுவ்ராஜினால் கோலி ரன் அவுட் ஆனது மிக மோசமான அண்டர்ஸ்டாண்டிங்.

யூசுப் பதான் இறங்குகையில் ரசிகர்களின் ஆராவாரம் மிகுதியானது. அதற்கேற்ப அவரும் விருந்து படைக்க தவறவில்லை. முதல் ஓவரிலேயே சிக்ஸர்களும் பவுண்டரிகளும் விளாசினாலும், யுவ்ராஜின் அரைசதத்திற்காக காத்திருந்து மெல்ல ஆடினார். 46 வது ஓவரில்தான் இந்தியாவால் வெற்றியை ருசிக்க முடிந்தது. அயர்லாந்தின் பவுலிங் குறிப்பிடத்தக்கதொன்று. ட்ரண்ட் ஜான்ஸன், டாக்ரெல், ரான்கிங் ஆகியோரின் பந்துவீச்சு சிறப்பாக இருந்தது. ஷேவாக்கின் விக்கெட்டை வீழ்த்திய ஜான்ஸனின் சிக்கன் டேன்ஸ் ரசிக்கும்படி இருந்தது!

இன்னும் இந்திய அணி பற்றிய என் கருத்தை மாற்றிக் கொள்ளமாட்டேன். மோசமான ஃபீல்டிங், பவுலிங் ஆகிய்வற்றிலிருந்து மீளவேண்டும். அடுத்து வரும் நெதர்லாந்து போட்டியில் எப்படியும் ஜெயிப்பார்கள் (இல்லாவிட்டால் கல்லடி விழும்) என்றாலும் தென்னாப்பிரிக்காவுடனான போட்டியில்தான் முழுபலமும் தெரியவரும்… நான் நினைக்கிறேன், தென்னாப்பிரிக்காவுடன் இந்தியா தோற்றுவிடும் என்று. பார்ப்போம்.

அப்ப்றம் ஒரு விஷயம்…. சென்றமுறை இங்கிலாந்து போட்டியின் போது 2.5 மீட்டர் LBW வில் தோனி தனது கோபத்தை ஐசிசிக்குத் தெரிவித்ததாலோ என்னவோ, இப்போது அந்த விதியில் மாற்றம் ஏற்பட்டிருக்கிறது. அயர்லாந்து வீரர் அலெக் குசக்கின் விக்கெட் மாற்றம் செய்யப்பட்ட விதியின் மூலம் வீழ்ந்தது.

தற்போதய நிலவரப்படி புள்ளிபட்டியல்

புள்ளிப் பட்டியல் :

Group A

Teams	Mat	Won	Lost	Tied /NR	Pts
Pakistan	3	3	0	0	6
Sri Lanka	4	2	1	1	5
Australia	3	2	0	1	5
New Zealand	3	2	1	0	4
Zimbabwe	3	1	1	0	2
Canada	3	0	3	0	0
Kenya	3	0	3	0	0

Group B

Teams	Mat	Won	Lost	Tied	Pts
India	3	2	0	1	5
England	4	2	1	1	5
West Indies	3	2	1	0	4
South Africa	3	2	1	0	4
Ireland	3	1	2	0	2
Bangladesh	3	1	2	0	2
Netherlands	3	0	3	0	0

புள்ளிவிபரங்கள் (07-03-11 வரை)

அதிக ரன்கள்

ஸ்ட்ராஸ்	280
டீ வில்லியர்ஸ்	266
சங்ககரா	241
ட்ராட்	222
ஷேவாக்	215

அதிக விக்கெட்டுகள்

அப்ரிடி	14
இம்ரான் தாஹீர்	11
ரோச்	10
ஜான்ஸன்	8
பென்	8

சதமடித்தவர்கள் (முதல் ஐந்து பேர்)

ஸ்ட்ராஸ்	158
டீவில்லியர்ஸ்	107, 134
ஷேவாக்	175
ஆம்லா	113
கெவின் ஓ ப்ரயன்	113

படங்கள் மற்றும் புள்ளிபட்டியல் உதவி : Cricinfo இணையதளம்

சச்சின், ஜூஜூ, 1 கிலோ தங்கம்

2011-03-05T11:34:00.000+05:30

சென்ற இரண்டு வாரங்கள் முழுக்க எந்த சேனலும் அனுமதிக்கப் படவேயில்லை. ESPN, Star Cricket, Star Sports என மூன்று சேனல்களையும் மாற்றி மாற்றி போட்டு சீரியல் பைத்தியங்களின் கோபத்திற்கு எல்லாரும் உள்ளாகியிருப்பார்கள். ஏப்ரல் வரைக்கும் இதே கதிதான். அதற்குப் பின்னர் அரசியல், தேர்தல் பரபரப்பு, வாக்கு, ஆட்சி என்று ஜூன் வரைக்கும் சேனல்கள் பிஸி.

இன்று மதியத்திற்கு மேல் எந்த வீட்டிலும் மருந்துக்குக் கூட சன் டிவியோ, கே டிவியோ ஓடாது என்று நினைக்கிறேன். உலகக் கோப்பையின் மிக முக்கியமான, எல்லாரும் எதிர்பார்க்கும் மேட்ச், இலங்கை – ஆஸ்திரேலியா மேட்ச். ப்ரடிக்‌ஷன்கள் ஒத்துவராது என்பதால் அட்லீஸ்ட் முதல் இன்னிங்ஸ் வரைக்குமாவது பொறுத்திருப்போம்.

கிரிக்கெட்டுக்கு இடையே, Best of luck Sachin எனும் விளம்பரம் போடப்படுகிறது. குழந்தைகள் எல்லாரும் சச்சினை தயார் செய்து கிரவுண்டுக்கு அனுப்புவது போல இருக்கும் அந்த விளம்பரத்தில் சிறுமி ஒருத்தி வந்து “ பெஸ்ட் ஆப் லக் சச்சின்” என்று சொல்வது செம க்யூட். அநேகமாக எல்லாரும் பார்த்திருப்பீர்கள். பார்க்காதவர்களுக்கு வீடியோ இணைத்துள்ளேன். பாருங்கள்.

சென்ற ஐபில் களில் கோலோச்சிய வோடபோன் ஜூஜூ முட்டை பொம்மை விளம்பரங்கள் மீண்டும்…. இந்த கிரிக்கெட் உலகக் கோப்பையின் போது கமிங் சூன், கமிங் சூன் என்று இரண்டு விளம்பரங்கள் மனதைக் கவராத வண்ணத்தில் வந்து கொண்டிருந்த பொழுது, படாரென ஒரு மாற்றம். Vodafone 3G என்று ஒரு விளம்பரம் வந்திருக்கிறது. ஒரு ஜூஜூ தெருவின் ஓரத்திலிருக்கும் பெட்டிக்குள் சென்று ஜூப்பர் மேன் மாதிரி மாறி வெளியே வருகிறது. பழைய ஜேம்ஸ்பாண்ட் பேக்ரவுண்ட் ஸ்கோர் இசைக்க, ஜூப்பர் மேனாக பறக்கிறது. சாய்ந்துவிழும் கட்டிடத்திலிருந்து ஒரு பெண்ணைக் காப்பாற்றுகிறது. புரியாத புதிர்களைத் தீர்த்துவைக்கிறது. துப்பாக்கியின் தோட்டாவை விடவும் வேகமாக ஓடுகிறது, பாதாளத்தில் விழுந்துவிடாமல் ரயிலை காக்கிறது.. அவ்வளவு ஏன், பூமியின் வேகத்தையே அதிகப்படுத்திவிடுகிறது!!! 3G க்கு இதைவிட மிக அருமையாக விளம்பரம் எடுக்க முடியாது! மிஸ் பண்ணிடாதீங்க… பாருங்க…

சன் டிவியில் தங்கமழை என்று ஒரு கேம் ஷோ ஓடுகிறது. அதில் குடும்பத்திலிருக்கும் நான்கு பேர் கலந்து கொள்ள, 16 கேள்விகள் கேட்கப்படுகிறது. எல்லா கேள்விகளுக்கும் சரியான விடை சொல்பவர்களுக்கு ஒரு கிலோ தங்கம் பரிசாக வழங்கப்படுகிறதாம்…. யாருகிட்ட கதை விடுறீங்க??

கேள்விகள் எல்லாம் மிகவும் கடினமாக இருக்கிறது. உதாரணத்திற்கு, அமெரிக்க அதிபர் ஒபாமாவின் பெயர் என்ன?, ரஜினி, இயந்திரமாக நடித்த படத்தின் பெயர் எந்திரன் என்பது சரியா தவறா? போன்ற மிகக் கடினமான கேள்விகள்.. ஒவ்வொரு ரவுண்டுக்கும் கிராம் கணக்கில் பரிசு ஏறிக் கொண்டே இருக்கிறது. அதிலும் கேள்வி கேட்கும் அந்த பெண் ஏதோ சரக்கடித்துவிட்டு வந்து பேசுவதைப் போல அழுத்தி நிறுத்தி நிதானமாகப் பேசுகிறாள்….

அட அறிவுகெட்ட சண்டிவி காரனுங்களா, அவனவன் நல்லா படிச்சுட்டு பொது அறிவுல புலியா இருந்தும் ஒண்ணும் பண்ணமுடியாம இருக்கானுங்க, இவுங்க முட்டாள்தனமான கேள்வியைக் கேட்டுட்டு 1 கிலோ தங்கம் தராங்களாம்… நம்பறமாதிரியா இருக்கு??? நல்லா படிக்கிற மாணவர்கள்கிட்ட சிக்கலான கேள்வியைக் கேட்டு பணம் கொடுத்தா அது எப்படியிருக்கும்???

இன்னிக்கு 22 காரட் தங்கம் 1 கிராம் 2000 ரூபாய் என்று வைத்துக் கொள்ளுங்கள், 1 கிலோவுக்கு ஆயிரம் கிராம். சோ, 1000 X 2000 = 2 கோடி ரூபாய் ஆகிறது!!! சன் டிவி அள்ளிக் கொடுக்கும்னு நினைக்கிறீங்களா??? மானமுள்ள எவனும் நிகழ்ச்சியில பங்கெடுத்துக்கவே மாட்டான்….

உலகக் கோப்பை 2011 : Updates (04-03-11)

2011-03-04T17:44:00.000+05:30

Result

தென்னாப்பிரிக்கா 351/5
நெதர்லாந்து 120

231 ரன்கள் வித்தியாசத்தில் தென்னாப்பிரிக்கா வெற்றி

ஒரு பயிற்சி ஆட்டம் போல இருந்தது தென்னாப்பிரிக்காவுக்கு. ஏற்கனவே வெஸ்ட் இண்டீஸுடனான மேட்சில் ஒழுங்காக ஆடாத ஆம்லா, தனது ஃபார்மை நிலைநிறுத்திக் கொள்ளவேண்டிய சந்தர்ப்பம் நெதர்லாந்து மேட்சில் தெரிந்தது. இந்த தாடிக்கார பயபுள்ள நின்றால் ஒரு சதம் அல்லாவிட்டால் அரைசதமாவது அடித்துவிட்டுப் போவது மற்ற அணியினரை ரொம்பவே பயப்படச் செய்கிறது. இவர் போகிற வேகத்தைப் பார்த்தால், சச்சினாவது ரிச்சர்ட்ஸாவது…. எப்படியோ ஆம்லா, முதல் உலகக் கோப்பை சதத்தை அடித்து தன்னுடைய இடத்தை நிலைநிறுத்தியிருக்க, மறுபக்கம் டீ வில்லியர்ஸின் ருத்ரதாண்டவம் மிரட்டும் வகையிலிருந்த்து. இருவரும் மாறி மாறி சதமடிக்க, நான் நினைத்துக் கொண்டேயிருந்தேன்.. எதற்கு இவ்வளவு பில்டப்?? டீ வில்லியர்ஸின் ரன் எண்ணிக்கையைக் கூட மொத்த அணியே எட்டமுடியாமல் 120 க்கே ஆல் அவுட்.. ஆளில்லாத கடையில் யாருக்காக டீ ஆத்தறாங்க? டீவில்லியர்ஸ் ஆடிய இரண்டு போட்டிகளிலும் சதம்!!! ங்கொய்யால!!

நெதர்லாந்தின் ஒரே ஒரு நம்பிக்கை டசாட்டே தான். அதுவும் முதல் ஆட்ட சதத்தில் சவாலான அணியாக இருக்குமென்று பார்த்தால், அடுத்தடுத்து புஷ் ஆகிவிட்டது. 200 ரன்கள் வித்தியாசத்தில் தோல்வியைத் தழுவுகிறார்கள். இப்பொழுதுள்ள புள்ளிவிபரத்தின் படி கென்யாவைக் காட்டிலும் மிக மோசமான அணி நெதர்லாந்து.

இதை விடுவோம். அடுத்து பாகிஸ்தான் கனடா மேட்சைப் பார்ப்போம்.

Result

பாகிஸ்தான் 184
கனடா 138

46 ரன்கள் வித்தியாசத்தில் பாகிஸ்தான் வெற்றி

சின்ன அணியுடனான மேட்ச் என்றாலும் விறுவிறுப்பாகவும், பெருத்த ஏமாற்றத்துடனும் இருந்தது. இது பாகிஸ்தான் கனடா மேட்ச் மாதிரியே தெரியவில்லை. கனடா வீரர்கள் பெரும்பாலும் இந்தியர்களாகவே இருந்தனர். கனடா ஒருவேளை ஜெயித்திருந்தால் இந்தியர்கள் கொண்டாடியிருப்பார்கள். ஆனால் ஜெயிக்கும் சூழ்நிலையை கனடா தவறவிட்டது. பாகிஸ்தானில் உமர் அக்மலைத் (42) தவிர மற்ற அனைவரும் 20 ஐத் தாண்டுவதில் சிரமப்பட்டார்கள். மொத்த அணியே 184 ரன்களுக்குள் கனடா வீரர்கள் சுருட்டினார்கள். அது பாராட்டத்தக்கதொன்று. ஏனெனில் இதே மைதானத்தில்தான் பாகிஸ்தான் இலங்கையுடன் 277 ரன்கள் எடுத்திருந்தது.

பாகிஸ்தானின் ஓபனர்கள் இன்னும் நிலையாக ஆடமாட்டேன்கிறார்கள். சின்ன அணிகளோடும் லீக் போட்டிகளிலும் தப்பித்துவிடலாம், அடுத்து வரும் நாக் அவுட் போட்டிகளுக்கு ஓபனர்கள் மிகவும் முக்கியம், ஆனால் அதேசமயம் மிடில் ஆர்டர் பலமாக இருக்கிறது. மிஸ்பா, உமர்குல், யூனிஸ்கான், அப்ரிடி வரை நல்ல ஃபார்மில் இருக்கிறார்கள். மாறாக கனடா பற்றி ஒன்றும் சொல்வதற்கில்லை. 100 ரன்களுக்கு 3 விக்கெட் என்று இருந்த கனடா ஜெயித்திருக்க அதிக வாய்ப்பு இருந்தது. ஹன்ஸ்ரா, சர்காரி, பாகாய் போன்று சிலர் இருந்திருந்தால் இன்னும் கொஞ்சம் அதிகம் ரன் எடுத்திருக்கலாம். ஓபனர்களும் அதிக மேட்சுகளில் விளையாடியவர்கள் கிடையாது. அப்ரிடி பவுலிங் போட வந்தபொழுதே கனடா நொறுங்கிப் போனது. வெறும் 23 ரன்களைக் கொடுத்து 5 விக்கெட்டுகளைப் பறித்தார். அவரைப் பற்றிய ஒருசில சாதனைத் துளிகள்.

உலகக் கோப்பையில் 5 மற்றும் நான்கு விக்கெட்டுகளை மூன்று முறை எடுக்கும் முதல் பவுலர் அப்ரிடி.
14 விக்கெட்டுகளுடன் இந்த உலகக் கோப்பையில் அதிக விக்கெட் எடுத்தவர் பட்டியலில் முதலிடத்தில் உள்ளார் இன்னும் 5 விக்கெட்டுகள் எடுக்கும் பட்சத்தில் ஒரே உலகக் கோப்பையில் அதிக விக்கெட் எடுத்தவரான வாசிம் அக்ரமின் (18) சாதனையை முறியடிக்கலாம்
அடுத்தடுத்து மூன்று போட்டிகளில் குறைந்தது 4 விக்கெட் எடுப்பது இதுவரை ஒன்பது முறை நிகழ்ந்திருக்கிறது. அதில் வக்கார் யூனிஸ் மூன்று முறை நிகழ்த்தியிருக்கிறார்.

கிடைத்த ஒரே வாய்ப்பை நழுவிய கனடா அடுத்தடுத்த போட்டிகளில் வெற்றிபெற்று ஆறுதலாக ஊருக்குப் போய்ச் சேரட்டும். இன்று (04-03-11) நிகழ்ந்த “குட்டி” மேட்ச்கள் பற்றி பார்ப்போம்.

Result

ஜிம்பாப்வே 162
நியூஸிலாந்து 166/0

பத்துவிக்கெட் வித்தியாசத்தில் நியூஸிலாந்து வெற்றி

காலையில் மேட்ச் இருக்குமென்றே தெரியவில்லை. டிவியைப் ஒளித்துப் பார்த்தால் யாரும் ஆடிக் கொண்டிருக்கவில்லை. பிறகுதான் தெரிந்தது ஜிம்பாப்வே நியூஸிலாந்து மேட்ச் சீக்கிரமாகவே முடிந்துவிட்டது என்று. ஓரளவு சுமாரான அணியிடம் மண்ணைக் கவ்வும் நியூஸிலாந்து மட்டமான அணியைப் போட்டுத் தாக்குகிறது. இது அதன் முதல் மேட்சிலிருந்து பார்க்கலாம். ஆஸியிடம் வாங்கிய அடியை ஜிம்பாப்வேயிடம் திருப்பிக் கொடுத்திருக்கிறது. ஜிம்பாப்வேயோ, ஆஸியைக் கட்டுப்படுத்திய effort நியூஸிலாந்திடம் காண்பிக்காமல் விட்டுக் கொடுத்திருக்கிறது. எப்படியும் நியூஸிலாந்து ஜெயித்துவிடுவார்கள்தான், என்றாலும் 10 விக்கெட் வித்தியாசத்தில் ஜெயித்ததெல்லாம் கொஞ்சம் ஓவர்தான்…. தவிர நியூஸிலாந்து இரண்டுமுறை 10 விக்கெட் வித்தியாசத்தில் பெரிய வெற்றி பெற்றிருக்கிறது. இந்த திறமையை பாகிஸ்தானுடனோ, இலங்கையுடனோ காட்டுவார்களா?

Result

பங்களாதேஷ் - 58
வெஸ்ட் இண்டீஸ் – 59 /1 (12.2 ஓவர்கள்.)

9 விக்கெட் வித்தியாசத்தில் வெஸ்ட் இண்டீஸ் வெற்றி

மொத்தமே 30 ஓவர்கள்தான் வீசப்பட்டன. 117 ரன்கள் தான் இரு அணியினராலும் எடுக்கப்பட்டன. இப்படியொரு மகா கேவலமான தோல்வியை தனது மண்ணில், தனது ரசிகர்களுக்குக் கொடுத்திருக்கக் கூடாது பங்களாதேஷ். மேட்ச் நடப்பதற்கு முன்னர் நான் பங்களாதேஷ்தான் வெற்றி பெறும் என்ற நம்பிக்கையுடன் இருந்தேன். காலிறுதிக்கு பங்களாதேஷ் வந்தால் அந்த அணி சற்று உற்சாகத்துடன் இருக்குமென்று நம்பியிருந்தேன். சொல்லப் போனால் இரண்டுபேருக்குமே இது மிக முக்கிய மேட்ச். இந்தியாவிடம் பங்களாதேஷும், தென்னாப்பிரிக்காவுடன் வெஸ்ட் இண்டீஸும் தோற்றதால் நான்காமிடத்திற்கு இவ்விரு அணிகளிடையே ஒரு போட்டி இருந்தது. ஆனால் வெஸ்ட் இண்டீஸிடம் அவ்விடத்தைப் பறிகொடுத்திருக்கிறது.

பழைய பங்களாதேஷைப் பார்ப்பது போல இருந்தது. மிகமோசமான ஆட்டம், தொடர்ந்து ஓவருக்கு ஓவர் விக்கெட்டுகள் என படுகேவலமான பேட்டிங், கிரவுண்ட் முழுக்க அமைதி மட்டும்தான் இருந்தது. கேப்டன் ஷாகிப், மக்களின் கோபத்தைப் புரிந்து கொண்டு வரும் போட்டிகளில் இரண்டில் வெற்றி பெறுவோம் என்று தோல்வியை ஏற்றுக் கொண்டிருக்கிறார்.. கடந்த இரண்டு வருடங்களில் பங்களாதேஷுக்கு இது மிகப்பெரிய தோல்வி!

இன்னும் மூன்று மேட்சுகள் பங்களாதேஷுக்குக் காத்திருக்கின்றன. அவற்றில் நெதர்லந்து மேட்ச் தவிர, மீதி இரண்டும் பெரிய மேட்சுகள். ஒன்று இங்கிலாந்துடனும் (இன்னுமா நம்பறேன்?) இன்னொன்று தென்னாப்பிரிக்காவுடனும். அதேபோல் நிலைமைதான் வெஸ்ட் இண்டீஸுக்கும். வெஸ்ட் இண்டீஸும் பங்களாதேஷும் ஒருவேளை ஒரே புள்ளியில் இருந்தாலும் ரன் ரேட்டில் வெஸ்ட் இண்டீஸ் முன்னேறிவிடும். இப்போதைக்கு இவ்விரு அணிகளுக்குள்ளும்தான் போட்டியே… இங்கிலாந்து யாரிடம் தோற்கிறதோ அவர்கள் நான்காமிடத்தை இன்னும் கெட்டியாகப் பிடித்துக் கொள்வதோடு, இங்கிலாந்தும் நான்காமிடப் போட்டிக்கு வந்துவிடும்!! பொறுத்திருந்து பார்ப்போம்.

தற்போதய நிலவரப்படி புள்ளிபட்டியல்

புள்ளிப் பட்டியல் :

Group A

Teams	Mat	Won	Lost	Tied	Pts
Pakistan	3	3	0	0	6
Sri Lanka	3	2	1	0	4
Australia	2	2	0	0	4
New Zealand	3	2	1	0	4
Zimbabwe	3	2	1	0	2
Canada	3	0	3	0	0
Kenya	3	0	3	0	0

Group B

Teams	Mat	Won	Lost	Tied	Pts
South Africa	2	2	0	0	4
West Indies	3	2	1	0	4
India	2	1	0	1	3
England	3	1	1	1	3
Ireland	2	1	1	0	2
Bangladesh	3	1	2	0	2
Netherlands	3	0	3	0	0

புள்ளிவிபரங்கள் (04-03-11 வரை)

அதிக ரன்கள்

ஸ்ட்ராஸ்	280
டீ வில்லியர்ஸ்	241
ஷேவாக்	210
மிஸ்பா உல் ஹக்	185
பெல்	184

அதிக விக்கெட்டுகள்

அப்ரிடி	14
ரோச்	10
ஜான்ஸன்	8
பென்	8
இம்ரான் தாஹீர்	7

சதமடித்தவர்கள் (முதல் ஐந்து பேர்)

ஸ்ட்ராஸ்	158
டீவில்லியர்ஸ்	107, 134
ஷேவாக்	175
ஆம்லா	113
கெவின் ஓ ப்ரயன்	113

பெரிய ஸ்கோர்	இந்தியா – (பங்களாதேஷ்)	370 ரன்கள்
பெரிய வெற்றி	தென்னாப்பிரிக்கா –(நெதர்லாந்து)	231 ரன்கள் வித்தியாசம்
	நியூஸிலாந்து – (கென்யா)	10 விக்கெட் வித்தியாசம்
அதிக சிக்ஸர்கள்	கெவின் ஓ ப்ரயன்	7 சிக்ஸர்கள்
அதிக கேட்ச்	தில்ஷான்	4

படங்கள் மற்றும் புள்ளிபட்டியல் உதவி : Cricinfo இணையதளம்

உலகக்கோப்பை 2011 : Updates (03-03-11)

2011-03-03T12:52:00.000+05:30

இம்முறை கனடா ஜிம்பாப்வே பற்றியோ, இலங்கை – கென்யா பற்றியோ, நெதர்லாந்து – வெஸ்ட் இண்டீஸ் பற்றியோ எழுதப்போவதில்லை. ஏனெனில் இவர்களில் யார் வெற்றி பெறுவார்கள் என்பதும், எவ்வளவு வித்தியாசத்தில் வெற்றி பெறுவார்கள் என்பதும் முன்பே கணித்த விஷயம்தான். ஆனால் போன பதிவில் சொன்னது போல கணிப்பில் தவறிய, இந்த உலகக் கோப்பையின் மிக முக்கிய திருப்பங்களான போட்டிகளில் ஒன்றாக இங்கிலாந்து – அயர்லாந்து போட்டி உண்டாகுமென்று நினைக்கவேயில்லை.

இங்கிலாந்து – அயர்லாந்து

இங்கிலாந்து – 327/8
அயர்லாந்து - 329/7

3 விக்கெட் வித்தியாசத்தில் அயர்லாந்து வெற்றி

துரதிர்ஷ்ட வசமாக இந்த போட்டியை காணும் வாய்ப்பு எனக்கு கிடைக்கவில்லை. இங்கிலாந்துதான் வெற்றி பெறும் எனும் நம்பிக்கையோடு வெளியூர் கிளம்பி மீண்டும் வீட்டுக்கு வந்து பார்த்தால் Ireland won by 3 wickets என்று டிவியில் ஃப்லாஷ் செய்து கொண்டிருந்தார்கள். கொஞ்சம் நஞ்சமல்ல, ரொம்பவே ஏமாற்றம்தான். ஹைலைட்ஸ் மட்டும்தன் பார்க்க முடிந்தது. அயர்லாந்தின் பேட்டிங் பலம் என்று சொன்னால் அது ப்ரயன் சகோதர்கள் தான். 2007 உலகக் கோப்பையின் போது பாகிஸ்தான் முதல்சுற்றுடன் வெளியேற முழு முதற்காரணம் இவர்கள் இருவரின் ஆட்டம் நிலையான ஆட்டமும் ஃபார்ம் இல்லாத பாகிஸ்தான் வீரர்களும்தான். அந்த போட்டியில் நீல் ஓ ப்ரயன் சிறப்பான ஆட்டத்தை வெளிப்படுத்தி மேன் ஆப் த மேட்ச் விருதும் பெற்றிருந்தார். இம்முறை சகோதரர் கெவின் ஓ ப்ரயன் அந்த பெருமையைத் தேடிக் கொண்டுள்ளார். 6 சிக்ஸர்கள், 13 பவுண்டரிகள்… ஐம்பதே பந்துகளில் சதமடித்து உலகக் கோப்பையில் அதிவேக சதமடித்த சாதனையும் வேறு. இங்கிலாந்தின் ஒருவர் பந்தையும் விட்டு வைக்கவில்லை. அவருடன் Cusack நல்ல பார்ட்னர்ஷிப் கொடுத்திருந்தார்.

ஆனால் இந்த போட்டியில் அயர்லாந்து வெற்றி பெற அவர்களின் திறமை மட்டுமல்ல, இங்கிலாந்தின் மோசமான ஃபீல்டிங்கும் பவுலிங்கும்தான் காரணம். அநாயசமாகப் பிடிக்கவேண்டிய கேட்சுகளை தவறவிட்டார்கள். மிஸ் ஃபீல்டிங், கவனக்குறைவு, மோசமான பந்துவீச்சு போன்றவை இங்கிலாந்து வேணுமென்றே செய்வதைப் போல இருந்தது. இங்கிலாந்து விக்கெட் கீப்பர் ப்ரயர், ஒருசில எட்ஜ் களையும், அழகான கேட்சுகளையும் தனது மோசமான திறமையால் விட்டுக் கொடுத்து அயர்லாந்தை வாழவைத்துக் கொண்டிருந்தது, ஹைலைட்ஸ் பார்க்கும் பொழுதே எரிச்சலாக இருந்தது… பாவம் ஆங்கிலேய மக்கள்!! இந்தியாவிடம் ஆடியபோதிருந்த effort இங்கிலாந்திடம் நேற்று சுத்தமாக இல்லை, (கடைசியாக அயர்லாந்து அடித்த பவுண்டரியை தடுக்க இங்கிலாந்து வீரர் ஓடி வருவார் பாருங்கள்.. எவ்வளவு மந்தமாக!!)

சரி, இதற்கும் மேல் எழுத ஒன்றுமில்லை. ஆங்கிலேயனை இந்தியன் அடிக்க ஆசைப்பட்டு கடைசியில் ஐரிஸ், காறி உமிழ்ந்துவிட்டது…

இந்த உலகக் கோப்பையில் ஒருசில அதிர்ச்சிகள் நாடகத்தனமாகவே தெரிகின்றன. இதனை பத்திரிக்கைகளும் நேற்று உறுதிபடுத்திருக்கின்றன. மேட்ச் ஃபிக்ஸிங் நடந்திருக்குமோ என ஐசிசிக்கு சந்தேகமும் எழுந்திருக்கிறது என்றாலும் ஐசிசி பெரிதாக கண்டுகொள்ளவில்லை என்றுதான் தோணுகிறது. என்னதான் பெங்களூரு பிட்ச் பேட்டிங்கிற்கு சாதகம் என்றாலும் இப்படியா என்று பலரும் உச்”சாதாபப்பட்டுக் கொண்டிருக்க வேண்டியிருக்கிறது. இனிவரும் போட்டிகளை கணிப்பதாக இல்லை!!! தவிர நாக் அவுட் மேட்ச் வேறு இருக்கிறது…. பார்ப்போம்!!

புள்ளிப் பட்டியல் :

Group A

Teams	Mat	Won	Lost	Tied	Pts
Sri Lanka	3	2	1	0	4
Pakistan	2	2	0	0	4
Australia	2	2	0	0	4
New Zealand	2	1	1	0	2
Zimbabwe	2	1	1	0	2
Canada	2	0	2	0	0
Kenya	3	0	3	0	0

Group B

Teams	Mat	Won	Lost	Tied	Pts
India	2	1	0	1	3
England	3	1	1	1	3
West Indies	2	1	1	0	2
South Africa	1	1	0	0	2
Ireland	2	1	1	0	2
Bangladesh	2	1	1	0	2
Netherlands	2	0	2	0	0